Lajme nga vendi
Personat me nevoja të veçanta në Tetovë pa kushte për aktivitete sportive | VIDEO
Personat me nevoja të veçanta në Tetovë, të cilët dëshirojnë që të meren me sport, nuk kanë kushte të mjaftueshme. Ata janë të diskriminuar nga institucionet të cilët kanë krijuar ambiente sportive por jo edhe për personat me nevoja të veçanta. Në Tetovë mungojnë hapësirat adekuate për këta persona, nuk ka fusha sporti të përashtatura ku ata do të mund të zhvillojnë aktivitete sportive, transmeton Televizioni KOHA.
Kështu, një prej tyre është edhe Agron Hajredini, i cili meret në mënyrë aktive meret me sport. Por, kushtet ku ai duhet që të trajnohet nuk janë aspak adekuate, sidomos në natyrë. Përderisa gjatë muajve të dimrit ai arrinë që të trajnohet në sallë sportive, gjatë periudhës së verës mungojnë hapësirat adekuate sportive. Si person me nevoja të veçanta, atij i duhen edhe kushte të veçanta, të cilët i mungojnë:
“Për më shumë kushte kemi nevojë, te kemi më shumë salla për vrapim, për ushtrime, shtigje, sepse kur ngrohet salla, ushtrimet i bëjmë në jashtë dhe atje duhet ma shumë kushte. Presim që të fillojmë tek Universiteti i Tetovës”, tha për Televizionin KOHA Agron Hajredini, pjesëmarrës në olimpiadën speciale.
Trajneri Ifraim Luta, i cili çdo të shtunë meret me aktivitete sportive për personat me nevoja të veçanta, thotë se Tetova dhe kjo kategori e qytetarëve nuk ka kushte adekuate për trajnim, sidomos gjatë verës. Trajnimet në kuadër të Shoqatës Aktiv Life i ndjekin disa persona me nevoja të veçanta. Trajneri Luta kërkon më shumë përkrahje nga institucionet:
“Ne si shoqatë nuk e kemi marrë guximin që të punojmë jashtë, sepse nuk kemi park adekuat, ku mund të zhvillojmë aktivitete, sepse duhet edhe më shumë vollunter, sepse duhet të ketë kushte, që fëmijët mos të lëndohen, pavarësisht se kemi parqe, duhet që të ketë zhveshtore, toalete që seancat stërvitore ti bëjmë pa pengesa.Pra, ne si shoqatë, në mungesë të kushteve nuk kemi marrë guxim të punojmë jashtë edhe pse është shumë e nevojshme. Ka nevojë për më shumë objekte sportive, sepse vetëm shkollat e mesme kanë salla sportive, kurse shkollat fillore nuk kanë salla, ose janë shumë të vjetra dhe pa kushte elementare”, tha për Televizionin KOHA Ifraim Luta Trajner.
Këta persona kanë nevojë që të kyçen edhe në aktivitete sportive, pasi që deri më tani përveç arsimit inkluziv në drejtim të avancimit në aspektin sportiv nuk është bërë mjaftueshëm, thonë edukatoret speciale:
“Kohëve të fundit fëmijët me nevoja të veçanta sa i përket arsimimit, janë në shkolla inkluzive por sa i përket aktiviteteve sportive akoma nuk janë kyçur sepse duhet shumë punë dhe kushte” tha për Televizionin KOHA Shejnure Elmazi, edukatore Speciale.
Personat me nevoja të veçanta deri diku janë të pranuar në shoqëri por u mungojnë kushtet elementare që edhe ata të ndjehen pjesë e barabartë e shoqërisë, thonë njohësit e këtyre rrethanave:
“Nuk kanë kushtet e nevojshme që i nevojiten një personi me autizëm, që të ëprparojë dhe të shfaq aftësitë e veta në shoqërinë tonë” thotë për Televizionin KOHA Agnesa Besimi, profesoreshë.
