Lajme nga vendi
VLEN: Jemi të përkushtuar për dinjitetin dhe mirëqenien e çdo qytetari!
Koalicioni VLEN, nga dita e parë në qeveri, ka treguar se fjalët nuk janë të mjaftueshme – veprat janë ato që i japin zë ndryshimit! Me një përkushtim të palodhur dhe të palëkundur, kuadrot e VLEN-it janë në vijën e parë të betejës për popullin, duke dëshmuar se ata nuk janë thjesht përfaqësues, por shërbëtorë të çdo qytetari të këtij vendi.
Pensionistët, një prej shtresave më të ndjeshme të shoqërisë, do të përfitojnë nga një rritje prej 5.000 denarëve, duke filluar me 2.500 denarë nga shtatori, duke u dhënë mbështetjen që meritojnë për një pleqëri të denjë.
Në fushën e shëndetësisë po ndodh një transformim i madh. Nga 16 shtatori, pacientët do të kenë qasje në nëntë barna të reja nga lista pozitive, një listë e cila nuk ishte përditësuar për një dekadë të tërë. Kjo reformë e rëndësishme përmirëson ndjeshëm kujdesin shëndetësor dhe lehtëson barrën financiare për mijëra qytetarë.
Gjithashtu, mbi 84.000 të punësuar në administratën shtetërore do të marrin shpërblimin e merituar prej 11.000 denarë përmes K-15, një masë që nuk është thjesht ndihmë ekonomike, por një shprehje e qartë e respektit për punën e palodhur të çdo punonjësi. Në këtë paketë mbështetëse përfshihen edhe mësimdhënësit e shkollave – arkitektët e së ardhmes sonë – duke treguar se VLEN nuk harron askënd.
Koalicioni VLEN i shtyn përpara reformat e nevojshme për përmirësimin e shërbimeve në të gjitha institucionet shtetërore. Përmes veprave konkrete, ne po ndërtojmë një të ardhme ku çdo qytetar gëzon sigurinë, dinjitetin dhe mirëqenien që meriton!
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi1 week agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë