Lajme nga bota
Kanadaja mbyll marrëveshjen për blerjen e 88 luftarakëve F-35
Autoritetet kanadeze kanë nënshkruar një kontratë përfundimtare për të blerë 88 avionë luftarakë F-35 për të zëvendësuar avionët luftarakë të vjetër CF-18.
Kështu deklaroi ministrja e Mbrojtjes Anita Anand të hënën, raporton transmetuesi vendas “CBC News”.
Dorëzimi i parë i avionëve pritet në vitin 2026 dhe skuadriljet e para F-35 do të hyjnë në shërbim deri në vitin 2029, thanë zyrtarë të lartë kanadezë të mbrojtjes.
Buxheti i projektit është 19 miliardë dollarë, siç ka deklaruar qeveria vitin e kaluar.
Anand dhe zyrtarë të tjerë qeveritarë po i qëndrojnë parashikimit për atë kosto, pavarësisht ndikimit të mundshëm të inflacionit.
“F-35 është një luftëtar modern, i besueshëm dhe i manovrueshëm që përdoret nga aleatët tanë më të afërt në misionet në mbarë botën. Është luftarak më i avancuar në treg dhe është avioni i duhur për vendin tonë”, u shpreh Anand në një konferencë virtuale për shtyp.
Një zyrtar i lartë i mbrojtjes, duke folur në një konferencë shtypi, tha se F-35 do të prokuroheshin në faza dhe se kësti i parë prej katër avionëve do të kushtonte 85 milionë dollarë për avion.
Marrëveshja është një kthesë për qeverinë liberale të Kanadasë, e cila ka premtuar të mos blejë F-35, por në vend të kësaj të blejë një avion luftarak më të lirë dhe të përdorë kursimet për të forcuar marinën.
Qeveria konservatore, e udhëhequr nga kryeministri Stephen Harper, së pari njoftoi planet për të blerë aeroplanin Lockheed-Martin në verën e vitit 2010.
Plani u anulua mes kritikave nga Zyrtari Parlamentar i Buxhetit dhe Auditori i Përgjithshëm, i cili vuri në dyshim koston e tij dhe nëse zyrtarët e mbrojtjes kishte bërë mjaftueshëm detyra shtëpie në avionë të tjerë që mund të plotësonin nevojat e forcave ajrore të Kanadasë.
Gjermania thuhet se ka vendosur të ndajë 10 miliardë euro për të blerë 35 avionë luftarakë F-35A Lightning II në fund të vitit, duke reflektuar premtimin e kancelarit Olaf Scholz për të rritur shpenzimet e mbrojtjes. /Albanianpost.com Nga Klevis Hoxhaj
Lajme nga bota
Kryeministri britanik: I bëjmë thirrje Iranit dhe Izraelit të respektojnë armëpushimin
Mbretëria e Bashkuar i bën thirrje Iranit dhe Izraelit të “respektojnë armëpushimin”, tha kryeministri i këtij vendi Keir Starmer.
Në një deklaratë për parlamentin, kryeministri, i cili u kthye nga samiti i NATO-s në Hagë gjatë natës, tha se për dekada ka qenë politikë e deklaruar e Mbretërisë së Bashkuar dhe aleatëve të saj, që “Irani nuk duhet të ketë kurrë një armë bërthamore”
“Askush që interesohet për sigurinë e vendit tonë ose të ardhmen e Lindjes së Mesme, nuk mund të jetojë me këtë mundësi”, tha ai, transmeton Telegrafi.
Starmer theksoi të shtunën se SHBA-të ndërmorën një “hap të madh drejt zgjidhjes së këtij kërcënimi”.
“Tani ka një dritare për paqe. Ne i bëjmë thirrje Iranit dhe Izraelit të respektojnë armëpushimin dhe të përdorin këtë mundësi për të stabilizuar rajonin”, tha ai.
Lajme nga bota
Zelensky nënshkruan marrëveshje me Këshillin e Evropës për themelimin e tribunalit për krime lufte
Presidenti i Ukrainës, Volodymyr Zelensky, nënshkroi të mërkurën vonë një marrëveshje me Këshillin e Evropës për themelimin e një tribunali të posaçëm që do të gjykonte zyrtarë të lartë përgjegjës për pushtimin e Ukrainës nga Rusia.
Tribunali do t’i ndjekë penalisht “krimet e agresionit” në lidhje me pushtimin dhe mund të gjykojë politikanë të lartë rusë, përfshirë presidentin Vladimir Putin.
“Çdo kriminel lufte duhet ta dijë se do të ketë drejtësi dhe kjo vlen edhe për Rusinë”, tha Zelensky pas nënshkrimit të marrëveshjes në Strasburg me sekretarin e përgjithshëm të Këshillit të Evropës, Alain Berset.
“Do të nevojitet guxim i madh politik dhe ligjor për t’u siguruar se çdo kriminel rus i luftës do të përballet me drejtësinë, përfshirë Putinin”, tha Zelensky në Asamblenë Parlamentare të Këshillit të Evropës pas nënshkrimit të marrëveshjes.
“Duhet ta dërgojmë një mesazh të qartë: agresioni çon në ndëshkim. Dhe, këtë duhet ta bëjmë së bashku, si Evropë”, shtoi ai më vonë në X.
Mandati i tribunalit do të jetë ndjekja penale e drejtuesve të lartë politikë dhe ushtarakë për krimin e agresionit kundër Ukrainës, tha Këshilli i Evropës.
“Kjo vepër penale i referohet vendimit për të përdorur forcën e armatosur kundër një shteti tjetër duke e shkelur Kartën e OKB-së”, tha këshilli.
Shtetas të Bjellorusisë apo Koresë së Veriut mund të ndiqen gjithashtu penalisht nëse provohet se kanë luajtur rol të rëndësishëm në krimin e agresionit kundër Ukrainës, shtoi ai.
Berset theksoi se e drejta ndërkombëtare “duhet të zbatohet për të gjithë, pa përjashtime dhe pa standarde të dyfishta”.
Ai tha se Këshilli i Evropës shpreson se tribunali do ta nisë punën vitin e ardhshëm. Nuk është vendosur ende se ku do ta ketë selinë tribunali.
Kjo është hera e parë që një tribunal i tillë themelohet nën mbikëqyrjen e Këshillit të Evropës, organit më të lartë për të drejtat e njeriut në kontinent.
Këshilli i Evropës, me 46 anëtarë, nuk është pjesë e BE-së, dhe përfshin shtete evropiane të rëndësishme jashtë BE-së si, Turqia, Mbretëria e Bashkuar dhe Ukraina./ REL
BELGJIKË- Autoritetet belge kanë çmontuar një një organizate kriminale shqiptare. Mësohet se policia në lidhje me ketë operacion ka zhvilluar 18 kontrolle të cilat rezultuan me 15 arrestime mes tyre 10 shqiptarë. Organizata përdorte ndërmjetës për të rregulluar automjetet dhe numrat e telefonave celularë.
Ekipet e policisë kontrolluan ndërtesat në Kortrijk, Menen, Harelbeke, Waregem, Wervik, Mouscron, Asse, Machelen, Antwerp, Ronse, Ledeberg, Verviers, Engis dhe Bruksel. Më shumë se 120 oficerë punuan së bashku dhe tre skuadra qensh nuhatës përforcuan operacionin.
Rojet, shpesh pa dokumente ruanin plantacionet, ndërsa dokumentet e falsifikuara siguronin kamuflazh shtesë. Në total, u gjetën më shumë se 3.200 bimë dhe prerje marijuane. Dy lokacione në Menen dhe Kortrijk dukeshin se ishin në ndërtim e sipër. Ekspertët mjeko-ligjorë analizuan të gjitha gjurmët, ku u analizuan 4.8 kilogramë mrijuanë, tre makina, armë të ndaluara dhe para të gatshme. Llogaritë bankare dhe kriptovaluta u ngrinë.
14 burra dhe një grua (të moshës 27-53 vjeç) përfunduan në burg. Midis tyre ishin dhjetë shqiptarë, tre belgë, një kongolez dhe një rumun. 11 të dyshuar u paraqitën para gjyqtarit hetues në Bruges. Ata u arrestuan për trafik droge në kontekst kriminal. Një burrë italian i kërkuar është në pritje të ekstradimit. Tre të dyshuar u liruan me kusht.https://noa.al/
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve