Lajme nga bota
Shtetet e Gjirit Persik paralajmërojnë për përshkallëzim pas sulmeve ndaj Iranit

Arabia Saudite dhe shtetet e tjera të shteteve të Gjirik Persik paralajmëruan për një “përshkallëzim” nga Izraeli, pasi ky shtet sulmoi caqet ushtarake në Iran.
Irani mbështet dy grupe në Lindjen e Mesme që aktualisht po luftojnë kundër Izraelit.
“Mbretëria e Arabisë Saudite shpreh dënon dhe denoncon” sulmet izraelite, dhe thekson “pozicionin e saj të qartë lidhur me kundërshtimin e përshkallëzimit të konfliktit në rajon që kërcënon sigurinë dhe stabilitetin e shteteve dhe njerëzve” në Lindjen e Mesme, shkroi Ministria e Jashtme e Arabisë Saduite në X.
Izraeli tha se kreu sulme “precize” ndaj caqeve ushtarake në Iran, në shenjë hakmarrjeje për një sulm me raketa që Irani kreu ndaj Izraelit në fillim të tetorit.
Irani pranoi se Izraeli sulmoi caqe ushtarake të tij dhe tha se gjatë sulmeve u vranë dy ushtarë.
Izraeli po lufton me Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evropian – në Gazë që nga tetori i vitit të kaluar.
Lufta në Gazë nisi pasi Hamasi sulmoi Izraelin duke vrarë afër 1.200 persona dhe duke rrëmbyer afër 250 të tjerë. Nga ofensiva izraelite në Gazë janë vrarë më shumë se 42.000 palestinezë.
Që kur nisi lufta në Gazë më 7 tetor, Izraeli dhe Hezbollahu – grupi militant libanez dhe partia politike që kontrollon shumicën e jugut të Libanit – kanë këmbyer zjarr në kufi.
Ministria e Jashtme saudite i bëri thirrje “komunitetit ndërkombëtar dhe palëve në ndikim që të marrin rolet dhe përgjegjësitë e tyre për të ulur përshkallëzimin dhe për t’i dhënë fund konflikteve në rajon”.
Ministria e Jashtme e Katarit, shtet që po ndërmjetëson përpjekjet për t’i dhënë fund luftës në Gazë, shprehu “shqetësim të thellë lidhur me pasojat serioze që mund të prodhojë ky përshkallëzim” nga Izraeli.
Emiratet e Bashkuara Arabe po ashtu dënuan sulmet izraelite ndaj Iranit dhe shprehën “shqetësim të thellë” lidhur me “pasojat në sigurinë dhe stabilitetin rajonal”.
Ndërkaq, Omani, shtet që për një kohë të gjatë luan rolin e ndërmjetësit mes Iranit dhe shteteve perëndimore tha se sulmet e Izraelit ndaj Iranit “nxisin cilin e dhunës dhe minojnë përpjekjet” për uljen e tensioneve.
Ky shtet tha se komuniteti ndërkombëtar duhet “t’i japë fund këtyre shkeljeve flagrante të territorit të shteteve fqinje”.
Ministria e Jashtme e Kuvajtit po ashtu dënoi sulmin dhe akuzoi Izraelin për “rrezikim të sigurisë në rajon”.
Izraeli tha se gjatë sulmeve në Iran, goditi ndërtesa të prodhimi të raketave, raketa dhe sisteme të tjera në disa rajone, duke paralajmëruar se Teherani “do të paguajë çmim të lartë” nëse kundërpërgjigjet.
Izraeli ishte zotuar se do të hakmerrej ndaj Iranit, pasi Teherani më 1 tetor lëshoi një breshëri prej 200 raketash ndaj Izraelit. Ky ishte sulmi i dytë i drejtpërdrejtë që Irani kreu ndaj armikut të tij të përbetuar, Izraelit. Shumica e raketave u rrëzuan, por u vra një person.
Irani kishte kryer edhe një sulm me raketa ndaj Izraelit në prill, teksa ky shtet mbështet dy grupe në Lindjen e Mesme që aktualisht po luftojnë kundër Izraelit.
Lajme nga bota
Trump ul tarifat doganore për Maqedoninë e Veriut në 15 për qind

Me urdhrin e ri ekzekutiv të nënshkruar mbrëmë nga presidenti amerikan, Donald Trump, vendosen tarifa doganore të reja, që variojnë nga 10 deri në 50 për qind, për pothuajse të gjitha vendet që deri tani nuk kanë marrëveshje tregtare me Shtetet e Bashkuara.
Në kuadër të këtij vendimi, shkalla doganore për Maqedoninë e Veriut është ulur nga 33 për qind, sa ishte më parë, në 15 për qind.
E njëjta shkallë doganore prej 15 për qind do të vlejë edhe për Bashkimin Evropian, me të cilin SHBA-ja arriti marrëveshje tregtare më 27 korrik. Nga vendet e rajonit, Kroacia dhe Sllovenia do të kenë gjithashtu tarifë 15 për qind, ndërsa produktet nga Serbia do të doganohen me 35 për qind, nga Bosnja dhe Hercegovina me 30 për qind, ndërsa shkalla më e ulët do të aplikohet për Malin e Zi – vetëm 10 për qind.
Presidenti Trump kishte paralajmëruar për herë të parë vendosjen e doganës prej 33 për qind për produktet nga Maqedonia e Veriut në muajin prill të këtij viti.
Tarifat e reja doganore amerikane do të hyjnë në fuqi më 7 gusht, dhe jo më 1 gusht, siç ishte planifikuar fillimisht, për të lejuar më shumë kohë për zbatimin e tyre.
Lajme nga bota
Australia merr vendim, ua ndalon fëmijëve nën 16-vjeç përdorimin e YouTube

Përmes një ligji special, Qeveria në Australi ka ndaluar që fëmijët nën moshën 16 vjeçare të kenë qasje në “YouTube”.
Nga viti 2026 për të pasur një llogari në këtë rrjet social, shtetasi i Australisë duhet të ketë të paktën 16 vjeç.
Ky vendim vjen gati një vit pasi autoritetet Australiane vendosën masa kufizuese në rrjetet sociale Facebook, Instagram, Snapchat, Tik-Tok dhe X. “Analiza e bërë për vendimet paraprake dhe rezultate e treguara kanë arsyetuar vendimin për Youtube”, ka njoftuar shkurt Qeveria në Australi.
Kompania ka paralajmëruar kontest gjyqësor, duke pretendua se në përmbajtjen e tyre nuk ka pamje shqetësuese që duhet t’i ndalohen fëmijëve nën moshën 16 vjeçare.
Lajme nga bota
Gjyshja kishte vdekur 20 vite më parë, vajza dhe mbesa morën 400 mijë euro pension

Milano- Duke përfituar nga mosraportimi i vdekjes në bankë dhe duke përdorur një llogari bankare të përbashkët me të ndjerën, e cila vdiq në mars të vitit 2005, ata morën pagesa mujore pensioni pa raportuar kurrë vdekjen e të afërmes së tyre, duke fituar përfundimisht 400,000 euro.
Nëna dhe djali u denoncuan në Milano për mashtrim të rëndë kundër shtetit. Hetuesit, nga një analizë e të dhënave bankare, zbuluan përdorimin e një dokumenti identiteti të falsifikuar.
Sipas një deklarate nga policia financiare, për të përmbushur rregulloret kundër pastrimit të parave, disa formularë që përmbanin informacionin personal dhe nënshkrimin e të ndjerës u plotësuan dhe u nënshkruan më shumë se dhjetë vjet pas vdekjes së saj, një faktor që e përkeqësoi situatën e dy të dyshuarve. Ishin pikërisht këto falsifikime që lejuan marrjen e paligjshme të fondeve për dy dekada.
Nëna dhe djali u akuzuan për mashtrim të rëndë kundër shtetit. Gjatë hetimit, INPS arriti të rikuperonte një pjesë të shumës së marrë në mënyrë të paligjshme. Shuma e mbetur, e konsideruar fitime të paligjshme, u sekuestrua nga policia financiare, e cila po vazhdon hetimin e saj për të përcaktuar çdo përgjegjësi të mëtejshme.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve