Lajme nga vendi
A duhet të zgjerohen kompetencat e Komisionit shtetërorë për parandalimin e korrupsionit?
Komisioni shtetërorë për parandalimin e korrupsionit është organi kryesor dhe mbase dera e vetme ku duhet të trokitet për të denoncuar rastet e korrupsionit. Por, sipas nënkryetarit të këtij Komisioni, Nuri Bajrami, i cili gjatë prononcimit të tij për Zhurnal tha se Komisioni nuk ka mekanizma të mjaftueshme për ta luftuar korrupsionin. Nga ana tjetër, juristja, Shemsije Demiri, thotë se domosdo duhet të ketë bashkëpunim me organe tjera për përmbushjen e obligimeve të Komisionit, si dhe zgjerim të kompetencave në implementimin e punëve. Megjithatë, edhe përkundër faktit se ky Komision është aktiv, bashkë me të shumë aktiv është edhe korrupsioni. Sipas raportit të fundit të Departamentit Amerikan të Shtetit për të drejtat e njeriut në 2022, tregon se Korrupsioni në Maqedoninë e Veriut është shumë i lartë. Në të theksohet se edhe pse vendi ka ligj që parasheh dënime penale për korrupsionin, megjithatë ekzistojnë raporte për funksionarë që janë të përfshirë në korrupsion. Gjithashtu, në indeksin ndërkombëtar për perceptimin e korrupsionit në botë nga “Transparency International”, Maqedonia e Veriut është në vendin e 85-të nga 180 vende, në shoqërinë e Surinamit, Indisë, Maldiveve, Guajanës dhe Tunizisë, shkruan Zhurnal.
Komisioni shtetëror për parandalimin e korrupsionit (KSHPK) nuk po arrin ta ndalojë korrupsionin –
Komisioni për parandalimin e korrupsionit siduket nuk po arrin ta përmbush punën dhe përgjegjësinë që e ka përsipër, pasi korrupsioni po vazhdon të “lulëzojë” kudo pothuajse gjithkund, dhe vazhdon të jetë në nivel të lartë. E ky nuk është opinion i qytetarëve por edhe rezultat i gjitha hulumtimeve që realizohen brenda dhe jashtë vendit. Por, përse ky organ nuk është funksional në kryerjen e detyrave?
Nënkryetari i Komisionit shtetëror për parandalimin e korrupsionit, Nuri Bajrami, gjatë prononcimit të tij për Zhurnal, tha se ligji aktual për këtë Komision është gjysmë i zbatueshëm, pasi në këtë ligj sipas tij, ka përshkrime të atilla që nuk mund të zbatohen në praktikë.
“Në ligjin që është në fuqi gjysma e ligjit është i pazbatueshëm, pasi përmes këtij ligji janë përshkruar kompetenca përmes të cilave shumë vështirë mund të implementohen pa qenë të përshkruar edhe mjetet teknikat e shumë parakushte të tjera. Përshmebull në ligj thuhet ta luftosh ndikimin politik, e për ta bërë këtë duhet të kesh qendra hetimore, mjete përmes të cilave realizohet kjo në praktikë. Por, për të formuar organe të tilla pastaj do t’i ngjante ndonjë prokurorie ose organi tjetër hetues. Prandaj, kjo duhet të bartet në organet kompetente të cilat kanë mundësi ta realizojnë, ose të cilëve u është përshkruar veç procedurës shqyrtuese dhe analizuese, edhe ajo hetuese, në këtë ligj atë hetuese nuk e ke”, tha Nuri Bajrami për Zhurnal.
Mes tjerash, Bajrami, shpreh shqetësimin e tij edhe për funksionimin e organeve tjera, pasi sipas tij nëse organet tjera do të kishin funksionuar sipas ligjeve, atëherë KSHPK do të kishte më pak nevojë të merret me evidentime të ndryshme. Sepse, Komisioni merr iniciativa por këto përfundojnë pa epilog pasi varen prej dikujt tjetër.
“Konstatimet që mund të ndodhin gjatë punës me lëndë të ndryshme tregojnë që mund t’i ngresh iniciativat si për përgjegjësi penale, por pastaj nuk ke mundësi si t’i bësh të impementueshme iniciativat pasi ato varen prej dikujt tjetër. Prandaj, nëse punët në nivel të organeve tjera realizohen ashtu si duhet sipas ligjeve që janë përshkruar avancohen me kohë deri në nivelin e impelementueshëm me sukses, atëherë KSHPK do të kishte më pak nevojë të merret me evidentimin e pronës dhe gjendjen e interesave të personave të zgjedhur, ndalesat në mos ushtrimin e më shumë posteve përveç atij ku janë të zgjedhur, situatat e konfliktit të interesit, e të tjera, pasi këto situata janë derë e hapur për korrupsion”, përfundoi Bajrami.
