Lajme nga vendi
Bilall Kasami: Me ndërtimin e gypit kryesor të ujësjellësit do të përmirësohet gjendja me ujin e pijshëm në Tetovë
Kryetari i komunës së Tetovës Bilall Kasami thotë se me ndërtimin e gypit kryesor të ujësjellësit nga Kodra e Diellit e deri tek rezervuari mbi qytetin e Tetovës pritet që dukshëm të përmirësohet gjendja me ujin e pijshëm në Tetovë. Gypi për furnizim me ujë të pijshëm për Tetovën që do realizohet në dy faza dhe financohet me mjete të qeverisë. Nga Ndërmarrja Publike Komunale Sharri në Tetovë thonë se gypat që e sjellin ujin nga Kodra e Diellit deri tek rezervuari janë shumë të vjetër. “Ky investim bëhet për të përmirësuar gjendjen me ujin e pijshëm dhe në bazë të studimit që kemi bërë para gjashtë muajve, është konstatuar se kemi shumë humbje të ujit. Diku rreth 30 për qind kemi ujë që humbet në vet rrjetin e ujësjellësit, kurse pjesa tjetër është administrative. Ky 30 përqindsh llogaritet për qytetarët që nuk paguajnë ujin prandaj edhe apelojmë që të bëhet pagesa në mënyrë të rregullt, pasi nuk janë shumë të larta faturat e ujit”, deklaroi Valon Zeqiri, drejtor i Ndërmarrjes Publike Komunale Sharri.
Nga kjo ndërmarrje bëjnë të ditur se që të ketë furnizim normal të ujit të pijshëm duhet që bëhen dy investime. Njëri investim është për ndërrimin e gypit prej Kodrës së Diellit e deri tek rezervuari i qytetit dhe investimi i dytë është që të ndërrohet sistemi i rrjetit të shpërndarjes brenda në qytet.
“KOHËVE TË FUNDIT NUK KA NDËRPRERJE TË UJIT TË PIJSHËM PËR SHKAK TË MUNGESËS SË UJIT, POR JANË PËR SHKAK TË DEFEKTEVE TË CILËT NA KRIJOHEN, AJO BËHET PËR SHKAK SE GYPAT JANË SHUMË TË VJETËR NË QYTET PRANDAJ KEMI SHUMË DEFEKTE QË NA PARAQITEN. ZGJIDHJA ËSHTË QË FILLIMISHT TË REALIZOHET KY INVESTIM QË ËSHTË I QEVERISË DHE PASTAJ TË NDËRROHEN GYPAT QË JANË BRENDA NË QYTET. GYPAT BRENDA NË QYTET MUND TË JENË TË VJETËR RRETH 50 VITE”, DEKLAROI DREJTORI ZEQIRI.
Kryetari i komunës së Tetovës Bilall Kasami thotë se ka një master plan që është bërë për humbjet e ujit në ujësjellës dhe në bazë të këtij studimi janë përcaktuar investimet për të përmirësuar furnizimin me ujin e pijshëm për qytetarët e Tetovës.
“NJË NGA SUGJERIMET KA QENË QË TË BËHET NDËRRIMI I GYPIT KRYESOR, PASI QË NË FILLIM PREJ VENDIT KU MERRET UJI, GYPI ËSHTË SHUMË I VJETËR DHE SHKAKTON HUMBJE TË UJIT. KËTË VIT ËSHTË PARAPARË TË BËHET INVESTIM EDHE NË RRJETIN SHPËRNDARËS TË UJIT NË LAGJEN E JASHTË VARDARIT, KURSE VITEVE TË ARDHSHME DO TË PARASHIHEN INVESTIME TË TJERA PËR RRJETIN SHPËRNDARËS NË QYTET, KU DO TË ELIMINOJMË EDHE HUMBJET TEKNIKE POR EDHE ADMINISTRATIVE TË UJIT, ME QËLLIM QË UJI VJEN NGA MALI SHARR TË ARRIJË TEK QYTETARËT DHE TË MOS HUMBET RRUGËS”, THA KASAMI.
Nga Ndërmarrja Publike Komunale Sharri nuk kanë informata se sa qytetarë janë të kyçur ilegalisht në rrjetin e ujësjellësit, por në bazë të faturimit gjithsej janë 21 mijë qytetarë të cilëve u faturohet uji dhe 4 mijë janë subjekte juridike apo objekte industriale. Sipas kësaj ndërmarrje, pas vendosjes së ujëmatësve do të ketë edhe një pasqyrë më reale se sa qytetarë janë të kyçur ilegalisht dhe sa ujë harxhohet realisht./TV KOHA /
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
