Zëvendëskryeministri i Parë dhe Ministër për Çështje Evropiane, Bekim Sali, intervistën e radhës e ka dhënë në emisionin RISHTAZI në kohacast!

Sali ka demantuar thëniet se ka premtuar ligj të ri për provimin e jurisprudencës.

“ Nuk mund të ketë ligj të ri për jurisprudencën. Ligji i ri, për shkak se ekziston ligji. Në asnjë komunikim me studentët nuk kam premtu ligj të ri. Por, kam thënë që do të bëjmë çmos që ju ta jepni provimin në gjuhën shqipe”, deklaroi Sali.

Sali: Studentët janë në të drejtën e tyre të protestojnë!

Sali ka komentuar protestën e sotme duke theksuar se studentët janë plotësisht në të drejtën e tyre për të protestuar.

Advertisement

“ Si një politikan i ri i cili karrierën e tij politike e ka filluar me protesta, mendoj se ndoshta jam më i thirruri për të pasur mirëkuptim për atë që po ndodh sot. Protesta është e drejtë demokratike e cdo qytetari për të shpreh pakënaqësinë, revoltën, mesazhin e tij. Në mënyrë publike, për të senzibilizuar opinionin. E kështu me radhë, për një temë të caktuar. Kam mirëkuptim për studentët, për arsye se ato janë e ardhmja jonë. Dhe mënyrën se si duan ta realizojnë një përcaktim të tyre, kërkesë të tyre ndaj politikave shtetërore. Njëra prej formave është edhe protesta”, deklaroi Sali.

Sali nënvizoi se në këtë rast po flitet për një problem i cili nuk është zgjidhur tash e 22 vite.

“ Mirëpo, në këtë rast, kisha dashur për opinionin të ndaj një informacion se kemi komunikim me përfaqësues të studentëve. Dhe më herët kam pasur edhe takime dhe i kemi njoftuar për mënyrën se si ne këtë çështje duam ta zgjidhim. Natyrisht, kërkesa e tyre ka qenë të zgjidhet brenda një kohe më të shkurtër. Por, duke e pasur parasysh se kjo temë nuk është zgjidhur 22 vite dhe është trajtuar në mënyrë gjysmake dhe ka mbetur ashtu sic e kemi sot që na krijon hapësirë për të komentuar dhe implementuar në mënyrë të ndryshme.  Na bënë me dije se edhe aso kohe mesiguri fokusi apo përcaktimi politik nuk ka qenë aq në drejtimin e zgjidhjes njëherë e përgjithmonë siç dimë ta themi. Në të kaluarën i kemi pasur diku 6 ministra të një partie politike dhe një ministër të një partie tjetër. Po të njëjtit koalicion. Që nuk i dimë rrethanat për cfarë arsye ka mbetur kështu ligji. Dhe sot po mundohemi ta zgjidhim që edhe studentët ta realizojnë të drejtën e tyre, por edhe ne si politikan ta arsyetojmë mandatin që e kemi marr  ”, deklaroi Sali.

Sali: Ne nuk shohim dallime, partner tonë strategjik janë SHBA dhe BE

Sali ka komentuar dallimet midis Bashkimit Evropian dhe Shteteve të Bashkuara të Amerikës sa i përket konfliktit në Iran. Sipas tij, Maqedonia e Veriut, nuk sheh dallime midis këtyre dy aleancave.

Advertisement

“ Partner strategjik, për shumë tema, siguri, ekonomi e kështu me radhë, i kemi Shtetet e Bashkuara të Amerikës dhe këtu nuk ka dilema. Këtë e kemi deklaruar gjithë kohës. Kështu do të jetë. Në Unionin Evropian kemi marrëveshjen e bashkëpunimit dhe jemi pjesë e partneritetit strategjik për siguri dhe politika ndërkombëtare. Kështuqë ne nuk shohim ndonjë dallim brenda këtyre dy aleancave”, deklaroi Sali.

Bilall Kasami nga VLEN bëri të ditur se kongresi i parë i VLEN si subjekt politik do të mbahet më 9 maj. Kasami tha se grupet e punës po koordinohen për përgatitje të kongresit.

Do të ketë dy bashkëkryetarë, dy nënkryetarë dhe sekretar gjeneral

VMRO-DPMNE ka vënë publikisht në pikëpyetje nëse ish-kryeministri Zoran Zaev ka marrë ryshfet prej 4 milionë eurosh për ndryshimin e planit të detajuar urbanistik në Tetovë.

Partia i referohet një audio-incizimi që u shfaq në rrjetet sociale, në të cilin, sipas tyre, biznesmeni Miodrag Davidović Daka bisedon me Zoran Mileski-Kiceec dhe përmend një pagesë prej dy plus dy milionë eurosh nëse zbatohet një projekt i caktuar.

Sipas VMRO-DPMNE-së, biseda aludon në ndërtimin e një kompleksi të madh banesor në Tetovë, me vlerë rreth 200 milionë euro, nga i cili, siç pretendojnë ata, do të rezultonte një përfitim i supozuar financiar.

Partia gjithashtu ngre pyetje shtesë – ku përfunduan paratë dhe nëse ka lidhje me investime jashtë vendit – dhe u bëri thirrje institucioneve kompetente të hetojnë këto akuza.

VMRO-DPMNE i bën thirrje prokurorisë të veprojë mbi informacionin, duke vlerësuar se qytetarët kanë të drejtë për përgjigje dhe për të përcaktuar përgjegjësinë.

Advertisement