Lajme nga vendi
Rreth 140 nxënës në Shkup me simptoma të helmimit, u mbyll kuzhina e shkollës
Një fëmijë nëntë vjeçar, i cili vijonte mësimet në shkollën fillore “Gjorgija Pulevski” në Aerodrom të Shkupit, ka kërkuar ndihmë në Klinikën për fëmijë pasi ka pasur probleme me stomakun, shkruan 360 Gradë, transmeton Portalb.mk.
Fëmija, sipas drejtorit të Klinikës, Rexhep Memedi, ka qenë lehtë i dehidratuar dhe do të trajtohet në baza ambulatore.
Nga Agjencia e Ushqimit dhe Veterinarisë (AUV), ndërkaq, pasditen e sotme ka njoftuar se është urdhëruar mbyllja e kuzhinës në në “Gjorgija Pulevski” deri në marrjen e rezultateve të analizave laboratorike, të cilat do ta konfirmojnë sigurinë.
AUV shton se nga kjo kuzhinë nuk është çuar asnjë vakt në shkollat e tjera.
“Janë vendosur masat për pastrimin e plotë të kuzhinës, dezinfektimin dhe deratizimin dhe kryerjen e kontrolleve të jashtëzakonshme shëndetësore të punonjësve në kuzhinë”, thonë nga AUV.
Menjëherë pas marrjes së dyshimeve për helmim nga ushqimi të tetë fëmijëve në shkollë, shton AHV, shërbimet inspektuese të Agjencisë, në bashkëpunim me ekipet e Qendrës për Shëndet Publik – Shkup, Inspektoratit Shtetëror Shëndetësor dhe Sanitar dhe Instituti për Shëndet Publik – Shkup, ka kryer kontroll të jashtëzakonshëm në kuzhinën e shkollës.
“Katër vakte kontrolli janë marrë nga ushqimi që u është servirur nxënësve ditën e kaluar, mostrat e ushqimit – sallatë me kastravec, supë, musaka me mish të grirë dhe patate dhe krikera që do të testohen në laborator. Gjithashtu, për analiza laboratorike janë marrë pesë tampona nga sipërfaqet dhe pajisjet e punës, si dhe tamponat e duarve nga punonjësit në kuzhinë”, thanë nga AUV.
Drejtori i shkollës “Gjorgija Pulevski”, Aleksandar Filipçev, tha se rreth 140 nxënës të klasave të ulëta, të cilët kanë vijuar mësimet gjithëditore dhe kanë ngrënë në kuzhinën e shkollës, sot nuk janë në shkollë, ndërsa mësimdhënësit kanë raportuar se të gjithë kanë probleme me stomak, diarre dhe të vjella.
Siç tha drejtori, kuzhina e shkollës u mbyll menjëherë dhe nuk kishte vakt të ngrohtë për nxënësit. Pasi që fëmijët nuk mund të qëndrojnë për një kohë të gjatë pa vakt të ngrohtë.
Ai shtoi se rasti është raportuar në të gjitha institucionet kompetente dhe se është bërë një inspektim i jashtëzakonshëm.
Lajme nga vendi
Bilall Kasami sot zyrtarisht shpall kandidaturën për mandatin e dytë në Komunën e Tetovës
Sot, kryesia qendrore e koalicionit VLEN mbajti mbledhjen e radhës, ku ndër temat kryesore ishte diskutimi për përgatitjet për zgjedhjet e ardhshme lokale, raporton SHENJA.
Në një konferencë për shtyp nga VLEN theksojnë se prioritet mbetet përzgjedhja e kandidatëve më të pranuar për qytetarët, duke u përqendruar në figura që do të jenë në funksion të interesave lokale dhe zhvillimit komunal.
Pas diskutimeve, kryesia ka miratuar listën e mëposhtme të kandidatëve për kryetarë komunash:
Tetovë: Bilall Kasami
Çair: Izet Mexhiti
Strugë: Mendi Qyra (kandidat i pavarur)
Kërçovë: Fatmir Limani
Dibër: Fisnik Mela
Shkup: Bashkim Bakiu
Saraj: Muhamed Elmazi
Likovë: Nexhmedin Sadiku
Haraçinë: Daut Beqiri
Zhelinë: Blerim Sejdiu
Tearcë: Daut Memishi
Bogovinë: Feti Abazi
Bërvenicë: Haqim Ramadani
Dollnen: Blerim Islami
Nga VLEN gjithashtu është bërë e ditur se ende nuk ka një vendim përfundimtar për kandidaturat në komunat e Gostivarit, Vrapçishtit, Studeniçanit dhe Çashkës, ndërsa vendimet për këto pritet të merren në ditët në vijim.
Lajme nga vendi
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Adoleshenti që u lëndua gjatë aksidentit të djeshëm është në gjendje të qëndrueshme dhe po trajtohet në shtëpi. Trupat e tre viktimave janë dërguar në Institutin e Mjekësisë Ligjore dhe pas autopsisë do t’i dorëzohen familjarëve për varrim, bëjnë të ditur nga Spitali i Tetovës.
Aksidenti i djeshëm ndodhi si pasojë e humbjes së kontrollit nga drejtuesi i mjetit Opel Astra, njoftojnë nga Sektori për Punë të Brendshme i Tetovës. Informacione shtesë për shkaqet që çuan në humbjen e kontrollit priten nga mjekësia ligjore dhe prokuroria. Por sipas të dhënave fillestare, nga ajo që shihet në video-incizimet e kamerave të sigurisë, dyshohet se drejtuesi mund të ketë pësuar sulm në zemër.
Nga SPB Tetovë thonë se që nga fillimi i vitit 2025, në rajonin që mbulohet prej tyre, nga aksidentet rrugore kanë humbur jetën tetë persona. Po aq viktima ka pasur edhe gjatë vitit 2024.
Bilall Kasami sot zyrtarisht shpall kandidaturën për mandatin e dytë në Komunën e Tetovës
VLEN publikon listën e kandidatëve për zgjedhjet lokale
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve