Lajme nga vendi
Nënshkruhen marrëveshjet për investimin e ri gjermano-holandeze të Breinçajldit
Kryeministri Hristijan Mickoski dhe drejtuesi i Breinçajld, Ralf Hening Grosel sot nënshkruan marrëveshje për ndihmë shtetërore për dy projekte të ndara investuese. Bëhet fjalë për kompaninë Breinçajld e cila u formua si një sipërmarrje e përbashkët e një grupi investitorësh nga Gjermania dhe Holanda të cilët krijojnë një prodhues global të pajisjeve sportive të cilësisë së lartë për sportet e ujit dhe erës
Brendi Breinçajld ka themeluar dy kompani në Maqedoni dhe atë: Breinçajld produksioni në vitin 2020 dhe Breinçajld prodhimi në vitin 2022.
“Mund të publikojmë një investim të ri të cilin e kam shpallur disa javë më parë. Po punohet për investim gjermano-holandez e cila konfirmon përpjekjet tona për të zhvilluar ekonominë dhe risitë e tregut”, tha Mickoski në konferencën e sotme për media pas nënshkrimit të marrëveshjes.
Ai informoi se Breinçajld produksioni është një kompani e cila merret me aktivitete kërkimore dhe zhvillimore të produkteve të reja duke përdorur lëndë të para unike për të krijuar një material specifik të nevojshëm për prodhimin e pajisjeve për sportet e erës dhe ujit. Investimi ndodhet në Manastir në një objekt ekzistues prej 1.500 m2.
Plani i investimit, siç potencoi, përfshin investime në përshtatjen e një laboratori për kërkime dhe zhvillim dhe blerjen e pajisjeve dhe makinerive moderne. Sipas planit afarist dhe marrëveshjes për ndihmë shtetërore është paraparë që kompania të investojë një shumë totale prej të paktën 2,500,000 euro gjatë një periudhe prej 5 vitesh dhe parashihet të krijojë rreth 40 vende të reja pune me kualifikime të larta.
Nga ana tjetër, Breinçajld prodhimi është kompania që merret me prodhimin serik të pajisjeve dhe elementeve.
Mickoski theksoi se plani i pronarëve është ndërtimi i një objekti tërësisht të ri prej 3000 m2 në zonën industriale Zhabeni afër Manastirit dhe do të punësojë rreth 200 persona. Sipas planit të investimit, ndërtimi pritet të fillojë në vitin 2025, ndërsa cikli i investimeve prej rreth 8.500.000 euro të përfundojë brenda pesë viteve të ardhshme.
“Dhe pavarësisht ndërtimit të objektit të ri të vetin, qëllimi i kompanisë është të ruajë dhe përmirësojë laboratorin ekzistues për zhvillimin e produkteve të reja dhe proceseve të prodhimit, si dhe për testimin dhe krijimin e materialeve të qëndrueshme”, theksoi Mickoski.
Ai shtoi se si pjesë e aktiviteteve për lidhjen me komunitetin lokal, Breinçajld ka hapur një shkollë të specializuar për qepjen e materialeve të avancuara që shërben si një qendër trajnimi për aktivitetet e planifikuara të kompanisë. Përveç kësaj, brendi Breinçajld është i përkushtuar ndaj një procesi të qëndrueshëm dhe miqësor ndaj mjedisit përmes prodhimit me materiale të ricikluara si lëndë të para dhe procese që eliminojnë disa praktika standarde të prodhimit të dëmshme për mjedisin.
Situata me përmbytjet që gjatë fundjavës goditi më shumë rajone të vendit, si pasojë e reshjeve të rrëmbyeshme të shiut, mbetet e pandryshuar, kurse autoritetet kompetente vazhdojnë të jenë në terren, ku janë duke intervenuar për thithjen e ujit nga objektet. Metereologët edhe për sot paralajmërojnë reshje shiu, por për shkak të depërtimit të ajrit të ftohtë, do të kalojnë edhe në reshje dëbore.
I gjithë territori i vendit sot gjendet në alarm të verdhë paralajmërues për shkak të rreshjeve të shiut dhe erës së fuqishme që lokalisht pritet të arrijë mbi 70 km në orë.
Pikërisht për këtë sërish rriten rreziqet nga përmbytje të reja dhe dalje të lumejve nga shtretërit, veçanërisht në pjesët veriperëndimore të vendit, ku lokalisht priten rreshje mbi 30 litra në metër katror.
Sipas njoftimit të mëngjesit të Qendrës për Menaxhim me Kriza, në rajonin e Tetovës nuk ka denoncime të reja për daljen nga shtrati të lumit Vardar në fshatin Forinë dhe pjesët tjera ku pati përmbytje.
Ndërkohë banorë të rrugëve dhe lagjeve në rajonin e Kërçovës, shtëpitë e të cilëve ishin përmbytur, vahdojnë të jenë të akomoduar në një sallë sportive. Bëhet fjalë për 250 të evakuar, të cilëve u janë siguruar ushqime, ujë dhe mjete higjienike.
Metereologët thonë se nën ndikimin e një sistemi ciklonik me qendër në Gjirin e Gjenovës dhe zgjerimit të tij drejt Detit të Jonit I cili do të mbërrijë edhe në vendin tonëdo të sjellë ndryshim të ri të motit.
Reeshjet e shiut, për shkak të depërtimit të ajrit të ftohtë nga veriu do të kalojnë në reshje dëbore, fillimisht në viset malore kurse më vonë reshje bore do të ketë edhe në viset më të ulëta, vecanërisht në pjesën veriperëndimore dhe perëndimore të vendit.
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
Lidhja e Sindikatave të Maqedonisë bllokoi sot dyert e Qeverisë. Paralajmëruan se masa e ardhshme do të jetë greva e përgjitrhshme. Kërkesat e tyre mbeten të njëjta, mbështetje për propozimin për 600 euro pagë minimale dhe 100 euro rritje të pagave tjera. Sipas tyre, standardi I qytetarëve nuk mund t`u bëjë ballë rritjes së çmimeve.
Nëse nuk respektohen kërkesat e punëtorëve për rritjen e pagës minimale në 600 euro deri më shkurt, në mars paralajmërohet grevë e madhe e përgjithshme e punëtorëve. Paralajmërimi erdhi nga Lidhja e Sindikatave të cilët, pas Kuvendit dhe Odave Ekonomike, sot bllokuan Qeverinë.
Sipas tyre, jehona e dobët e protestës së sotme, është për shkak se punëtorët janë në vendet e tyre të punës. Paralajmërojnë që protesta e radhës do të mbahet në ditë jo pune në mënyrë që punëtorët ta shprehin pakënaqësinë nga paga minimale.
SLOBODAN TRENDAFILOV – LSM
“24 ministra, në seancën e sotme qeveritare duhet të propozojnë ndryshime dhe plotësime të Ligjit për pagë minimale, nëse duan të jenë me punëtorët. Deri në fillim të marsit nuk përjashtohet mundësia për bllokimin e institucioneve të targetuara në brendësi të vendit. Nëse vendosin në seancë qeveritare ta rrisin pagën minimale në 600 euro dhe pagat tjera për 100 euro, nuk do të më shohin më në TV, nëpër rrjetet sociale. Deri atëherë vazhdojmë aty ku qëndrojmë sot – në rrugë”
Lidhja e Sindikatave nuk heq dorë nga përpjekjet për të siguruar 10.000 nënshkrime që të kenë mundësi në Kuvend të dorëzohen ndryshime ligjore për uljen e pagave të funksionarëve dhe rritjen e pagës minimale.
RESHJET: ALARMI I VERDHË NË GJITHË TERRITORIN E VENDIT!
VOLEJBOLL: DISFATA E KATËRT RADHAZI E KV UNIVERSITETI I TETOVËS
SONTE NIS SPEKTAKLI I PLAY-OFF-IT NË LIGËN E KAMPIONËVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