Kryetari i komunës së Tetovës Bilall Kasami për Televizionin KOHA u shpreh se punohet në drejtim të përmirësimit të kushteve për këta persona.Ai përmend edhe parkun inkluziv, ndërsa premton rregullimin e hapësirave adekuate sportive për personat me nevoja të veçanta:
“Konform angazhimit tonë për të krijuar më shumë kushte për të gjithë qytetarët, kemi punuar edhe për krijimin e kushteve për personat me nevojat e veçanta, ashtu që ne jemi në parkun e dedikuar për këta persona, sidomos për fëmijët, që është një park inkluziv, është i dyti që e kemi ndërtuar në Tetovë dhe do të vazhdojmë të përmirësojmë kushtet edhe më shumë për këta persona”, tha për Televizionin KOHA Bilall Kasami, kryetar i komunës së Tetovës.
Përderisa për sportistët tjerë ka vende adekuate për marrje me sport, personat me nevoja të veçanta nuk i kanë këta mundësi.Kësisoji, Agron Hajredini, para dy vitesh kishte marrë pjesë në olimpiadën speciale që u mbajt në Abu Dabi, ndërsa këtë vit do të marrë pjesë në olimpiadën speciale që do të mbahet në Berlin të Gjermanisë nga 12 deri më 26 qershor. Ai mer pjesë në atletikë, në disiplinën, vrapim deri në 50 metra dhe kërcim.Tashmë ai stërvitet çdo të shtunë me trajnerat që të jetë në formë të mirë edhe pse ka mungesë të kushteve për trajnim adekuat.
Projekti është finansuar nga Bashkimi Evropian, Programa ”Komisioni për Antidiskriminim e kryen rolin e tij preventiv dhe promovues” që e realizon Qendra Maqedonase për bashkëpunim Ndërkombëtar MCMS.
Gazetar: Urim HASIPI
Kameraman: Agon Ameti
Realizoi: Tv Koha – Tetovë
Shkollat duhet t’i respektojnë protokollet për punë gjatë temperaturave tepër të larta, porositi ministrja e Arsimit dhe Shkencës, Vesna Janevska. Rregullat përcaktojnë edhe se kur duhet të hapen apo të mbyllen dritaret dhe cilat aktivitete duhet t’i zhvillojnë nxënësit. Protokollet janë publikuar në ueb-faqen e Ministrisë së Arsimit dhe Shkencës (MASH), ndërsa u janë dorëzuar edhe të gjitha shkollave. Janevska tha se drejtuesit e shkollave dhe mësimdhënësit duhet ta përshtatin mësimin me kushtet atmosferike.
A do të shkurtohen orët mësimore në ditët kur moti do të jetë shumë i nxehtë, ishte një pyetje e gazetarëve drejtuar Ministres së Arsimit, Vesna Janevska, lidhur me vapën afrikane që ka kapluar vendin edhe në fillim të vitit shkollor dhe sipas paralajmërimeve do të vazhdojë edhe më tej.
Ministrja potencoi se shkollat duhet të veprojnë konform protokolleve për situata të këtilla, duke shtuar se nuk mund t`u ikim ndryshimeve klimatike pasi ato janë të njëjta për të gjithë fëmijët në Evropë dhe në botë.
“Udhëheqësit e shkollave dhe vet mësimdhënësit. Është pjesë e punës së tyre. Të adaptohen konform kushteve. Nëse është nxehtë, nuk do të zhvillojnë edukatë fizike, do të kenë pushim, art figurativ, muzikë, diçka tjetër… Unë nuk dua të ndërhyj në punën e tyre, por ja, kjo mund të jetë një ide. Nëse është më freskët, mund të bëjnë edhe ndonjë ushtrim fizik. Në protokolle përcaktohet kur duhet të hapen dhe kur të mbyllen dritaret, si dhe cilat aktivitete duhet t’i kenë fëmijët. Duhet të përshtatemi me çdo gjë që do të jetë sfidë”
E pyetur nëse në shkolla do të sigurohen kondicionerë për freskim gjatë ditëve të nxehta në fillim dhe në fund të vitit shkollor, ministrja u përgjigj se do të ketë kondicionerë kur si shtet do të jemi në gjendje të sigurojmë kondicionerë në të gjitha shkollat.
