Lajme nga vendi
BDI: Nga Kryeministri i Parë Shqiptar në një histori të përmbysur
Sot, fatkeqësisht, po përballemi me përpjekje sistematike për të kthyer pas dekada të tëra progresi, duke e kthyer historinë mbrapsht mbi vlerat e drejtësisë dhe përfshirjes që kanë ndërtuar këtë vend.
Nga një rrugëtim prej zeros, shqiptarët arritën të bëjnë histori duke zgjedhur Kryeministrin e parë shqiptar në Maqedoninë e Veriut. Ky nuk ishte thjesht një triumf për Shqiptarët por një fitore për idenë e barazisë mes popujve si dhe se çdo qytetar, pavarësisht prejardhjes etnike, meriton mundësi të barabarta. Sot, këto arritje janë në rrezik të shkatërrimit.
Largimi sistematik i shqiptarëve nga pozitat kyçe dhe zëvendësimi i tyre në role më të ulëta është një akt i qëllimshëm margjinalizimi që shkel parimet e barazisë dhe meritokracisë.
Sipërmarrësit shqiptarë po përballen me pengesa të padrejta që pengojnë zhvillimin ekonomik dhe krijojnë barriera për pjesëmarrje në rritjen e vendit.
Paralajmërimi për rishikimin e Ligjit për Gjuhët është një sulm i drejtpërdrejtë ndaj Marrëveshjes së Ohrit, një marrëveshje që vendosi themelet për paqe dhe harmoni ndëretnike në shoqërinë tonë.
Shqiptarët përballen me një trajtim denigrues përmes rikthimit të konceptit jugosllav të mohimit të identifikimit etnik, pas vendimit të Gjykatës Kushtetuese.
Në të njëjtën kohë, incidentet e përplasjes ndëretnike, të nxitura nga urrejtja dhe paragjykimet, po e kthejnë vendin pas në kohë urrejtjeje, në vend që të promovojnë dialog dhe mirëkuptim.
Bashkimi Demokratik për Integrim nuk do të qëndrojë i heshtur përballë këtyre zhvillimeve.
Ne u bëjmë thirrje të gjithë qytetarëve të Maqedonisë së Veriut, pa dallim etnie, të bashkohen kundër përpjekjeve për të degraduar vlerat e barazisë, tolerancës dhe harmonisë.
BDI rikonfirmon angazhimin për të përdorur të gjitha mekanizmat demokratikë, ligjorë dhe ndërkombëtarë për të mbrojtur të drejtat e fituara me shumë sakrifica, për të mbrojtur arritjet e Marrëveshjes së Ohrit dhe për të garantuar që Maqedonia e Veriut të vazhdojë të jetë një model i bashkëjetesës së suksesshme multietnike.
Vendi ynë nuk mund të lejojë kthimin në një epokë ndarjeje, diskriminimi dhe urrejtje.
Bashkimi Demokratik për Integrim i bën thirrje të gjithë faktorëve politikë, partnerëve ndërkombëtarë dhe shoqërisë civile, të ndërmarrin veprime urgjente për të mbrojtur stabilitetin dhe të ardhmen e përbashkët të Maqedonisë së Veriut.
Barazia nuk është privilegj—është e drejtë.
BDI do të mbetet e palëkundur në mbrojtjen e kësaj të drejte sot e nesër si garanci e fuqishme për një të ardhme më të ndritur.
Bashkimi Demokratik për Integrim
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