Nga ana tjetër, profesoresha dhe juristja, Shemsije Demiri, në prononcimin e saj për Zhurnal, tha se këtij organi të rëndësisë së veçantë për vendin domosdo i duhen më shumë kompetenca dhe bashkëpunim për shtrirjen e ndikimit deri në implementimin e veprimtarisë së saj.
“Duke u nisur nga procesi i krijimit të politikave, ndjekjes dhe mbikëqyrjes, duhet domosdo bashkëpunim me organet tjera shtetërore me qëllim esencial për parandalimin e korrupsionit. Përmes kësaj forme forcohen dhe vendosen standarde të duhura në Komisionin shtetëror për parandalimin e korrupsionit”, tha juristja Shemsije Demiri, për Zhurnal.
Ndryshe, sipas saj KSHPK duhet të ketë resurse dhe autorizime të mjaftueshme për përmbushjen e obligimeve, në të kundërtën nuk mund të jetë puna e këtij Komisioni efektive.
“Komisioni shtetërorë për parandalimin e korrupsionit e ka të nevojshme që të ketë resurse të mjaftueshme, si dhe autorizimet e duhura që vetëm përmes kësaj mënyre të realizojë aktivitetin për prodhuar rezultate efektive. Përndryshe, mungesa e resurseve dhe autorizimeve e pamundëson kryerjen e obligime dhe përgjegjësive të këtij Komisioni”, përfundoi Demiri.
Raporti i DASH-it korrupsioni në nivel të lartë në RMV-
Raporti i Departamentit Amerikan të Shtetit (DASH) për vitin 2022 vë në pah faktin që korrupsioni “lulëzon” në çdo sektor të vendit, edhe atë në qeveri, burgje, gjykata dhe ngjashëm. Në raport thuhet se edhe pse ka përpjekje për të përmirësuar situatën, ka sektorë në të cilat qytetarët përballet me diskriminim të skajshëm, trajtim çnjerëzor, korrupsion, dhunë dhe kërcënime.
“Në Kushtetutë parashihet gjyqësor i pavarur, por autoritetet jo gjithmonë e kanë respektuar pavarësinë dhe paanësinë gjyqësore. Rastet e sjelljes së pahijshme gjyqësore, presioni i papërshtatshëm politik dhe i biznesit ndaj gjykatësve, drejtësia e zgjatur dhe financimi dhe stafi i pamjaftueshëm i gjyqësorit vazhduan të pengojnë efikasitetin e gjykatave dhe të ndikojnë në besimin e popullit në sundimin e ligjit”, thuhet në raportin e Departamentit Amerikan të Shtetit.
Raporti i Transparency International për korrupsionin Maqedonia e Veriut në vendin e 85-të –
Në indeksin ndërkombëtar për perceptimin e korrupsionit në botë nga “Transparency International”, Maqedonia e Veriut është në vendin e 85-të nga 180 vende, në shoqërinë e Surinamit, Indisë, Maldiveve, Guajanës dhe Tunizisë. Indeksi rendit 180 vende dhe territore në mbarë botën sipas perceptimit të qytetarëve për korrupsionin në sektorin publik dhe vlerësohet në një shkallë nga 0 (shumë e korruptuar) në 100 (shumë e pastër). Në krye të kësaj liste është Danimarka, Finlanda, Zelanda e Re, Norvegjia, Singapori, Suedia. /Zhurnal.mk
Lajme nga vendi
Punësim të përhershëm për 40 personat me kontratë në Spitalin Klinik të Tetovës procesi vazhdon
Për personat me kontratë pune të cilët në dhjetor 2025 mbetën pa punësim të përhershëm në Spitalin Klinik të Tetovës, procesi vazhdon me qëllim që të ofrohet një zgjidhje për statusin e punësimit të përhershëm për ta, thotë Ministri i Shëndetësisë Azir Aliu.
Ai po përgjigjej në pyetjen e një gazetari se çfarë do të ndodhë me 40 stafin mjekësor dhe teknik që shkojnë në punë në janar dhe shkurt pa kontratë pune.
Institucioni duhet të kërkojë një mendim nga ne, Fondi i Shëndetësisë dhe Ministria e Financave. Drejtori e ka bërë tashmë këtë. Procedurat janë në vazhdim, nëse nuk janë përfunduar tashmë, dhe vlerësoj se kontratat do të duhet të nënshkruhen në një kohë të shkurtër. Gjithashtu vërej se po punojmë për të siguruar që këta njerëz të jenë të punësuar përgjithmonë, në mënyrë që të jenë në gjendje të investojnë në kapacitete njerëzore. Ata duhet të sigurohen se nëse ka ndonjë ndryshim politik, ata do të jenë pjesë e sistemit të kujdesit shëndetësor dhe nuk do të abuzohen përsëri, për fat të keq, siç janë abuzuar deri më tani – tha Aliu.
