Lajme nga vendi
Mucunski: Së shpejti do të fillojë procesi i emërimit të shtatë ambasadorëve të rinj, mandati i atyre të deritanishmëve ka përfunduar
Ministri i Punëve të Jashtme dhe Tregtisë së Jashtme, Timço Mucunski, thotë se së shpejti do të fillojë me procesin e emërimit të ambasadorëve të rinj në vendet e atyre që me dekret të presidentes Gordana Siljanovska-Davkova janë tërhequr për shkak të përfundimit të mandatit.
“Sipas informacioneve që pashë sot në media, e që ishte botuar në “Gazetën Zyrtare”, janë tërhequr shtatë ambasadorë dhe të cilëve u përfundon mandati. Kjo procedurë është e rregullt në fund të mandatit të ambasadorëve, sipas Ligjit për Punë të Jashtme. Pra, po, ky nuk është kthim i jashtëzakonshëm, konsultime apo diçka tjetër, por përfundim i një mandati të rregullt të ambasadorëve”, tha dje ministri Mucunski në përgjigje të pyetjes së një gazetari në konferencën për media me përfaqësuesin aktual të OSBE-së, Jan Borg.
Sipas Mucunskit, me rastin e emërimit të ambasadorëve të rinj, për të cilët tashmë ka konsultime, do të merren parasysh cilësitë dhe kualifikimet e personave.
“Për emërimin e ambasadorëve të rinj dhe konsujve të përgjithshëm, aktualisht është duke u zhvilluar një proces konsultimi ndërmjet meje, Presidentes dhe Kryeministrit dhe pres që së shpejti të fillojmë procesin e emërimit të ambasadorëve të rinj”, shtoi Mucunski.
Ajo që sipas Mucunskit është prioritet në emërimin e ambasadorëve të rinj është pozita në NATO, sepse Dane Taleskit i përfundon mandati menjëherë pas festave të Vitit të Ri.
Mucunski u pyet edhe se deri ku është procedura për tre ambasadorët Ljubomir Fërçkovski, Andrej Zhernovski dhe Vesel Memedi, të cilët janë thirrur për konsultime.
Ambasadori në Organizatën e Kombeve të Bashkuara (OKB) në Nju Jork, Ljubomir Fërçkoski dorëheqjen e ka dorëzuar në gusht, ndërsa pozitën e ka mbajtur nga marsi i vitit 2022 pasi presidenti i atëhershëm Stevo Pendarovski nënshkroi dekretin për largimin e tij në mision.
Mucunski i tha Fërçkovskit se ka dorëzuar dorëheqjen, por kjo nuk do të thotë se proceset rreth auditimit të brendshëm të operacioneve financiare kanë përfunduar, sepse, sipas tij, është çështje krejtësisht tjetër. Sepse Fërçkoski tha se është ambasador në dorëheqje.
Sa i përket ambasadorit Andrej Zhernovski, i cili filloi të kryejë detyra diplomatike në Rumani tetorin e kaluar, Mucunski tha se formalisht dhe juridikisht nuk u bë asnjëherë ambasador ynë në Bukuresht, sepse nuk ka dorëzuar kredencialet.
“Lidhur me ambasadorët Zhernovski dhe Memedi, në Ministrinë e Punëve të Jashtme janë duke u zhvilluar procedurat e brendshme, në përputhje me Ligjin për Punë të Jashtme dhe për këtë do të njoftohen kur të përfundojnë ato procedura”, tha Mucunski.
Lidhur me ambasadorin në Romë, Vesel Memedi, Mucunski tha se formalisht dhe ligjërisht ai është ende ambasador.
Presidentja Gordana Siljanovska-Davkova ka tërhequr shtatë ambasadorë, ndërsa dekretet për tërheqjen e tyre janë publikuar dje në “Gazetën Zyrtare”.
Siç shihet nga dekretet e publikuara, bëhet fjalë për tërheqjen e ambasadorëve të Maqedonisë së Veriut në NATO – Dane Taleski, në Shqipëri – Danço Markovski, në Danimarkë – Faton Bejta, në Kazakistan – Sali Limani dhe në Katar – Shaban Jashari. Janë tërhequr edhe ambasadorja Teuta Agai Demjaha, e cila është shefe e Misionit të Përhershëm të Maqedonisë së Veriut në OKB në Gjenevë, si dhe ambasadorja në Selinë e Shenjtë në Vatikan, Maria Efremova.
Dekretet hyjnë në fuqi me botimin në “Gazetën Zyrtare” dhe do të ekzekutohen nga Ministri i Punëve të Jashtme dhe Tregtisë së Jashtme. Portalb.mk.
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
