Kryeministri I vendit Hristijan Mickoski kërkoi nga Prokuroria që t’i rihapë çështjet për tragjeditë e “Spitalit Modular”, “Llaskarcën” dhe “Besa Trans”, të cilët siç shprehet ai, janë harruar nga organi i akuzës. Kreu i Qeverisë dyshon se Prokuroria po mbron LSDM-në dhe BDI-në dhe për këtë po i fsheh fajtorët e vërtetë të këtyre tragjedive.

HRISTIJAN MICKOSI – Kryeministër

“Unë  ftoj Prokurorinë Publike të merret me zell me këto raste. Pasi ata thanë që do të merren edhe me këto raste, por shoh  se disi i kanë harruar, nëse ndoshta kjo është mënyra që të revanshohen ndaj pronarëve politik të tyre të vërtetë nga LSDM dhe BDI, pasi i fshehin kryerësit e vërtetë dhe të gjithë fajtorët të cilët kanë kontribuar që të ndodh Spitali Modular i cili është objekt shtetëror, për shkak të dyshimit të bazuar për lëshime në institucione ka ndodhur Llaskarca, Besa Trans e kështu me radhë.”

Këto komente, Mickoski i bëri duke reaguar ndaj akuzave të LSDM-së opozitare për ndërhyrje në hetimin e Prokurorisë, lidhur me tragjedinë në klubin e natës “Puls” në Koçan, ku humbën jetën 62 persona.

“E paralajmërojmë Mickoskin që t’i largojë kthetrat partiake nga prokuroria dhe gjyqësori. Nuk do t’i mbrosh personat tuaj dhe ta fshehësh të vërtetën, pasi që e dimë qëllimi. Hetimi tregon lidhje të drejtpërdrejtë mes tragjedisë në “Puls” dhe udhëheqjen më të lartë të VMRO-DPMNE-së dhe do t’i publikojmë të gjitha të dhënët nga e para e deri tek e fundit”, thanë  nga LSDM.

Advertisement

Kryeministri theksoi se hetimin për Koçanin e udhëheq Lupço Kocevski, i cili është zgjedhur në Kuvend nga deputetët e BDI-së dhe LSDM-së. Opozitarja BDI paraprakisht kërkoi komision të posaçëm kuvendor për Koçanin, pasi edhe ata vlerësojnë se pushteti po ndërhyn në hetim. Megjithatë, shumica parlamentare refuzoi kërkesën e tillë nën arsyetimin se nëse formohet komision për Koçanin, duhet të ketë komision edhe për “Modularin”, “Llaskarcën” e “Besa Transin”.

Në vend që të garojnë me ide të reja si ta përmirësojnë jetën e qytetarëve, Partitë politike po ndërhyjnë në Kodin Zgjedhor, për të vështirësuar pjesëmarrjen në zgjedhje të kandidatëve të pavarur, thonë nga iniciativa “Më mirë për Tetovën”. Ky propozim ligj që mban nënshkrimin e VMRO-DPMNE-së, Lsdm, Znam dhe Vlen, u mbyll derën kandidatëve të pavarur në shumë komuna, dhe më ironik është fakti se aty qëndron nënshkrimi i deputetit Bekim Qoku që deklarohet se përfaqëson Vetvendosjen, subjekt i cili ka lindur nga aktivizmi qytetar, deklaron Agron Arifi nga kjo iniciativë.

AGRON ARIFI – “Më mirë për Tetovën”

“Ky propozim ligj tentohet të miratohet me procedurë të shkurtuar, pa debat publik, pa transparencë edhe pse u anulua vetëm një muaj më parë nga Gjykata Kushtetuese — kurse tani rikthehet në version edhe më të rëndë! Ironia më e madhe është se aty qëndron nënshkrimi i deputetit Bekim Qoku që deklarohet se përfaqëson Vetvendosjen, subjekt i cili ka lindur nga aktivizmi qytetar, kurse ai me nënshkrimin e tij i ka shpallur luftë aktivizmit dhe është integruar plotësisht në mendësinë e mbrapshtë të partive politike.”