Lajme nga vendi
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Studentët që studiojnë në 100 universitetet më të mira në botë me bursë shtetërore ose studiojnë në Maqedoni si dhe ata që janë shpallur studentët më të mirë, do të kenë përparësi kur të punësohen në universitetet shtetërore, si staf mësimor dhe shkencor, paralajmëroi ministrja e arsimit dhe shkencës, Vesna Janevska. Ajo po ashtu bëri të ditur se është vendosur një mënyrë e re e financimit të institucioneve të arsimit të lartë.
“Po forcojmë kriteret për avancim në titujt e fakultetit. Kushdo që aplikon për zgjedhje në titullin – profesor asistent, profesor i asociuar ose profesor i rregullt, që tani e tutje, varësisht nga titulli, do të jetë i detyruar të prodhojë dhe publikojë 6 deri në 7 punime shkencore deri në kohën e zgjedhjes, nga të cilat 3 deri në 4 duhet të publikohen në një revistë me faktor ndikimi nga bazat e të dhënave Web of Science ose Scopus”, theksoi Vesna Janevska, minstre e Arsimit dhe Shkencës.
Profesorët e rregullt të zgjedhur pasi të jenë zgjedhur, në të ardhmen pas miratimit të ligjit, do të kenë të drejtë rizgjedhjeje pas 7 vitesh. Ata që tashmë janë zgjedhur si profesorë të rregullt nuk do të mbulohen nga ky ligj, dhe komuniteti akademik do të unifikohet në të gjithë territorin. Mandati i rektorëve do të jetë 4 vjet, në vend të 3 viteve që është aktualisht, dhe modeli për zgjedhjen e një rektori do të ndryshohet gjithashtu.
“Pagat nuk janë më temë diskutimi. Ato u rritën me 14% vitin e kaluar, dhe buxheti për mbështetjen e aktiviteteve shkencore dhe kërkimore është rritur gjithashtu nga 380 milionë denarë në vitin 2024 në 773 milionë denarë këtë vit. Më shumë se dyfishi”, u shpreh theksoi Vesna Janevska, minstre e Arsimit dhe Shkencës.
Ministria e Arsimit dhe Shkencës ka përgatitur ligj të ri për arsimin e lartë dhe shkencën, i cili pritet të ofrojë arsim akademik me cilësi më të lartë dhe të inkurajojë aktivitetin shkencor dhe kërkimor në vend.
Reparti I Transfuzionit në Tetovës oshtë është bërë me hapësira të reja. Amir Elezi Drejtori i Institutit të transfuziologjise tha se qendra e transfuzionit në Tetovë ka karatker rajonale dhe ofron shërbime për gjithë fushën e pollogut.
“ Renovimi I këtij objekti ka filluar në vitin 2024 dhe ka përfunduar tani dhe tani hapim edhe zyrtarisht objektin e transfuzionit të gjakut. Është një qendër ndër më të mëdha në nivel të shtetit pasi që njësia e transfuzionit ka katër qendra të Manastirit, Shtipit të Tetovë dhe qendrën në Shkup, ku shërbehen në mënyrë ambulatore gjithashtu edhe grumbullohet gjak edhe përpunohet në qendrën e Tetovës . vitin që lamë pas pas ishte viti ku arritëm rekord të numrit të dhuruesve të gjakut , 60 222 dhurues të gjakut në republikën e Maqedonisë së veriut.”
Ndërsa ministri I shëndetësisë Azir Aliu tha se përpos hapësirave modern ka edhe teknologji të avancuar, ndërsa ai pret që së shpejti të hapet edhe konkursi për punësim që kjo qendër të plotëson edhe mungesat e kuadrit që I ka.
“ Sot jemi këtu për inauguruar edhe hapësirat në transfuzionit që janë edhe në aspekt fizik dhe teknologjik modern dhe me nevojat që I kemi në Tetovë, është një qendra regjionale që jep shërbime për këtë pjesë të shtetit . Urojmë edhe në shtyllën e dytë të kapaciteteve njerëzore , shumë shpejtë do të hapet edhe procedura për punësimi e mjekëve dhe motrave medicinale , me qëllim që të kemi edhe kapacitete njerëzore me nevojat që kemi këtu në Tetovë.”
Prezent në këtë ngjarje ishte edhe zv/kryeministri i parë Bekim Sali i cili tha se investimet e tilla do të vazhdojnë edhe në spitalet tjera ku paraqitet nevoja.
Deri më tani reparti i transfuzionit ka qenë i vendosur në objektin kirurgjikal në spitalin e Tetovës. Ndërsa në ato hapësira tani do të vendoset kirurgjia Torakale. TV KOHA
Punësim të përhershëm për 40 personat me kontratë në Spitalin Klinik të Tetovës procesi vazhdon
Inspektorati mbyll 26 motele dhe vila, ishin të paregjistruara e nuk plotësonin kushtet minimale
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
