Si në të gjithë fshatrat e tjerë, edhe në fshatin Çellopek të Epërm procesi i votimit vazhdon i qetë dhe pa probleme.

Zv/kryetarja e një vendvotimi e konfirmon se procesi ka qenë i qetë, pa ndërprerje dhe pa probleme të çfarëdo lloji.

Qytetarët e anketuar nga TV Koha pas votimit thonë se presin që kryetari i ardhshëm, kushdo që është ai, të mbajë së paku gjysmën e premtimeve të dhëna

Ndryshe, Komuna e Bervenicës numëron gjithsej 24 vendvotime në të cilat votohet për zgjedhjen e kryetarit të ri, pasi ish-kryetari ndërroi jetë.

Nga 10–17 tetor 2026 në Teatri Shqiptar Shkup, Festivali Ndërkombëtar i Teatrit Skupifestival përmbylli me sukses edicionin e tij të 20-të jubilar, duke e kthyer Shkupin, nga 10 deri më 17 tetor, në një pikëtakim të rëndësishëm të artistëve, teatrove dhe publikut nga rajoni dhe Evropa.

Gjatë shtatë ditëve të festivalit, publiku pati mundësinë të ndiqte tetë produksione teatrore nga Kosova, Shqipëria, Polonia, Moldavia, Turqia, Bullgaria dhe Serbia, si dhe bashkëprodhime ndërkombëtare që përfshijnë Suedinë, Ukrainën dhe Gjeorgjinë.

Programi solli në skenën e FNT Skupifestival, autorë, regjisorë dhe aktorë me qasje të ndryshme artistike, duke krijuar një hapësirë të pasur komunikimi përmes gjuhës universale të teatrit. Edicioni jubilar u hap më 10 tetor me shfaqjen „Unrecognized“, me autorë Davit Gabunia dhe Jeton Neziraj, në regji të Data Tavadze.

Ky bashkëprodhim ndërkombëtar, i realizuar nga institucione dhe organizata teatrore nga disa vende evropiane, dëshmoi edhe një herë rëndësinë e bashkëpunimit ndërkombëtar në zhvillimin e artit bashkëkohor skenik. Në ditët në vijim, publiku ndoqi shfaqjen „Hamleti“, veprën klasike të William Shakespeare-it, në regji të Jonida Beqos, nga Teatri Metropol i Tiranës; „Sexoholic“, me autor dhe regjisor Gzhegor Kempinski, nga Teatri Shtukofnia i Polonisë; si dhe „Gërrdia“, me autor dhe regjisor Astrit Kabashi, produksion i Teatrit Kombëtar të Kosovës. Programi vazhdoi më 15 tetor me dy produksione: „Gjërat që nuk thuhen“, me autore Maria Ivanov dhe regji të Ana Batevës, nga Teatri „Aleksej Matejeviç“ i Moldavisë. Në orën 21:00 u shfaq monodrama e dytë, „Veta e parë njëjës“, me interpretim të Vladanka Krstevski , si dhe regji nga Dragana Guninit. Shfaqja u shpërblye nga publiku me duartrokitje frenetike,. Kjo shfaqje erdhi në program si zëvendësim i shfaqjes „Muhammad Ali“, me autor dhe regjisor Turgay Korkmaz, në interpretim nga Erdem Kaynarçës, e teatrit „Jolxhu“ nga Stambolli, Turqisë. Të cilët një ditë para se japin shfaqjen nga data e parashikuar dhe kontraktuar nga dy palët , e njoftojnë festivalin se nuk do të mund të merrin pjesë, pavarësisht marrëveshjes së mëparshme. Me këto dy monodrama u përmbyll nata e pestë e edicionit të 20-të të Festivalit Ndërkombëtar të Teatrit SkupiFestival.

Më 16 tetor, në program u prezantua shfaqja „Zoti i Masakrës“, bazuar në veprën e Jasmina Reza-s, me regji të Anton Ugrinov, nga Teatri Kombëtar „Ivan Vazov“ i Bullgarisë. Edicioni i 20-të jubilar u përmbyll më 17 tetor me shfaqjen „Ata nuk janë më“.

Advertisement

FITUESIT DHE ÇMIMET E FESTIVALIT

Një nga veçoritë e këtij edicioni jubilar ishte përbërja e jurisë, e cila u angazhua në vlerësimin e shfaqjeve pjesëmarrëse dhe të arritjeve të tyre artistike. Juria përbëhej nga Merita Çoçolli, Vesna Kusleska dhe Anisa Ismaili, tri profesioniste të artit dhe kulturës.

Në qendër të vlerësimit ishte Çmimi Kryesor për „Shfaqjen më të mirë“: “Ata nuk janë më” autore Doruntina Basha, regjia: Andrej Nosov, në Interpretim të: Mirjana Karanoviq, Svetozar Cvetkoviq, Alban Ukaj. Skenograf: Zorana Petrov, kostumograf: Selena Orb, kompozitor: Drashko Axhiq. Në produksion: Hartefakt, Beograd, Serbi ; SARTR Sarajevë, Bosnje & Hercegovina.
– Çmimit „Luran Ahmeti“, ju nda aktores së mirnjohur Mirjana Karanoviq, për interpretimin e sa brilant në rolin e Sadikës nga shfaqja e fituese edhe e çmimit kryesor.

