Lajme nga vendi
Dhuna e bashkëmoshatarëve më e shpeshtë te filloristët, deri te Avokati i Popullit këtë vit ka pasur rreth tridhjetë parashtresa
Në prag të Ditës botërore të fëmijëve – 20 Nëntori, Avokati i Popullit sot e paralajmëroi fushatën e ardhshme mbi ndërgjegjësimin për promovimin e të drejtave të fëmijëve dhe mbrojtjen e tyre nga dhuna, përfshirë edhe dhunën nga bashkëmoshatarët. Pjesë e fushatës është edhe video “Të ndërpresim ciklin e dhunës së bashkëmoshatarëve” në kuadër të projektit “Përkrahja e BE-së për sundimin e ligjit” të financuar nga Bashkimi Evropian.
Vaska Bajramovska-Mustafa, këshilltare shtetërore në zyrën e Avokatit të Popullit, deklaroi se këtë vit kanë pranuar tridhjetë ankesa për dhunën e bashkëmoshatarëve, se gjendja përkeqësohet çdo vit dhe se është më e shpeshtë tek nxënësit e shkollave fillore, madje, tha, “edhe te fëmijët e klasës së dytë dhe të tretë, ndërsa në shkollat e mesme ka më pak”.
Gjatë vizitave në shkolla dhe në biseda me nxënësit, ekipet e AP-së zbuluan se dhuna e bashkëmoshatarëve përdoret shpesh si një mjet për të treguar fuqinë ose dominimin e disa fëmijëve midis shokëve të klasës. Gjendja në shkolla, tha ajo “për momentin është alarmante që duhet investuar shumë në ndryshim”.
“Viktimat janë gjithmonë fëmijët më të dobët, fëmijët më të tërhequr, shumë shpesh fëmijët me aftësi të kufizuara ose fëmijët që vijnë nga familje shumë më të varfra ose të arsimuara sa duhet… Të dhënat tregojnë se situata është e njëjtë, në mos më keq, krahasuar me një vit më parë. Peticionet që marrim tregojnë se për fat të keq dhuna e bashkëmoshatarëve është ende e pranishme, veçanërisht në shkolla, por edhe jashtë, në parqe. Në vend të miqësisë, ne përdorim dhunë. Krahasuar me vitin e kaluar, të dhënat tregojnë se numri i ankesave në institucionin e Avokatit të Popullit është përsëri rreth tridhjetë, kryesisht për dhunë fizike, por vizitat tona në shkolla tregojnë se për fat të keq, ende nuk i njohim format e tjera të dhunës. Kjo është arsyeja pse, përmes projektit të BE-së, vendosëm të fillojmë një fushatë ndërgjegjësimi me një video për të promovuar të drejtat e fëmijëve dhe për të mbrojtur fëmijët nga dhuna e bashkëmoshatarëve”, deklaroi Bajramovska-Mustafa.
Ajo theksoi se qëndrimi i Avokatit të Popullit, të cilin e theksojnë çdo vit, është se “duhet të vëmë në dukje pasojat e dëmshme të dhunës së bashkëmoshatarëve dhe duhet të rrisim dhe edukojmë fëmijët që në moshë të vogël se konfliktet zgjidhen me dialog dhe jo me përdorim të forcës”.
Ajo theksoi se fushata e cila do të vizitojë shkollat anembanë vendit, inkurajon të gjitha palët e interesuara t’i bashkohen asaj që siç thotë, “ky mision i rëndësishëm për t’i dhënë fund dhunës së bashkëmoshatarëve dhe për të krijuar komunitete të sigurta dhe mbështetëse”. Është kyç edukimi dhe bashkëpunimi mes prindërve, mësimdhënësve dhe drejtorëve të shkollave.
Sipas saj, edhe shërbimet profesionale duhet të pajisen për të njohur dhunën dhe marrjen e masave mbrojtëse, ndërsa theksoi se besimi ndaj tyre është “në nivelin më të ulët”, siç është i dobët edhe besimi tek drejtuesit e klasave.
“Kjo fushatë është një thirrje për veprim për të gjithë ne – mësimdhënësit, prindërit, kujdestarët, politikëbërësit dhe vetë fëmijët dhe të rinjtë. Së bashku mund të krijojmë një mjedis ku respekti, ndjeshmëria dhe solidariteti do të zëvendësojnë dhunën dhe bullizmin”, theksoi Bajramovska-Mustafa, duke theksuar se të drejtat e fëmijëve janë të garantuara me Konventën e Kombeve të Bashkuara për të drejtat e fëmijëve.
Në pyetjen se çfarë po ndërmerr Avokati i Popullit sipas kompetencave të saj, pas marrjes së ankesës për dhunën e bashkëmoshatarëve, ajo u përgjigj se nëse ankesa është mjaft e qartë dhe përmban të dhënat e nevojshme që konfirmojnë dhunën dhe shkeljen e të drejtave të fëmijës, AP-ja alarmon drejtorin e shkollës për tejkalimin e problemit.
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Deputeti i VLEN-it, Adnan Azizi, ka reaguar me një mesazh publik lidhur me përurimin e bulevardit të ri në Tetovë, duke vlerësuar lart punën e kryetarit të Komunës, Bilall Kasami.
