Kryeministri Hristijan Mickoski në intervistën për Alsat, premtoi që do të tejkalohet problemi me Inspektoratin për Përdorimin e Gjuhëve, i cili për shkak të mungesës së harmonizimit të ligjeve është paralizuar, ndërsa punëtorët 6 muaj nuk marrin rroga. Problemi vazhdon të jetë mungesa e shumicës së Badinterit, e cila krahas ndryshimeve të Ligjit për Inspektoratit, ka bllokuar edhe ligje tjera. Megjithatë, kryeministri deklaroi që ka ndjesinë që së shpejti do të sigurohet.

“Ju mungojnë edhe diku 6 deputetë nga komunitetet. Jo nuk janë aq. Edhe sa? Më pak, shumë më pak. Me kë jeni më afër për marrëveshje me Bejxhan Iljaz ose Menduh Thaçi? Nuk do të përmendja emra, ndoshta me Ali Ahmetin. Keni bisedime me të? Po e votoi Ali Ahmeti Ligjin për Organizimin e Administratës, pse të mos e votojë këtë ligj? Edhe disa prej deputetëve të BDI-së e votuan, mendoj se atëherë ishte edhe koordinatori që e votoi”, deklaroi Hristijan Mickoski, kryeministër.

Mickoski nuk dëshiroi të jep detaje lidhur me paralajmërimet se një pjesë e deputetëve shqiptarë nga pozita do t’i bashkëngjiten shumicës parlamentare.

“Nuk do ta flisja unë për të ashtuquajtur tregti e gjelbër e deputetëve, unë më shumë do të doja të përmbahem te sistemi i vlerave. Nëse ai sistem njihet, çdokush është i mirëseardhur në Qeveri”, tha Hristijan Mickoski, kryeministër.

Për kërkesën e opozitës shqiptare që bashkë me zgjedhjet lokale të vjeshtës, të mbahen edhe ato parlamentare, Mickoski tha që nuk sheh arsye për zgjedhje të dyfishta. Kryeministri, tha që qytetarët në tetor megjithatë do të tregojnë se në çfarë shteti duan të jetojnë, ndërsa pritjet e tij janë që nuk do ndodh diçka dramatike, ndërsa koalicioni VLEN do të ketë epërsi ndaj koalicionit BDI-Taravari.

Advertisement

“Pres që koalicioni VLEN të fitojë dhe të ketë një kryetar komune më shumë se koalicioni i sapoformuar mes, asaj pjese që mbeti na partia politike e zotëri Arben Taravarit dhe Frontit Evropian ashtu siç do të garojë në zgjedhjet lokale ose vetëm BDI”, u shpreh Hristijan Mickoski, kryeministër. /Alsat.mk

Ministria e Politikës Sociale, Demografisë dhe të Rinjve, në bashkëpunim me Fondin e Kombeve të Bashkuara mbi Popullsinë dhe Komitetin e Helsinkit për të Drejtat e Njeriut, me mbështetje financiare nga Ambasada Britanike në Shkup, mbajti trajnimin e parë njëditor të dedikuar për anëtarët e ekipeve shumësektoriale të përbëra nga ekspertë nga qendrat e punës sociale, oficerë policie, punonjës shëndetësorë dhe organizata të shoqërisë civile.

Trajnimi i parë nga gjithsej pesë të planifikuar u zhvillua dje në Shtip, ndërsa katër të tjerët do të organizohen në Shkup (17.06.), Manastir (20.06.), Kumanovë (23.06.) dhe Tetovë (24.06.

Trajnimet synojnë të përforcojnë njohuritë dhe shkathtësitë praktike të anëtarëve të ekipeve shumësektoriale të cilët punojnë në parandalimin, mbrojtjen dhe mbështetjen e grave viktima të dhunës me bazë gjinore dhe dhunës në familje. Trajnimi përfshin prezantime teorike, diskutime, ushtrime praktike dhe simulime, përmes të cilave pjesëmarrësit do të forcojnë njohuritë e tyre mbi veprimin e koordinuar, komunikimin dhe mbështetjen efektive të viktimave.

Vëmendje e veçantë i kushtohet zbatimit praktik të Protokollit për bashkëpunim të ndërsjellë midis subjekteve kompetente për ndërmarrjen e masave për parandalimin, pengimin dhe mbrojtjen nga dhuna ndaj grave dhe dhuna në familje.

Si subjekt që VLEN, me kënaqësi dhe krenari njoftojmë opinionin publik se, për herë të parë pas shumë dekadash, 38 shqiptarë kanë nisur punë në sektorin e librave amë i cili është një hap i madh drejt barazisë, përfaqësimit të dinjitetshëm dhe integrimit real institucional të shqiptarëve në Maqedoninë e Veriut.

Punësimet e qytetarëve tanë tashmë kanë filluar, ky hov nuk ndalet dot. Bllokadat e sponsorizuara nga BDI përmes Taravarit morën fund. Tani çdo ditë e më shumë rritet numri i shqiptarëve që po punësohen në institucione të shumta. Po me këtë ritëm do të vazhdojmë akoma. Ne punësojmë sepse qytetarët tanë janë të aftë për të punuar. Punësimet tona nuk bëhen me kushtëzime e mito, por mbi bazën e meritës dhe parimit që njeriu i duhur në vendin e duhur.

Prandaj, veçojmë rastin që nën udhëheqjen profesionale të Faton Fazliut, po realizohet një transformim rrënjësor në këtë sektor vital për qytetarët. Janë në procedurë të avancuar edhe hapja e zyreve të reja për librat amë në komunat si Çashkë, Bërvenicë, Krushevë, Jegunovcë, Bogovinë dhe Dobridoll, zona këto që për vite të tëra ishin tërësisht të përjashtuara nga shërbimet shtetërore.

Kjo nuk është vetëm një politikë kadrovike, por një akt emancipues, një kthesë historike dhe një dëshmi konkrete se VLEN jo vetëm premton, por vepron. Jemi duke ndërtuar një administratë gjithëpërfshirëse, ku çdo qytetar trajtohet me dinjitet, dhe ku shqiptarët nuk janë më vetëm shikues, por pjesëmarrës aktivë dhe kontribues të shtetit.

Kjo është rilindje institucionale në praktikë. Ky është VLEN, zëri i dinjitetit, veprimit dhe ndryshimit!

Advertisement