Nga juria e Skupifestivalit u dha çmimin special për aktorët: Shkëlqim Islami, Katerina Kisten, Kato Kalatozishvili, Maria Saloma, Ellen Jelinek dhe Johanes Vanselov, nga shfaqjen “Unrecognized” nga autorët: Jeton Neziraj dhe Davit Gabunia, në regji Data Tavadze, producent Anders Ohrn, kompozitor: Nikoloz Pasuri, skenograf dhe Ndriçues & video: Lude Falk, ass/regjisor: Orges Karaga, menaxher i produksionit Aurela Kadriu. Bashkprodhuar nga: Qendra Multimedia, Prishtinë, Kosovë; Teatri Rajonal Mbretëror Tbilisi, Gjeorgji; OrnProduction, Stokholm, Suedi; Teatri në Peçersk, Kiev, Ukrainë; Teatri Shqiptar Shkup, Maqedonia e Veriut; Teatri i Qytetit Malmo, Suedi; Teatri Dramatik Mbretëror, Stokholm, Suedi; Teatri i Qytetit Geteborg, Suedi.

Si dhe çmimi special për aktorin Bujar Ahmeti në rolin e Lekës, për intepretimin në shfaqjen “Gërrdia”, me autor dhe regjisor Astrit Kabashi, në role Bujar Ahmeti, Maylinda Kosumovic, Rebeka Qena. Skenograf Arben Shala,kostumet Yllka Brada, muzika Memli Kelmendi, ass regjisor Lendi Aliu. Në produksion të Teatri Kombëtar i Kosovës, Prishtinë, Kosovë.

Advertisement

Përgjatë njëzet edicioneve, Skupifestival ka ndërtuar një traditë të qëndrueshme të promovimit të teatrit bashkëkohor dhe të shkëmbimit kulturor ndërkombëtar. Në skenat e tij kanë prezantuar punën e tyre institucione të rëndësishme teatrore, artistë të njohur evropianë dhe botërorë, si dhe krijues nga fusha të ndryshme të artit që ndërveprojnë me teatrin. Rëndësia e këtij rrugëtimi qëndron jo vetëm te programet artistike, por edhe te mundësia për të krijuar ura bashkëpunimi ndërmjet artistëve, institucioneve dhe publikut nga vende të ndryshme. Përmes përzgjedhjes së produksioneve me gjuhë, estetikë dhe përmbajtje të ndryshme, festivali ka kontribuar në pasurimin e jetës kulturore të Shkupit dhe në forcimin e komunikimit kulturor në nivel rajonal dhe ndërkombëtar. Edicioni i 20-të jubilar e konfirmoi këtë mision, duke sjellë në një program të vetëm vepra që trajtojnë tema njerëzore, shoqërore dhe universale dhe që dëshmojnë larminë e formave të shprehjes teatrore.

Realizimi i edicionit të 20-të jubilar u mundësua me mbështetjen e Ministrisë së Kulturës së Republikës së Maqedonisë së Veriut dhe Uji Tepelena, si dhe me mbështetjen mediatike të gazetës së përditshme KOHA, televizionit Alsat-M dhe Radiotelevizionit të Maqedonisë.

Me përmbylljen e këtij edicioni, Skupifestival shënon një moment të rëndësishëm në historinë e tij, duke kurorëzuar njëzet vjet përkushtim ndaj teatrit, krijimtarisë artistike dhe bashkëpunimit ndërkombëtar.

Festivalin e drejton Muzbajdin Qamili – Muçi, ndërsa kryetar i Këshillit Artistik është Senko Velinov. Drejtor artistik është Osman Ahmeti, ndërsa në ekipin organizativ bëjnë pjesë Kushtrim Bekteshi dhe Betim Zeqiri. Koordinator i festivalit është Xhaner Musiq, ndërsa dizajni grafik është realizuar nga Eggra.(INA)

Advertisement

Skema “Frühstartrente” parashikon financim shtetëror për brezat e lindur nga viti 2020. Nisja planifikohet në janar 2027, ndërsa nevojitet edhe miratimi i Bundesratit.

Bundestagu gjerman miratoi të premten, më 16 tetor 2026, skemën “Frühstartrente”, që parashikon nisjen e kursimit për pension që në fëmijëri. Shteti do të kontribuojë me dhjetë euro në muaj për çdo fëmijë që plotëson kushtet e programit.

Projektligji mori mbështetjen e CDU/CSU-së dhe SPD-së. Të Gjelbrit dhe partia E Majta votuan kundër, ndërsa AfD-ja abstenoi.

Mbështetja do të investohet në një llogari të posaçme për pensionin e ardhshëm. Familjet nuk do t’i marrin këto para për shpenzimet e përditshme dhe fëmijët nuk do të mund t’i tërheqin sapo të mbushin 18 vjeç. Sipas skemës së miratuar në Bundestag, tërheqja e kapitalit të financuar parashikohet, në parim, jo përpara moshës 65-vjeçare.

Programi parashikohet të nisë më 1 janar 2027, me fëmijët e lindur në vitet 2020 dhe 2021. Më pas, çdo vit do të përfshihet brezi që mbush gjashtë vjeç. Kontributi shtetëror do të vazhdojë deri në moshën madhore.

Advertisement

Për familjet shqiptare në Gjermani, rëndësi ka grupmosha e fëmijës dhe plotësimi i kushteve të përfitimit. Fëmijët e lindur përpara vitit 2020 nuk përfshihen në financimin shtetëror sipas modelit të miratuar, edhe pse për ta mund të hapen kontrata private kursimi.

Prindërit mund të lidhin një kontratë të posaçme në emër të fëmijës te një ofrues i certifikuar. Për fëmijët përfitues, prindërit e të cilëve nuk hapin një kontratë individuale, parashikohet një mekanizëm kolektiv investimi, i administruar nga Bundesbank-u. Kjo synon që pjesëmarrja të mos varet vetëm nga iniciativa apo mundësitë financiare të prindërve.

Miratimi në Bundestag është një hap vendimtar, por procedura ligjore ende nuk ka përfunduar. Për hyrjen në fuqi kërkohet edhe miratimi i Bundesratit, dhomës që përfaqëson landet gjermane.