Kuvendi sot vendosi me procedurë të shkurtuar të miratojë, ndryshimet dhe plotësimet në Kodin Zgjedhor, të cilat, ndër të tjera, rregullojnë pjesëmarrjen e kandidatëve të pavarur në zgjedhjet e ardhshme lokale. Në vend të një përqindjeje, ndryshimet përcaktojnë që kur bartësi i listës së kandidatëve për deputetë është një grup votuesish, është e nevojshme të mblidhen të paktën 0,95 përqind të nënshkrimeve nga votuesit e regjistruar në ekstraktin nga Lista e Votuesve të Njësisë Zgjedhore (NJZ).

Ndryshimet përcaktojnë gjithashtu se kur bartësi i listës së kandidatëve për deputetë është një grup votuesish nga njësitë zgjedhore për votim jashtë vendit, të paktën 1.000 nënshkrime nga votuesit e regjistruar në ekstraktin nga Lista e Votuesve për ato njësi zgjedhore para personave zyrtarë të PKD-së, përkatësisht zyrave konsullore, në formular të përcaktuar nga Komisioni Shtetëror i Zgjedhjeve.

Pas përcaktimit të rendit të ditës të sallës së Kuvendit, në të cilën pika e vetme është kjo zgjidhje ligjore, kryetari i Kuvendit, Afrim Gashi, ngarkoi Komisionin amë për Sistem Politik dhe Marrëdhënie Ndërmjet Bashkësive dhe Komisionin Legjislativ dhe Juridik të mbajnë seanca në të cilat do të shqyrtojnë ndryshimet dhe plotësimet, dhe më pas ato do të votohen në seancën plenare, vazhdimi i së cilës do të caktohet plotësisht gjatë ditës.

Propozues të ndryshimeve dhe plotësimeve janë deputetët Nikolla Micevski nga VMRO-DPMNE, Boban Karapejovski nga ZNAM dhe Saranda Imeri Safai nga koalicioni VLEN. Që të miratohet ligji me procedurë të shkurtuar 65 deputetë votuan pro miratimit të ligjit me procedurë të shkurtuar, ndërsa 17 ishin kundër, dhe nuk pati asnjë abstenim. Deputetët e LSDM-së të pranishëm në sallë mbështetën miratimin e ndryshimeve ligjore me procedurë të shkurtuar, ndërsa deputetët e Frontit Evropian dhe partitë e tjera opozitare nga blloku shqiptar ishin kundër.

“Me këtë zgjidhje, po përpiqemi ta mbushim këtë boshllëk ligjor pas vendimit të Gjykatës Kushtetuese për të shfuqizuar nenet nga Kodi Zgjedhor që përcaktojnë numrin/përqindjen e nënshkrimeve për propozimin e listave të një grupi votuesish, me qëllim futjen e rregullave të caktuara të qarta për mbledhjen e nënshkrimeve për kandidaturat për kryetarë komunash dhe këshilltarë nga një grup votuesish në mënyrë që kushtet të jenë të drejta dhe të barabarta në secilën komunë. Kjo është një përpjekje për të sqaruar rregullat zgjedhore të drejta dhe transparente për këto zgjedhje. Theksoj dhe njoftoj se kjo është një zgjidhje e përkohshme për këto zgjedhje dhe se puna për Kodin Zgjedhor përfundimtar do të përfshijë Ministrinë e Drejtësisë, të gjitha strukturat politike përkatëse, partitë politike, organizatat joqeveritare dhe ekspertët për të sjellë një zgjidhje afatgjatë dhe të qëndrueshme”, tha Micevski, duke shpjeguar zgjidhjen ligjore të propozuar.

Advertisement

Zgjidhja ligjore e propozuar përcakton gjithashtu portalet e internetit në përputhje me Ligjin për Media, i cili, sipas tij, do të rregullonte edhe regjistrimin e mediave elektronike në reklamat e paguara dhe politike.

“Meqenëse ka filluar procesi i dorëzimit të aplikimeve në KSHZ, dhe ka reagime të caktuara nga ky lloj mediash, ne do të ndërhyjmë edhe me një amendament që e njëjta dispozitë të vlejë nga data 11 e vitit 2026. Me këtë, mund t’u lejojmë të gjitha mediave elektronike që marrin pjesë në reklama politike të paguara në këto zgjedhje të kenë të drejta dhe kushte të barabarta dhe më vonë të rregullohen”, tha koordinatori i grupit parlamentar të VMRO-DPMNE-së.

Ky ligj e harmonizon atë edhe me Ligjin për Organizimin dhe funksionimin e Organeve të Administratës Shtetërore.

Më parë, KSHZ-ja, në seancën e saj të shtunën e kaluar, miratoi një rezolutë për të nxjerrë jashtë fuqisë Udhëzimet e KSHZ-së të vitit 2024 për rregullimin e procedurës për mbledhjen e nënshkrimeve dhe mënyrën e përcaktimit të noterëve në përputhje me Kodin Zgjedhor. Siç deklaroi kryetari i KSHZ-së, Boris Kondarko, ai udhëzim për rregullimin e procedurës për mbledhjen e nënshkrimeve po del jashtë fuqisë për shkak të vendimit të Gjykatës Kushtetuese për shfuqizimin e neneve 61 dhe 62 të Kodit Zgjedhor, të cilat përcaktojnë numrin/përqindjen e nënshkrimeve për propozimin e listave të një grupi votuesish.

Advertisement

BDI po përjeton erozionin më të madh politik që nga formimi i ashtuquajturit “Front Europian”. Dy nga partitë më të rëndësishme që në zgjedhjet parlamentare ishin pjesë e këtij koalicioni, Partia Demokratike e Turqëve (PDT) dhe Partia Demokratike e Shqiptarëve (PDSH) tashmë nuk janë më me BDI-në, thuhet në kumtesën e VLEN-it, që MIA e publikon në formë integrale.

Më 14 gusht 2025, Partia Demokratike e Turqëve zyrtarisht njoftoi se po largohet nga koalicioni “Fronti Europian” dhe se në zgjedhjet lokale të 19 tetorit nuk do të garojë bashkë me BDI-në. Kjo vendim do të thotë se komuniteti turk, i cili në mars 2024 ishte futur në frontin e Ali Ahmetit, tani distancohet dhe zgjedh rrugën e vet.

Vetëm një ditë më vonë, më 15 gusht 2025, PDSH publikisht bëri të ditur se negociatat me Ali Ahmetin kanë dështuar dhe se PDSH nuk do të garojë së bashku me BDI-në, as nuk do të jetë pjesë e ndonjë marrëveshjeje të përbashkët. Me këtë, edhe një nga partitë më të vjetra shqiptare vendosi të largohet nga skena politike e BDI-së.

Këto janë fakte që tregojnë se BDI po humb mbështetjen e partive që e mbajtën në zgjedhjet parlamentare. Tashmë është e qartë se BDI as nuk mund të bashkojë, as nuk mund të fitojë.

Nga BDI po largohen të gjithë ata që nuk janë të shantazhuar nga Ali Ahmeti, ata që nuk duan të jenë në shoqërinë e politikanëve të korruptuar dhe ata që nuk duan të jenë pjesë e një politike të gabuar.

Advertisement

BDI prej kohësh e ka humbur besueshmërinë tek qytetarët, ndërsa tani po e humb edhe tek partnerët e vet. “Fronti Europian”, i cili shitej si një forcë unifikuese, sot është simbol i shpërbërjes, mosbesimit dhe dobësisë politike.

VLEN edhe një herë konfirmon se e ardhmja është në politikën e ndershme, hapje dhe punë për qytetarët, e jo në shantazhe, korrupsion dhe interesa personale.

Një alarm për bombë është pranuar rreth orës 2:30 pas mesnate në numrin emergjent 112, duke raportuar për një mjet shpërthyes të vendosur në një avion që pritej të nisej nga Aeroporti i Shkupit drejt Turqisë.
Sipas informatave, pas marrjes së alarmit, trafiku ajror në aeroportin e Shkupit është ndërpre përkohësisht ndërsa njoftimi se një mjet shpërthyes është vendosur në një avion është përcjellë në Ministria e Punëve të Brendshme, me çka njësiti antiterrorist ka ndërhyrë menjëherë duke kryer kontrollet e nevojshme.
Pas kontrolleve të kryera, nga njësiti antiterroristë është konstatuar se behet fjalë për raportim të rreme për bombë.

“Menjëherë pas marrjes së njoftimit, janë ndërmarrë aktivitetet përkatëse dhe janë kryer kontrollet e nevojshme nga njësia antiterroriste pranë MPB-së dhe është konstatuar se raportimi është i rremë, pra nuk ka pasur ndonjë mjet shpërthyes”, thonë nga MPB.

Informacionin se bëhej fjalë për një alarm të rremë për bombë të rreme e kanë konfirmuar edhe nga TAV Maqedoni. Në njoftimin e tyre ndër tjerat thuhet se pas pranimit të njoftimit për bombë, të gjitha shërbimet e aeroportit, si dhe të gjitha shërbimet dhe institucionet përkatëse pranë MPB-së u informuan menjëherë dhe u aktivizuan të gjitha planet dhe procedurat për veprim në raste të tilla.

“Sipas procedurave të veprimit, shërbimet e aeroportit, si dhe të gjitha shërbimet dhe institucionet përkatëse pranë MPB-së u informuan menjëherë dhe u aktivizuan të gjitha planet dhe procedurat për veprim në raste të tilla. Njësitë e MPB-së në koordinim me Departamentin për siguri të TAV Maqedoni menjëherë ndërmorën të gjitha masat dhe kontrollet e nevojshme dhe konstatuan se kërcënimi ishte i rremë”, thonë nga – TAV Maqedoni.
Sipas TAV Maqedoni, pas konstatimit nga ana e njësitit antiterroriste se bëhet fjalë për alarm të rremë për bombë, gjithçka është normalizuar ndërsa nga ora 6:00 e mëngjesit, trafiku ajror ka vazhduar sipas orarit të rregullt./Alsat.mk