Lajme nga bota
Janë gjetur mbetjet e nëndetëses “Titan”, të gjithë udhëtarët janë të vdekur
Kompania “Oceangate” njoftoi se pesë udhëtarët nga nëndetësja e “Titan” janë të vdekur, me çka i është dhënë fund kërkimit, njofton BBC, transmeton Portalb.mk.
“Drejtori ynë ekzekutiv Stokton Rash, Shahzada Davud dhe djali i tij Sulejman, Hamish Harding dhe Pol-Anri Narzheole kanë vdekur. Këta persona kanë qenë hulumtues të vërtetë të cilët kanë ndarë frymë avanturiste dhe pasion të thellë ndaj hulumtimit dhe mbrojtjes së oqeaneve”, kumtuan nga “Oceangate”.
Admirali i rojës Bregdetare të Amerikës Poll Mauxher konfirmoi se anija robotike e anijes kanadeze “Horajzon Arktik” e ka gjetur bishtin konik të “Titan” rreth 500 metra nga mbetjet e “Titanikut”.
“Janë gjetur edhe gjurmë tjera të cilat tregojnë se ka pasur humbje katastrofike të presionit në dhomë. Anija robotike e cila ka operuar në thellësinë e oqeanit në afërsi të “Titanikut” mbetet në vendin e fatkeqësisë”, tha Mauxher.
Ai tha se janë gjetur pesë pjesë të mëdha të “Titanit”.
“Nuk e di nëse mund t’i tërheqim trupat. Është mjedis tepër i ashpër dhe i pafalshëm”, shtoi Mauxher.
Gilermo Zenlajn, njëri prej themeluesve të “Oceangate”, paraprakisht deklaroi se në nëndetësen ndoshta ka ndodhur “shpërthim momental”.
“Kur jeni në thellësi të madhe, trysnia është aq e madhe saqë nëse ka defekt, do të vinte në shpërthim momental. Nëse ka ndodhur ajo, ka ndodhur që prej para katër ditësh”, tha Zenlajn.
Lajme nga bota
Irani nis sot varjen e protestuesve të arrestuar? Trump paralajmëron reagim të ashpër
Presidenti i Shteteve të Bashkuara të Amerikës, Donald Trump, e ka paralajmëruar Iranin që të mos vazhdojë me ekzekutimin e protestuesve, duke theksuar se SHBA-ja do të ndërmarrë masa të forta nëse autoritetet në Teheran i varin iranianët e ndaluar.
“Nëse bëjnë diçka të tillë, ne do të ndërmarrim masa shumë të ashpra,” deklaroi Trump në një intervistë për CBS News, pa specifikuar se çfarë reagimi konkret do të ketë Uashingtoni.
Më herët, në një postim në platformën X, Departamenti Amerikan i Shtetit njoftoi se autoritetet iraniane planifikojnë ekzekutimin e protestuesit të ndaluar Erfan Soltani të mërkurën. Në njoftim thuhet se mbi 10.600 iranianë janë arrestuar nga regjimi i Republikës Islamike vetëm pse kanë kërkuar të drejtat e tyre themelore. Mes tyre është edhe Soltani, 26 vjeç, ekzekutimi i të cilit është paraparë për 14 janar.
Trump tha se nuk ishte i informuar për raporte konkrete mbi varjet, por paralajmëroi se veprime të tilla mund të shkaktojnë një reagim të ashpër, madje edhe të dhunshëm nga ana e SHBA-së.
“Nëse duan të protestojnë, kjo është një gjë. Por kur fillojnë të vrasin mijëra njerëz, e tani flitet edhe për varje, do të shohim si do t’u shkojë,” tha Trump, duke shtuar se kjo nuk do të përfundojë mirë.
I pyetur se çfarë mbështetjeje mund të presë populli iranian, presidenti amerikan tha se ajo mund të jetë e natyrës ekonomike.
“Shumë ndihmë është në rrugë e sipër, në forma të ndryshme, përfshirë edhe mbështetje ekonomike nga ana jonë, por kjo nuk do t’i ndihmojë shumë Iranit,” deklaroi Trump.(INA)
Ish-ministri polak i Drejtësisë, Zbigniew Zjobro, njoftoi sot se i është dhënë azil në Hungari, të cilin e kërkoi pasi dyshohej për shpërdorim detyre në Poloni.
Ai tha se akuzat ishin të motivuara politikisht, raporton Reuters.
“Vendosa të përfitoj nga azili që më është dhënë nga qeveria hungareze për shkak të represioneve politike në Poloni”, shkroi Zjobro në platformën X, duke shtuar se edhe gruaja e tij ka aplikuar për azil.
Qeveria pro-evropiane e kryeministrit Donald Tusk ka premtuar të kërkojë të sjellë para drejtësisë figura të lidhura me ish-administratën e partisë Ligj dhe Drejtësi (PiS) të akuzuara për akte të paligjshme, shkruan Reuters dhe shton se Zjobro, figura më e shquar që prokurorët kanë synuar deri më tani, akuzohet për keqpërdorim të parave nga Fondi i Drejtësisë, i destinuar për të ndihmuar viktimat e krimit, përfshirë blerjen e sistemit të sofistikuar të spiunazhit Pegasus.
Prokurorët thonë se kjo është përdorur kundër kundërshtarëve politikë vendas, ndërsa nga ana tjetër, Zjobro pretendon se është viktimë e një gjuetie shtrigash politike , sepse si prokuror i përgjithshëm ai nisi hetime kundër njerëzve të afërt me Tusk.
Polonia thirri ambasadorin hungarez të premten, pasi dolën raportime se Budapesti u kishte dhënë azil dy polakëve të paidentifikuar.
Në vitin 2024, Hungaria i dha azil ish-zëvendësministrit të drejtësisë në qeverinë e PiS, Marcin Romanovski, i cili u akuzua gjithashtu për keqpërdorim të fondeve publike, gjë që shkaktoi zemërim në Poloni.
Një tërmet me magnitudë 4.6 ballë ka goditur Fornace Zarattini në Italinë veriore, tha Shërbimi Gjeologjik i SHBA-së.
Tërmeti u regjistrua rreth orës 10:17 të mëngjesit në një thellësi prej 10 kilometrash, transmeton Telegrafi.
Fornace Zarattini është një fshat në periferi të Ravenës në provincën e Emilia-Romagna në Italinë verilindore.
Instituti Kombëtar i Gjeofizikës dhe Vullkanologjisë i Italisë regjistroi një tërmet me magnitudë 4.1 ballë në zonë.
Zona ka një rrezik sizmik përgjithësisht më të ulët se zonat më aktive të Apenineve qendrore dhe jugore të Italisë, por ajo ende përjeton tërmete sepse i gjithë vendi shtrihet brenda një rajoni aktiv tektonik, rezultat i përplasjes së pllakave afrikane dhe euroaziatike.
Apeninet veriore dhe fusha e lumit po ndikohen nga proceset tektonike kompresuese dhe shtytëse që krijojnë dridhje në Emilia-Romagna.
Ravenna është e njohur për monumentet e saj të hershme të krishtera, të cilat njihen si Vende të Trashëgimisë Botërore të UNESCO-s dhe janë të njohura për turistët.
Qyteti ishte “selia e Perandorisë Romake në shekullin e 5-të dhe më pas e Italisë Bizantine deri në shekullin e 8-të”, thotë UNESCO.
Takim i Ministrit Sali me Ambasadorin e Mbretërisë së Suedisë, Solstrom
Dyzetë inspektorë të rinj do të përfshihen në terren që të kontrollohet kush nuk i respekton ligjet
SPB Tetovë me një sërë masash dhe veprimesh në kushte dimërore për rrjedhën e papenguar të qarkullimit në Mavrovë dhe në Kodrën e Diellit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