Ky propozim ligj tentohet të miratohet me procedurë të shkurtuar, pa debat publik, pa transparencë edhe pse u anulua vetëm një muaj më parë nga Gjykata Kushtetuese prandaj nga kjo iniciativë kërkojnë që listat e mbyllura të zëvendësohen me lista të hapura.

“ në shumicën e shteteve Evropiane nevojiten më pak se 200 nënshkrime për pjesëmarrje të kandidatëve të pavarur në zgjedhje, kurse tani propozohet që psh në Tetovë të grumbullohen 900 nënshkrime, gati sa për formimin e një partie politike. Ky propozim ligj është një goditje e drejtpërdrejtë ndaj vlerave demokratike dhe Evropiane.Kërkesat tona janë:1. Të mos votohet propozim ligji aktual 2. Të hartohen propozime të reja ligjore që përfshijnë kërkesat e kandidatëve të pavarur 3. Të zhvillohet debat publik me ekspertë dhe qytetarë 4. Të miratohet një zgjidhje demokratike dhe kushtetuese 5. Listat e mbyllura të zëvendësohen me lista të hapura. Ne nuk tërhiqemi. Do të vazhdojmë të luftojmë për zgjedhje të drejta dhe për zërin e pavarur të qytetarëve.”

Advertisement

Nga ana tjetër, zëvendëskryeministri I vendit Izet Mexhiti në deklaroi se është mirë që partitë politike të ulen dhe të diskutojnë për politikta ditore dhe strategjike.

IZET MEXHITI- ZËVENDËS KRYEMINISTËR

“Partitë politike është mirë të ulen më shpesh edhe për politikat ditore edhe për politikat strategjike. Ne jemi të gatshëm të ulemi dhe të jemi faktor stabilizues, faktor që e ndihmon situatën. Ndërsa çështja e badenterit ka të bëjë me disa çështje të tjera që duhet t’i sjell parlamenti dhe që janë në interes të shqiptarëve.”

Përndryshe, në vendin tonë është hapur debati për ndryshime në kodin zgjedhor, ndërsa organizatat jo qeveritare kërkojnë që listat të jenë të hapura dhe kandidatët e pavarur të hyjnë në garë me më pak nënshkrime. Nga partitë në pushtet propozimi është që kandidatët e pavarur të hyjnë në garë me 900 nënshkrime, ndërsa me 1 mijë nënshkrime kandidat mund të propozojnë partitë politike.

Advertisement

Përgatitjet për dasma tashmë kanë filluar. Marrja e nuseve, vecanërisht në rajonin tonë ka një kosto relativisht të lartë, duke përfshirë blerjen e fustanave, veshjeve tradicionale dhe vecanërisht stolitë e arit.

Artarët thonë se kohëve të fundit rritja e cmimit të arit ka arritur kulmin. Çmimi dhe kriza ekonomike ndikon në atë që qytetarët të blejnë më pak stoli ari, thotë artari Mensur Arifi, I cili për mbi 40 vjet merret me këtë zanat.

MENSUR ARIFI – Artar

Arifi deklaron se qytetarët nuk blejnë ar si më herët,  ndalen  tek stolitë më të nevojshme apo tek ato  më minimalet, varësisht buxhetit të tyre.

Edhe pse vitet kalojnë dhe në shikim të parë duket se të rinjtë tentojnë t’I ikin paksa tradicionales, kur vjen në shprehje blerja e arit, kjo traditë edhe më tej vazhdon. Dëshira për të pasur sa më shumë stoli ari, nuk shuhet edhe pse në pjesën dërrmuese të rasteve, pas përdorimit në vitet e para të martesës ato ruhen dhe iu lihen trashëgimi pasardhësve./TV KOHA/

Advertisement