Në reagimin e tij, Azizi thekson se puna, ndryshimi dhe transformimi i Tetovës janë të lidhura drejtpërdrejt me emrin e Bilall Kasamit, të cilin e cilëson si “kryetarin më të suksesshëm të të gjitha kohërave”.
“Urime bulevardi i ri të gjithë qytetarëve”, ka shkruar deputeti Azizi, duke nënvizuar se projektet infrastrukturore janë dëshmi konkrete e angazhimit për zhvillimin e qytetit dhe përmirësimin e jetës së përditshme të banorëve të Tetovës.
Sipas tij, investimet e realizuara në infrastrukturë po e shndërrojnë Tetovën në një qytet më funksional, modern dhe të denjë për qytetarët e saj, ndërsa përurimi i bulevardit të ri paraqet një hap të rëndësishëm në këtë drejtim.
Lajme nga vendi
Nënshkruhet Marrëveshja për hua me BERZH-in me vlerë 20.9 milionë euro – do të furnizohen lokomotiva elektrike për HRMV Transport
Një marrëveshje për hua midis HM Transport dhe Bankës Evropiane për Rindërtim dhe Zhvillim (BERZH) në vlerë prej 20.9 milionë euro është nënshkruar sot në Qeveri. Me huanë do të do të furnizohen lokomotiva elektrike me pjesë rezervë, ndërsa qëllimi është transport më i madh i mallrave dhe gjenerimi i të ardhurave për ndërmarrjen.
Siç u tha para nënshkrimit, projekti është një hap i rëndësishëm drejt modernizimit të HM Transport, si dhe drejt përmirësimit të sigurisë dhe efikasitetit të transportit hekurudhor të mallrave.
Kushtet nën të cilat u siguruan mjetet – një periudhë afatgjatë e shlyerjes, një periudhë e favorshme grejs dhe një normë interesi konkurruese, janë në përputhje të plotë me strategjinë për menaxhim të përgjegjshëm të borxhit publik dhe sigurimin e financave publike të qëndrueshme.
“Sot po flasim për diçka që është lënë pas dore me dekada, por që është me rëndësi thelbësore për ekonominë, eksportin dhe të ardhmen evropiane të Maqedonisë, dhe kjo është hekurudha. Gjendja që trashëguam ishte katastrofike. Deri vonë, HM Transport nuk kishte asnjë lokomotivë plotësisht funksionale”, nënvizoi kryeministri Hristijan Mickoski, sipas të cilit kjo është një ripërtëritje sistematike e sektorit hekurudhor.
Mickoski informoi edhe se Marrëveshjes për hua i parapriu një analizë e nevojave, funksionalitetit dhe operueshmërisë së HM Transport.
Sipas zëvendëskryeministrit dhe ministrit të Transportit Aleksandar Nikolloski dhe ministres së Financave Gordana Dimitrieska-Kochoska, nënshkrimi i Marrëveshjes është një hap kyç për transformimin e plotë të HRMV Transport në një ndërmarrje moderne që do t’u përgjigjet nevojave të klientëve të saj.
“Lokomotivat e reja do ta ndryshojnë plotësisht pamjen dhe, së bashku me ato ekzistuese, do të jenë në gjendje t’i shërbejnë plotësisht transportit”, tha Nikolloski.
Ministrja Dimitrieska-Koçoska theksoi se Marrëveshja për hua është rezultat i negociatave intensive dhe konstruktive dhe është një konfirmim i besimit që institucionet financiare ndërkombëtare kanë në politikat tona dhe në drejtimin në të cilin po lëviz vendi.
“Me ngjarjen e sotme dhe nënshkrimin e Marrëveshjes për borxh për financimin e projektit “Rinovimi i flotës së mjeteve” drejtpërdrejtë investojmë në rritjen e kapaciteteve dhe efikasitetit të Hekurudhave të Republikës së Maqedonisë – Transport SHA Shkup, përmes furnizimit të lokomotivave të reja të cilat do të mundësojnë vëllim dhe siguri më të madhe në transportin hekurudhor transportues. Kjo do të thotë lidhshmëri më e mirë, konkurrencë më e madhe e ekonomisë vendore dhe mundësi të reja për gjenerimin e të ardhurave. Veçanërisht është e rëndësishme që projekti përfshin edhe vendosjen e sistemit bashkëkohor ERP, me të cilin krijohet bazë për menaxhim më të mirë me burimet, efikasitet të rritur operativ dhe nivel më të lartë të menaxhimit korporativ në sektorin hekurudhor”, theksoi ministrja.
Ky është një shembull, shtoi, i një qasjeje të integruar – jo vetëm investime në infrastrukturë, por edhe forcim institucional dhe menaxhues.
Në nënshkrim, përveç përfaqësuesve të BERZH-it, morën pjesë përfaqësues të Ministrisë së Transportit dhe menaxhmentit të HRMV Transport.
Miratohet buxheti i Tetovës, mbi 17 milionë euro për projekte kapitale
Adnan Azizi: Puna, ndryshimi dhe transformimi i Tetovës kanë emër – Bilall Kasami
Zjarr në Prizren, humb jetën një fëmijë njëvjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
