Lajme nga vendi
Ndryshimet në Kodin Penal, Qeveria pret përgjigje nga Brukseli
Kryeministri Hristijan Mickoski tha se edhe nëse sillet gijotinë, nuk do të korrigjohej gabimi i ndryshimeve të Kodit Penal në vitin 2023, me të cilat praktikisht u amnistuan shumë funksionarë në lidhje me veprat penale për shpërdorim të detyrës zyrtare dhe shoqërim kriminal. Mickoski, megjithatë thekson se pavarësisht këtyre ndryshimeve, përgjegjësi do të ketë.
“Këto kriminelë politik e kanë bërë për vete që të mbrohen, ne tani edhe nëse sjellim më rigoroz edhe gijotina të sjellim do të thirren te ky që i amniston pasi që e dinë se morën qindra miliona para të juaja, para të popullit. Përndryshe, po do ta kapim Kodin Penal në reformat kur të hyjmë në sistemin gjyqësor. Por ta dini se ajo nuk e zgjidh problemin me këto kriminelë në 7 vitet e kaluara”, deklaroi Hristijan Mickoski, kryeministër.
Zëvendëskryeministri për qeverisje të mirë, Arben Fetai është optimist për një pajtueshmëri mes pushtetit dhe opozitës për rikthimet e neneve, në bazë të të cilave shumë lëndë të funksionarëve shpëtuan nga përgjegjësia penale.
“Më vjen mirë që shumica, thuajse të gjithë në fakt, përfshirë edhe vetë opozitën distancohet nga veprimet e tyre të mëparshme në këtë drejtim dhe duket se ka pajtim ndërmjet të të gjitha palëve për një Kod të ri Penal i cili është në përputhje me politikën evropiane. I cili pamundëson vjetërsimin e lëndëve siç kemi parë në të kaluarën pas ndryshimeve të vitit të fundit dhe i cili është në përputhje edhe me rekomandimet e partnerëve ndërkombëtar”, tha Arben Fetai, zëvendëskryeministër për qeverisje të mirë.
Alsat ka siguruar qasje në propozim Kodin e ri Penal.
Siç mund të shihet, në Kodin e ri është riformuluar neni 353 i cili ka të bëjë me shpërdorimin e detyrës zyrtare, sidomos në paragrafin 3 ku ndëshkimi për shkaktim të dëmit të madh propozohet të jetë në lartësi prej 3 deri në 10 vjet dhe jo sikur aktualisht prej 1 deri në 4 vjet. Situata është më ndryshe është në nenin 353v, i cili parashikon masa ndëshkuese për punë të pandërgjegjshëm në detyrë. Në paragrafin 1, parashikohet zbutje e dënimit për funksionarët që shkelin dispozitat ligjore për konflikt interesi. Në kodet e mëparshme, për këtë vepër parashikohej dënim me burg prej 3 muaj deri në tre vjet, ndërkaq tani parashikohet dënim me para ose me burg deri në 1 vit. Lehtësim parashikohet edhe për veprën e paragrafit 2, për shkaktim të dëmit më të madh. Paraprakisht dhe aktualisht, dënimi për këtë ishte prej gjashtë muaj deri në 5 vjet, tani propozohet të jetë prej gjashtë muaj deri në 3 vjet. Në ndërkohë propozohet të shtohet dhe një nen që parashikon dënim për ata që shkaktojnë dëme të mëdha ose përfitojnë shumë të madhe. Dënimi për këtë vepër, propozohet të jetë prej 1 deri në 10 vjet.
Për veprën e shoqërimit kriminal parashikohet të rikthehet paragrafi 1, për të cilën me ndryshimet e vitit 2023 u zbut ndëshkimi. Momentalisht dënimi për këtë vepër është prej 1 deri në 3 vjet burg, por propozohet të bëhet prej 1 deri në 10 vjet burg. Do të rikthehet masa e dënimit edhe për anëtarët e grupit kriminal. Gjegjësisht, propozohet që dënimi të jetë ashtu siç ishte para vitit 2023, prej një deri në 5 vjet burg.
Për këto dhe ndryshimet tjera të Kodit Penal, Komisioni Evropian duhet të japë mendim pas çka, duhet të kalojë në Qeveri dhe më pas të miratohet në Kuvend. Sipas ekspertëve tërë ky proces mund të zgjasë, prandaj, derisa të hyjë në fuqi Kodi i ri, rekomandohet që me urgjencë Kuvendi t’i rikthejë paragrafët e vjetra me qëllim që të mos bëhet dëm edhe më i madh. /Alsat.mk
Situata me përmbytjet që gjatë fundjavës goditi më shumë rajone të vendit, si pasojë e reshjeve të rrëmbyeshme të shiut, mbetet e pandryshuar, kurse autoritetet kompetente vazhdojnë të jenë në terren, ku janë duke intervenuar për thithjen e ujit nga objektet. Metereologët edhe për sot paralajmërojnë reshje shiu, por për shkak të depërtimit të ajrit të ftohtë, do të kalojnë edhe në reshje dëbore.
I gjithë territori i vendit sot gjendet në alarm të verdhë paralajmërues për shkak të rreshjeve të shiut dhe erës së fuqishme që lokalisht pritet të arrijë mbi 70 km në orë.
Pikërisht për këtë sërish rriten rreziqet nga përmbytje të reja dhe dalje të lumejve nga shtretërit, veçanërisht në pjesët veriperëndimore të vendit, ku lokalisht priten rreshje mbi 30 litra në metër katror.
Sipas njoftimit të mëngjesit të Qendrës për Menaxhim me Kriza, në rajonin e Tetovës nuk ka denoncime të reja për daljen nga shtrati të lumit Vardar në fshatin Forinë dhe pjesët tjera ku pati përmbytje.
Ndërkohë banorë të rrugëve dhe lagjeve në rajonin e Kërçovës, shtëpitë e të cilëve ishin përmbytur, vahdojnë të jenë të akomoduar në një sallë sportive. Bëhet fjalë për 250 të evakuar, të cilëve u janë siguruar ushqime, ujë dhe mjete higjienike.
Metereologët thonë se nën ndikimin e një sistemi ciklonik me qendër në Gjirin e Gjenovës dhe zgjerimit të tij drejt Detit të Jonit I cili do të mbërrijë edhe në vendin tonëdo të sjellë ndryshim të ri të motit.
Reeshjet e shiut, për shkak të depërtimit të ajrit të ftohtë nga veriu do të kalojnë në reshje dëbore, fillimisht në viset malore kurse më vonë reshje bore do të ketë edhe në viset më të ulëta, vecanërisht në pjesën veriperëndimore dhe perëndimore të vendit.
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
Lidhja e Sindikatave të Maqedonisë bllokoi sot dyert e Qeverisë. Paralajmëruan se masa e ardhshme do të jetë greva e përgjitrhshme. Kërkesat e tyre mbeten të njëjta, mbështetje për propozimin për 600 euro pagë minimale dhe 100 euro rritje të pagave tjera. Sipas tyre, standardi I qytetarëve nuk mund t`u bëjë ballë rritjes së çmimeve.
Nëse nuk respektohen kërkesat e punëtorëve për rritjen e pagës minimale në 600 euro deri më shkurt, në mars paralajmërohet grevë e madhe e përgjithshme e punëtorëve. Paralajmërimi erdhi nga Lidhja e Sindikatave të cilët, pas Kuvendit dhe Odave Ekonomike, sot bllokuan Qeverinë.
Sipas tyre, jehona e dobët e protestës së sotme, është për shkak se punëtorët janë në vendet e tyre të punës. Paralajmërojnë që protesta e radhës do të mbahet në ditë jo pune në mënyrë që punëtorët ta shprehin pakënaqësinë nga paga minimale.
SLOBODAN TRENDAFILOV – LSM
“24 ministra, në seancën e sotme qeveritare duhet të propozojnë ndryshime dhe plotësime të Ligjit për pagë minimale, nëse duan të jenë me punëtorët. Deri në fillim të marsit nuk përjashtohet mundësia për bllokimin e institucioneve të targetuara në brendësi të vendit. Nëse vendosin në seancë qeveritare ta rrisin pagën minimale në 600 euro dhe pagat tjera për 100 euro, nuk do të më shohin më në TV, nëpër rrjetet sociale. Deri atëherë vazhdojmë aty ku qëndrojmë sot – në rrugë”
Lidhja e Sindikatave nuk heq dorë nga përpjekjet për të siguruar 10.000 nënshkrime që të kenë mundësi në Kuvend të dorëzohen ndryshime ligjore për uljen e pagave të funksionarëve dhe rritjen e pagës minimale.
RESHJET: ALARMI I VERDHË NË GJITHË TERRITORIN E VENDIT!
VOLEJBOLL: DISFATA E KATËRT RADHAZI E KV UNIVERSITETI I TETOVËS
SONTE NIS SPEKTAKLI I PLAY-OFF-IT NË LIGËN E KAMPIONËVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