Nga ana tjetër, Kryetari i Komunës së Aerodromit, Dejan Miteski, deklaroi se në shkollat e kësaj Komune, orët mësimore do të shkurtohen vetëm nëse aktivizohet “faza e verdhë” për shkak të temperaturave të larta.
Dje në orën 11:00 në SPB Tetovë, një 52-vjeçar nga Republika e Kosovës, me banim në Norvegji, ka raportuar se në fshatin Dobrosht të Tetovës i është marrë motoçikleta e tij „BMV“, e cila ishte e parkuar në fshat. Po merren masa për gjetjen e motoçikletës dhe për zbardhjen e rastit.
…….Dje në orën 19:15 në Tetovë, zyrtarët policorë kanë privuar nga liria personin një 44 vjeçar nga Tetova, duke vepruar sipas raportimit paraprak nga vëllai i tij 46-vjeçar se, pas një debati të shkurtër në shtëpinë familjare, e ka sulmuar fizikisht dhe i ka dëmtuar telefonin celular. Pas dokumentimit të plotë të rastit, do të vijojë parashtresa përkatëse.
……Dje rreth orës 19:50 në SPB Tetovë është raportuar se në Spitalin Klinik në Tetovë, një 24 vjeçar nga fshati Pallatcë i Tetovës, pasi i është kërkuar të kryejë një pagesë për shërbim mjekësor, është sjellë në mënyrë agresive dhe ka thyer xhamin e sportelit të pranimit, me ç’rast ai dhe dy punonjës të tjerë kanë pësuar lëndime. Pas ndërhyrjes së zyrtarëve policorë, ai ka sulmuar fizikisht edhe një zyrtar policor, e më pas, për shkak të seriozitetit të lëndimeve, është transportuar në Kompleksin e Klinikave „Nënë Tereza“ në Shkup për t’iu ofruar ndihmë mjekësore. Është kryer këqyrje e vendit të ngjarjes dhe pas dokumentimit të plotë të rastit do të dorëzohet kallëzimi përkatës.
……Dje në orën 22:00 në rrugën „107“ në Tetovë, zyrtarët policorë nga SPB Tetovë kanë privuar nga liria një 24 vjeçar nga Tetova sepse gjatë kontrollit të ushtruar ndaj tij është gjetur dhe konfiskuar marihuanë. Personi është ndaluar në stacionin policor dhe pas dokumentimit të rastit do të vijojë parashtresa përkatëse.
……..Dje në orën 22:20 në rrugën „Iliria“ në Tetovë, zyrtarët policorë nga SPB Tetovë kanë privuar nga liria një 42-vjeçare nga Velesi, me banim në Tetovë, sepse gjatë kontrollit të ushtruar ndaj saj është gjetur dhe konfiskuar një substancë e bardhë pluhur. Personi është shoqëruar në polici dhe pas dokumentimit të rastit do të dorëzohet kallëzimi përkatës.
Pas mesnate në orën 01:50 në rrugën „107“ në Tetovë, zyrtarët policorë nga SPB Tetovë kanë arrestuar një 30-vjeçar nga Tetova, i cili kërkohej me urdhëresë gjyqësore për vuajtjen e dënimit me burg për vepër penale të kryer sipas nenit 130 paragrafi 1 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
Radiologu Argjend Imeri: Diagnoza e historisë – Gjenocidi nuk shërohet me harresë
TETOVARET BUNA SHERIFI DHE ERJONA EMINI NË BOTËRORIN E KARATESË
VAPA AFRIKANE: A DO TË SHKURTOHEN ORËT MËSIMORE?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi1 month agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori
-
Lajme nga bota2 months agoFranca në alarm, zjarret i afrohen Bordeaux, Macron mbledh qeverinë në takim krize