“155 personat të punësuar me kontrata në Spitalin e Tetovës, do të marrin kontrata të përhershme dhe procedura është e përfunduar”. Kështu deklaroi ministri i Shëndetësisë, Azir Aliu, pasi Fondi për Sigurim Shëndetësorë nuk e ka aprovuar vendimin që ata të mbetën në pun. Aliu nuk u përmbajt aspak edhe ndaj akuzave të BDI-së dhe të ish partisë së tij ndaj tij.
“Ata çfarë kanë, rrinë të fshehur nëpër qoshe, pas tastierave, duke përhapur gënjeshtra për të mbuluar gjithë zullumet dhe turpet që i bën veçanërisht në shëndetësi. I dëgjuat trillimet 155 persona nga Tetova, gjoja nuk do të punësohen, turp, turp madje për standardet e tyre të gënjeshtrave turpi i madh. Është një teatër i madh, por poena të lira politike mbi supet e njerëzve, që prej vitesh jetonin në pa siguri dhe me shantazh, prandaj e themi sot qartë 155 punonjës në Spitalin Klinik të Tetovës, do të marrin kontrata të përhershme, pikë. Procedura është e përfunduar, kemi dhënë fund një agonie që ata e krijuan dhe ushqyen me rradhë. Ky problem zgjatë me vite, sepse BDI ishte me dekada në pushtet dhe kur nuk u mundua të zgjidhte problem, madje kur edhe Arben Taravari ishte një vit ministër nuk bëri asgjë, vetëm rrinte dhe shikonte se si këta njerëz po poshtëroheshin me kontrata të përkohshme dhe jetonin në pasiguri”, ka deklaruar ministri Azir Aliu, raporton SHENJA.

Të nderuar, bashkëngjitur po ju dërgojmë deklaratën e Kryeministrit Mickoski nga Tetova me rastin e fillimit të rinovimit të gjimnazit “Kiril Pejçinoviq”.

Mirëdita edhe nga unë, dua të falënderoj kryetarin e komunës, ministren, deputetët e parlamentit, të gjithë ata që janë këtu me ne sot, në këtë akt vërtet të bukur dhe për të gjithë ne një emocion dhe kënaqësi të madhe sepse fillon rinovimi i një objekti nga i cili kanë dalë shumë akademikë, profesorë, shkencëtarë, kryetarë komunash.

Pra, jam i sigurt se në të ardhmen nga ky objekt do të dalin shumë njerëz që do t’i shtojnë vlerë jo vetëm Tetovës, por edhe Maqedonisë si vend.

Dua të shfrytëzoj gjithashtu këtë rast për të përmendur se në thirrjen e dytë të sapo përfunduar të shpallur nga Ministria e Vetëqeverisjes Lokale, komuna e Tetovës merr praktikisht financim për projekte me vlerë rreth 11.5 milionë euro. Nëse kësaj i shtojmë 3.7 milionë euro nga thirrja e parë, arrijmë në një shumë më të madhe se 15 milionë euro.

Këto nuk janë vetëm para, nuk janë vetëm asfalt dhe beton, do të thotë një jetë më e mirë për qytetarët, një jetë më cilësore për qytetarët, diçka që nuk ka ndodhur kurrë në histori, jo vetëm në Tetovë, por në të gjithë vendin.

Advertisement

Vazhdojmë të realizojmë atë që premtuam, vazhdojmë të realizojmë atë që qytetarët presin nga ne si Qeveri. Koha kur vidhej ka mbaruar, tani është koha kur ndërtohet; në Tetovë dhe në të gjithë Maqedoninë.

Ky është ndryshimi midis kësaj Qeverie dhe këtij kryetari të komunës dhe asaj që ishte në të kaluarën dhe Qeverisë së mëparshme. Pra, edhe një herë, na qoftë dita e mbarë, nxënësit e shkollës së mesme ta përdorin me sukses dhe me nota të shkëlqyera, me notat më të larta, sigurisht.

Sa i përket donacionit, është një donacion nga një kompani me përgjegjësi shoqërore; e njëjta kompani, do ta përmend, dhuroi edhe një objekt në këtë shumë në komunën e Tearcës, gjegjësisht, rinovoi plotësisht sistemin e kanalizimit në komunën e Tearcës, i cili duhet të përfundojë me një impiant trajtimi. Mesa di edhe partia politike që tani është në opozitë, BDI, para kohe  u lëvdërohej se paska realizuar një projekt të tillë në komunën e Tearcës në rrjetet sociale.

Pra, fat të mbarë Tearcës dhe banorëve të saj, fat të mbarë Tetovës dhe banorëve të saj. Nëse do të ketë shumë më tepër projekte si ky, shumë më tepër kompani me përgjegjësi sociale si kjo, do të kemi një shoqëri më të mirë, do të kemi qytete më të mira, do të kemi komuna më të mira, do të kemi njerëz më të lumtur. Ky është qëllimi ynë si politikanë.

Advertisement