Lajme nga vendi
Bytyqi: Ta kuptojmë nevojën e rikualifikimit, disa vende pune prej para 30 vitesh nuk ekzistojnë më
Ata që konsiderojnë se vendi ynë ofron kushte më të mira jetese do ta gjejnë rrugën, ashtu si bashkëqytetarët tanë që besojnë se mund të gjejnë një jetë më cilësore në Evropën Perëndimore, tha sot zëvendëskryeministri për Çështje Ekonomike Fatmir Bytyqi, duke u përgjigjur në pyetjen e gazetarëve në lidhje me importin e fuqisë punëtore në vend.
Sipas tij, zgjidhjet afatgjata, megjithatë, kërkohen tek qytetarët tanë, të cilët duhet ta kuptojnë domosdoshmërinë e rikualifikimit dhe aftësimit shtesë, sepse disa vende pune prej para 30 viteve më parë nuk ekzistojnë më. Duhet ndjekur trendi, ndërsa Qeveria, theksoi zëvendëskryeministri, krijon mundësi dhe nuk ka qenë dhe as nuk do të jetë që dikush ta mbajë mbi kurriz.
Siç theksoi Bytyqi, çështjet si importi i fuqisë punëtore duhet të hapen dhe të diskutohen. Është më mirë të jesh i përgatitur nga situata të tilla, thekson ai.
“Kam thënë se zgjidhjet afatgjate i kërkojmë te qytetarët tanë. Duhet të kuptojmë se të mësuarit gjatë gjithë jetës nuk është vetëm në letër dhe fjalë, por ne duhet të rikualifikohemi për të vazhduar me vendet e punës që po hapen. Ofron mundësi ligjore, eliminimin e procedurave burokratike, krijon mundësi që secili të gjejë vendin e tij. Ndërsa ne flasim, sektori privat po i gjen zgjidhjet vetvetiu”, deklaroi Bytyqi para prezantimit të 10 startap-eve të mbështetura nga akseleratori i UCM-së.
Një ngjarje e rëndë është shënuar sot në ambientet e Komunës së Strugës, ku Zllatko Bogdanovski, 53 vjeç, ka humbur jetën si pasojë e një arresti kardiak gjatë orarit të punës.
Sipas raportimit të “Struga Ekspres”, ekipet e emergjencës kanë mbërritur me shpejtësi dhe kanë ndërhyrë menjëherë për t’i ofruar ndihmën mjekësore. Megjithë përpjekjet e stafit mjekësor, Bogdanovski nuk ka arritur të mbijetojë.
Institucionet lokale kanë shprehur ngushëllimet e tyre për familjen e të ndjerit, ndërsa pritet që detaje të tjera rreth rrethanave të ngjarjes të bëhen të ditura në vijim.
Zyrtarë policorë të SPB Tetovë, në bashkëpunim me punëtorë socialë nga Qendra për Punë Sociale Tetovë, kanë zhvilluar më 11 nëntor (nga ora 11:00 deri në 16:00) një aksion në kuadër të planit për parandalimin e lypjes në qytet .
Gjatë kontrollit, rreth orës 12:20, në rrethrrotullimin e rrugëve “Iliria” dhe “Ilinden” është gjet duke lypur N.F. (42) nga Tetova. Po ashtu, në orën 12:50 në rrugën “Ilinden” është konstatuar se M.D. (19) nga Koçani po lypte së bashku me dy fëmijët e saj të mitur, të moshës katër dhe një vjeç.
Sipas njoftimit të policisë, pas dokumentimit të plotë të rasteve, personat e përfshirë janë marrë nga Qendra për Punë Sociale Tetovë për procedurë të mëtejshme.
Aksione të tilla, siç njofton MPB, do të vazhdojnë edhe në ditët në vijim me qëllim parandalimin e lypjes dhe mbrojtjen e fëmijëve nga keqpërdorimi në rrugë, transmeton Tetovasot.
Lajme nga vendi
Mos u frikësoni nga shpërthimet! MPB: Do të shkatërrohen granata, janë marrë të gjitha masat
Nga Ministria e Punëve të Brendshme njoftojnë qytetarët se të premten, do të shpërthehen granata në rajonin e Gjorçe Petrovit. Nga MPB sigurojnë se granatat do të shkatërrohen sipas standardeve të parashikuara të sigurisë.
“Ministria e Punëve të Brendshme i njofton qytetarët se më 14.11.2025 (e premte) në ora 07:00 në rrethin e Qendrës Policore në Gjorçe Petrov në Shkup do të shkatërrohen granata, për të cilat sipas analizës së ekspertëve është konstatuar se nuk mund të transportohen jashtë Qendrës Policore. Granatat do të shkatërrohen sipas standardeve të parashikuara të sigurisë”, thonë nga MPB.
Ndërron jetë në vendin e punës një punonjës në komunën e Strugës
Aksion kundër lypjes në Tetovë – dy persona të identifikuar nga policia
Mos u frikësoni nga shpërthimet! MPB: Do të shkatërrohen granata, janë marrë të gjitha masat
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi1 week agoUniversiteti i Tetovës shpreh ngushëllime për vdekjen e studentes Daorsa Spahija