Moti sot në Maqedoninë e Veriut do të jetë me diell dhe i nxehtë me vranësira të pakta lokale. Do të fryjë erë e lehtë deri mesatare nga verilindja.

Temperatura minimale do të jetë në intervalin prej 12 deri në 20 gradë, ndërsa maksimale do të arrijë 32 deri në 39 gradë.

Në Shkup, moti do të jetë me diell dhe i ngrohtë me erë të lehtë deri mesatare nga drejtim i ndryshueshëm. Temperatura minimale do të bjerë në 18 gradë, ndërsa maksimale do të arrijë 36 gradë.

Është mesditë dhe rrugët e Tetovës kanë marrë një gallëri që nuk përshkruhet.

Nuk mund të anashkalohen as edhe veturat me targa të huaja që kanë mbushur qytetin. Tetova frymon këto ditë të fundit të korrikut me jehonën e mërgimtarëve.

Ditët e verës në Tetovë nuk maten vetëm me temperaturat, por edhe me targat e huaja dhe gjuhët që dëgjohen në çdo cep të qytetit. Gjermanisht, danisht, frëngjisht… mërgimtarët janë rikthyer në vendlindje, duke gjallëruar rrugët, kafeteritë dhe bizneset lokale, siç ndodh tradicionalisht gjatë sezonit veror. Por, përtej nostalgjisë dhe takimeve familjare, si e shohin ata Tetovën e sotme?

Çfarë u pëlqen më shumë dhe cilat janë problemet që do të donin t’i shihnin të zgjidhura? TV Koha i pyeti mërgimtarët dhe përgjigjet e tyre sjellin një pasqyrë interesante për qytetin.

Pavarësisht gjithçkaje mërgimtarët e duan Tetovën.

Advertisement

“Krejt më pëlqejnë. Të mos më kishin pëlqyer nuk kisha ardhë asnjëherë, ja 40 vite jam jashtë, krejt më pëlqejnë.

Në Tetovë më pëlqen gjithçka. Është vendlindja, familjen e kam atje, por familjarët tjerë janë këtu”

“Jam Arjoni dhe vij nga Islanda. Jam në Tetovë nga 2 qershori. Më pëlqen Tetova se është e bukur.

“Unë jam rrit në Tetovë, jashtë jam 5 vite. Kur vijmë këtu, çdo gjë na pëlqen”

“Në Tetovë gjithçka. Është vendlindja jonë dhe për gjithçka të merr malli”

Advertisement

Por, ka edhe mërgimtarë të tillë që nuk hezitojnë të shprehin haptazi vërrejtjet e tyre.

“Po, ka ndryshuar pak! Ka shumë gjëra, mungojnë vendparkimet. Kur vijnë mërgimtarët duhet më tepër rregullat të respektohen”

“Nuk më pëlqen, ka shumë miza dhe më kafshojnë. Do të qëndroj edhe 2 javë dhe shkoj”

 “Vërejtje jo, kohëve të fundit është përmirësar shumë Tetova. Një vërrejtje të vogël kisha me I dhanë udhëheqësisë së Tetovës, koshat me mbeturina me I pastru dhe me vendos më tepër kosha se kur e ke një mbeturinë në dorë nuk ke ku e gjuan. Përndryshe, tjerat janë në rregull. Parkingjet e dijmë se moti është si problem, por  është më mirë se herave tjera. Mirë, deri tash mirë. Vij nga Zvicra dhe kam pushim edhe 1 javë”

“Pastërtia dhe rregullat e komunikacionit janë katastrofë. Tjerat shumë mirë, më mirë se vendlindja nuk ka”

Advertisement

Mërgimtarët janë kthyer sërish në vendlindje, duke sjellë jetë në sheshe, kafene e biznese, por mbi të gjitha duke rikthyer kujtimet e fëmijërisë dhe lidhjen e pathyeshme me qytetin. Megjithatë, përtej emocioneve të ribashkimeve dhe përqafimeve me familjarët, lind një pyetje: a është Tetova ajo që e lanë pas, apo një qytet që ende pret ndryshimet për të cilat ata ëndërrojnë sa herë e shohin nga larg?/Tv Koha/

Në Itali tashmë nuk njihen patentat e shoferit të Maqedonisë së Veriut, pavarësisht se ekziston një marrëveshje për njohjen dhe zëvendësimin e ndërsjellë të tyre.

Shtetasit e Maqedonisë së Veriut me qëndrim të përhershëm në Itali nuk mund ta zëvendësojnë më lejen e vozitjes me atë italiane dhe detyrohen t’i nënshtrohen sërish provimit për patentë.

Ky problem konfirmohet edhe në faqen zyrtare të Ministrisë së Punëve të Brendshme, ku thuhet se Maqedonia e Veriut ka marrëveshje me Italinë, por se “aktualisht në Republikën e Italisë nuk është e mundur zëvendësimi i patentave të shoferit me Republikën e Maqedonisë së Veriut dhe po punohet për zgjidhjen e kësaj situate”.

Problemi me mosnjohjen dhe pamundësinë për zëvendësimin e patentave të Maqedonisë së Veriut në Itali po ndikon seriozisht te mërgimtarët, pasi disa prej tyre tashmë po humbin vendet e punës nëse puna e tyre varet nga drejtimi i automjeteve.

Njëri prej tyre është edhe Besir Esati nga Reçica e Madhe, i cili po përballet me vështirësi të shumta për shkak të kësaj procedure.

Advertisement

“Për momentin ne kemi problem me konvertimin, ta kthejmë patentën prej Maqedonisë ta bëjmë  të Italisë, ne që kemi ardhë kohëve të fundit, pasi Maqedonia e ndryshoi emrin. Italia thotë duhet të bëhet përditësimi, duhet të bëhet një marrëveshje me emrin e ri. Kur do të bëhet kjo nuk e dijmë. E thirrim Ambasadën nuk na jep asnjë ndihmë, asnjë lajm të na tregojë se kur do të bëhet konvertimi dhe marrëveshja e re”

Besir Esati për Tv Koha sqaroi edhe procedurën italiane lidhur me njohjen e patent shoferit të marrë në Maqedoninë e Veriut.

Unë për shembull jam dy vite në Itali, prej ditës së parë  pasi bëhesh rezident, ke kohë 1 vjet që ta drejtosh automjetin me leje të Maqedonisë. Pas një viti, nëse të zënë, për shembull mua më skadon pas një muaji dhe me më kap policia ma marrin automjetin, më shqiptojnë dënime. Problemi është se unë jam shofer autobusi. Unë duhet ta ndërroj edhe punën, duhet të gjej punë tjetër, se me cfarë do të udhëtoj në punë atje larg”

Ai thotë se janë mbi 4.000 shtetas të Maqedonisë së Veriut që përballen me këtë problem në Itali dhe të cilëve u rrezikohet edhe vendi i punës. U bën thirrje autoriteteve të vendit që urgjentisht ta zgjidhin këtë cështje.

Me këtë problem ka më shumë se 4 mijë. Nuk e di numrin e saktë, por janë mbi 4.000. Të ishte p.sh vetëm kategoria B ose C ndoshta do ta bëja nga fillimi, se kam problem për t`i bërë, por i kam të gjitha kategoritë dhe jam shofer autobusi këtu dhe duhet shumë kohë për t`i bërë, duhen termine kurse terminet në Itali janë shumë të gjata vecanërisht për shoferat e autobusëve. Bëj apel që ta bëjnë këtë marrëveshjen. Problemi është nga ana e Maqedonisë, ta bëjnë konvertimin pasi mbi 4.000 që jemi në Itali kemi të njëjtin hall. Isha në pushim në Maqedoni, jemi munduar që vet ta zgjidhim. I kam shkruajt edhe Ministrisë së Transportit por nuk më kanë kthyer përgjigje, vetëm tek ju mediat e kemi shpresën”

Advertisement

Sipas informacioneve të deritanishme, problemi qëndron në papajtueshmërinë teknike ndërmjet dy modeleve të patentave, pasi pala maqedonase ka shtuar kategori shtesë që nuk ekzistojnë në patentën evropiane.

Për këtë arsye, autoritetet italiane kanë kërkuar nënshkrimin e një marrëveshjeje të re, gjë që nënkupton përsëritjen e plotë të procedurës për njohjen e dokumentit.

Nga Ministria e Punëve të Jashtme bëhet e ditur, se janë në fazën përfundimtare harmonizimet e Marrëveshjes për njohjen e patentave të shoferit ndërmjet dy shteteve, të cilat pritet të përfundojnë nga pala italiane.

Qytetarë të Maqedonisë së Veriut kanë njoftuar se ditëve të fundit janë përpjekur të marrin me qira një automjet me patentë nga Maqedonia e Veriut, por kompanitë italiane të rent-a-car u kanë bërë të ditur se prej disa muajsh kanë marrë udhëzim të mos japin automjete me qira nëse patenta nuk është lëshuar nga një vend i Bashkimit Evropian. Në këto raste, qytetarët duhet të kenë patentë ndërkombëtare për të marrë një automjet me qira./Tv Koha/

Advertisement