Me rastin e Ditës Botërore të Shëndetësisë, nga Shkolla e Mesme Medicinale “Nikolla Shtejn” dhe me pjesëmarrjen e studentëve të falutetit të mjekësisë në kuadër të UEJL-së u organizua një aktivitet në qendër të qytetit të Tetovës për sensinilizim të qyetarëve për sa i përket dektetimit të hershëm të sëmundjeve metabolike. Besa Elmazi Leka nga fakulteti i mjekësisë së UEJL-së tha se deketimi i hershëm i sëmundjeve dhe parandalimi është shumë më efikas se sa shërimi i sëmundjeve andaj i inkurajoj qytetarët që të shpeshtojnë kontrollet si dhe të shfrytëzojnë studentët që sot po qëndrojnë në shesh për t’u ofruar shërbime falas qytetarëve dhe kalimtarëve të rastit.

Edhe drejtoresha e shkollës së mesme medicinale në Tetovë Malsore Ramadani tha se nxënësit e shkollës që përfaqëson sot po i vënë në praktik njohuritë e tyre duke u munduar që të prevenojnë sëmundjet metabolike te qytetarët.

Në këtë organizim nuk mungoi as kryetari i komunës së Tetovës Bilall Kasami i cili e përgëzoj drejtoreshën, nxënësit dhe stafin e shkollës për angazhimin dhe përkushtimin në promovimin e rëndësisë së shëndetit dhe ndërgjegjësimit për një jetë më të shëndetshme.

Dita Botërore e Shëndetësisë shënohet çdo vit më 7 prill dhe ka për qëllim të rrisë ndërgjegjësimin për rëndësinë e shëndetit dhe kujdesit shëndetësor për të gjithë. Kjo ditë vendos në fokus çështje të ndryshme globale, duke inkurajuar parandalimin e sëmundjeve, kontrollet e rregullta dhe një mënyrë jetese më të shëndetshme.

Maqedonia e Veriut tash ka punë me Brukselin! Negociatat, presionet duhet bërë tek BE-ja dhe të gjejë mënyrë që të zhbllokojë procesin e negociatave.

Kështu thotë për Tv Koha, analisti politik Xhelal Neziri, teksa komenton ngërçin e eurointegrimeve të Maqedonisë së Veriut.

Sipas tij, Sofja mendon se e ka kryer punën e vet me Shkupin zyrtar më 2022 kur u miratua “propozimi francez” dhe nga aty nuk ka se çfarë humb kohë në bisedimet e drejtpërdrejta me Maqedoninë e Veriut.

Por, përse Kryeministri Mickoski deklaron se jemi të gatshëm që me dekada të presim dhe të mos bëhemi pjesë të BE-së?

Sipas Nezirit, Maqedonia e Veriut, sikurse Bosnja e Hercegovina dhe Mali i Zi janë peng të ndikimit serb në rajon.

Advertisement

“Serbia ka kohë që ia bën me dije BE-së se ajo është lidere e Ballkanit dhe si e tillë nuk duhet të përfshihen shtetet tjera para saj për shkak se pastaj mund të përdorin të drejtën e vetos. Pra, ajo që pretendon ose këmbëngul Serbia, ose në pako të gjitha vendet e Ballkanit Perëndimor ose do të përballeni me pengesa në anëtarësim të shteteve më të vogla”

Sipas Nezirit, Serbia pretendon të jetë lidere në Ballkanin Perëndimor dhe këtë e bën në Maqedoni, në Mal të Zi, tenton ta bëjë dhe e bën edhe me B e H, poashtu ka ndikim edhe në pjesën veriore të Kosovës kurse në Shqipëri ka më pak qasje.

“Në këtë aspekt duhet ta shohim këmbënguljen e Kryeministrit Mickoski, jo vetëm të tij por të të gjithë establishmentit maqedonas, i cili është i pozicionuar në një qëndrim të ashpër anti-bullgar, ndërkohë që nuk ka shumë arsye për këtë. Çfarë do të bënte apo do të shkaktonte përfshirja e pakicës bullgare në Preambulën e Kushtetutës kur janë edhe 5 – 6 popuj tjerë.

Problemi real është Serbia, vazhdon të këmbëngul analisti Xhelal Neziri, duke alarmuar se çmimin e këtij skenari serb e paguajmë edhe ne si qytetarë shqiptarë.

“Nëse do të ishte përcaktimi serb që të integrohet në BE, atëherë Kapitulli 31 nënkupton rreshtimin e Serbisë apo harmonizimin e politikës së jashtme të Serbisë, komplet me BE-në. Që nënkupton sanksione ndaj Rusisë, ndërprerje të bashkëpunimit ushtarak me Kinën e të ngjashme që nuk i konvenon Serbisë. Prandaj kjo status quo është skenar serb dhe fatkeqësisht këtë skenar e paguajmë edhe ne si qytetarë shqiptarë”

Advertisement

Kur jemi te ngërçi i eurointegrimeve, mediat maqedonase njoftojnë se një NON-PAPER po qarkullon në Parlamentin Evropian, si nismë e raportuesit Tomas Vajc, sic thuhet, për zbardhjen e plotë të paqartësive lidhur me Protokollin me Bullgarinë.

Dokumenti përmes 7 pikave arsyeton kërkesën lidhur me amendamentin 108 për raportin për Maqedoninë dhe u bën thirrje grupeve politike të sigurojnë mbështetje më të gjerë për miratim në Komitetin për Politikë të Jashtme (AFET) në muajin Maj.

Zgjedhje të parakohshme parlamentare nuk do të ketë. Kështu thotë Bilall Kasami nga Koalicioni VLEN sipas të cilit pavarësisht se zgjedhjet e parakohshme i konvenojnë lëvizjes politike të cilën ai e përfaqëson, nuk nevojë për një ballafaqim të ri elektoral por shteti duhet të fokusohet në reformat e premtuara.

Kasami tha se zërat për zgjedhje të parakohshme parlametare janë ushqimi që partitë opozitare u servojnë elekoratit të vetë në mungesë të ndonjë ideje tjetër më kreative.

Përndryshe, në opinionin publik kanë filluar të qarkullojnë zëra se jo më larg se në tetor mund të organizohen zgjedhje të parakohshme parlamentare. Kjo hipotezë ushqehet nga ngërçi i vazhdueshëm politik rreth ndryshimeve kushtetuese, si dhe nga një realitet financiar që duket se po i teston kufijtë e durimit institucional.

Sipas informacioneve jo gjithmonë zyrtare, por gjithsesi këmbëngulëse, qeveria përballet me sfida në sigurimin e mjeteve të nevojshme financiare, deri në pikën ku edhe pagesa mujore e mbi 130 mijë administratorëve në Maqedonia e Veriut përmendet si problem në vete për Qeverinë aktuale.

Megjithatë, nëse këto zëra do të materializohen në realitet elektoral apo do të mbeten pjesë e folklorit politik vendor, kjo mbetet një çështje që, si zakonisht, do të sqarohet muajve në vijim.

Advertisement