Lajme nga vendi
Problemet me ujin në Tetovë nuk kanë fund
Furnizimi i qytetit të Tetovës me ujë të pijshëm vazhdon të jetë problematik edhe për administratën aktuale të komunës së Tetovës. Edhe pse në dukje të parë ndërtimi I ujësjellësit të Tetovës dhe sistemi I filtrimit u pa si zgjidhje I këtij problemi jetik për tetovarët, megjithatë edhe sot e kësaj dite, qytetarët e Tetovës vazhdojnë të përballen me mungesë të ujit. Turbullimi i ujit si pasojë e rreshjeve atmosferike, rrëshqitjet e dheut të cilët dëmtojnë rrjetin e ujësjellësit, sistemi I vjetëruar I rrjetit të shpërndarjes, keqpërdorimet e ujit, janë probleme që e përcjellin furnizimin me ujë të pijshëm qytetin e Tetovës. Edhe administrata aktuale e komunës së Tetovës disa herë është marrë seriozisht me këtë problem, megjithatë në teren situata mbetet e njejtë sepse uji mungon në çezmat e tetovarëve. Problem në vete është edhe stacioni i filtrimit i cili del prej përdorimi kur uji vjen i turbullt dhe rrjedhimisht ndalet furnizimi me ujë të pijshëm. “Ka patur dëmtim të gypit kryesor dhe është sanuar dhe po punohet në vazhdimësi që ai të jetë funksional. Për momentin është një problem tjetër që kërkon zgjidhje afatgjate, sepse gjithmonë kur ka rreshje të shiut, uji turbullohet dhe filter stacioni del jashtë funksionit dhe pastaj duhet dy deri tre ditë që I njejti të pastrohet dhe të vihet në funksion. Këtyre ditëve menaxhmenti I Ndërmarrjes Publike komunale Sharri, ka rënë në komunikim me kompaninë që ka ndërtuar filter stacionin që të gjejmë një zgjidhje sa I përket momenteve kur ka reshje të shiut që filet stacioni të mos del prej funksionit por të ketë furnizim të vazhdueshëm me ujë të pijshëm”, deklaroi kryetari i komunës së Tetovës Bilall Kasami. Nga Ndërmarrja Publike Komunale Sharri, thonë se në pranverë pritet që të fillojnë punët për servisimi i filtrave dhe me këtë pritet që të rritet sasia e furnizimit në ujësjellës. “Siç dihet në vitin 2016 kur është realizuar ky projekt, I njejti nuk është realizuar si duhet.Kemi aty gjashtë filtra të cilët kanë kapacitet që të sjellin 180 litra ujë në sekondë, ne kemi vetëm 5 funksional dhe ata nuk janë të servisuara dhe nuk mund të bëjnë pastrimin e plotë të ujit dhe për momentin na sjellin vetëm 100 litra ujë në sekondë. Fillimisht do të bëhet servisimi i filtrave dhe do të rritet kapaciteti i prurjes së ujit prej 100 litra në 180 litra ujë në sekondë”, deklaroi Valon Zeqiri, drejtor i Ndërmarrjes Publike Komunale Sharri.Në ndërkohë, derisa punohet që të gjendet zgjidhje për ujin e pijshë, problem janë edhe defektet që ndodhin në qytet në rrjetin e ujësjellësit. Nga Ndërmarrja Publike Komunale Sharri njoftuan se sot gjatë kryerjes së punëve tjera, është dëmtuar gypi që furnizon dy lagje me ujë të pijshëm është dëmtuar.Ndërkaq, tashmë disa ditë është vendosur edhe regjimi i restrikcionit me ujë në Tetovë edhe atë, duke filluar nga ora 1 deri në ora 4 të mëmgjesit. TV KOHA
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
