Lajme nga vendi
Valë e re e të nxehtit nga 6 shtatori, ja moti çka na pret në ditët në vijim
Në periudhën nga e martja (1 shtator) deri të hënën tjetër (7 shtator), në Maqedoninë e Veriut por edhe në mbarë Ballkanin Perëndimor vazhdon trendi i motit me temperatura mbi mesataren me 3 deri në 6 gradë më shumë se mesatarja shumëvjeçare.
Një freskim i lehtë i motit pritet nga data 3 deri më 5 shtator, i cili do të ndjehet më shumë gjatë orëve të natës dhe të mëngjesit, kur në vendbanimet më të larta dhe zonat malore temperaturat do të ulen rreth ose edhe nën 10 gradë.
Temperaturat maksimale mbeten mjaft të larta gjatë kësaj periudhe, me temperatura ditore paksa më të ulëta nga 3 deri më 5 shtator, kur ato do të lëvizin nga 25 deri në 33 gradë. Në Shkup dhe rrethinë, temperatura maksimale gjatë këtyre ditëve do të arrijë deri në rreth 33 gradë, bën të ditur me meteorologu i Entit Hidrometeorologjik, Slavço Poposki.
„Një valë e re e të nxehtit është në horizont nga data 6 shtator, kur temperaturat do të rriten përsëri ndjeshëm dhe do të lëvizin midis 30 dhe 35 gradë. Ndërsa në luginën e Shkupit, në Povardarie dhe në zonat juglindore të Maqedonisë, ato pritet të kalojnë 35 gradët.
Sa i përket reshjeve gjatë kësaj periudhe, ato do të jenë relativisht nën mesataren, çka do të thotë se thatësira vazhdon në pjesën më të madhe të Maqedonisë. Megjithatë, gjatë orëve të pasdites dhe të mbrëmjes, lokalizohen kushte për zhvillimin e reve konvektive me rrufe, të cilat mund të sjellin rreshje të rrëmbyeshme shiu, bubullima, erë të fortë dhe kushte për stuhie të shkurtra me breshër, veçanërisht të mërkurën dhe të enjten (2 dhe 3 shtator).
Përmbledhtazi, vera në Maqedoni vazhdon me temperatura relativisht më të larta se mesatarja edhe gjatë javës së parë të shtatorit, me një freskim të lehtë e të shkurtër nga 3 deri më 5 shtator, kryesisht gjatë natës dhe mëngjesit,“ njofton ai. (INA)
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13