Lajme nga vendi
Mickoski: Gjuha shqipe nuk po rrezikohet, nuk i pengon askujt
“Askush nuk është kundër gjuhës shqipe, as në Maqedoni, askush nuk është kundër. Kjo është një temë artificiale. Është një temë që po mundohen ta imponojnë”. Kështu deklaroi kryeministri i Maqedonisë së Veriut, Hristijan Mickoski, duke folur për përdorimin e gjuhës shqipe në Maqedoninë e Veriut dhe për ligjin për gjuhët. Ai theksoi se gjuha shqipe nuk po rrezikohet në këtë shtet.
“Më besoni, këtu nuk bëhet fjalë për shqetësim, askush nuk është kundër gjuhës shqipe, përkundrazi ja unë jam kryetar i Qeverisë, askush nuk është kundër, as në Maqedoni, kjo është një temë artificiale. Kjo nuk është temë e cila dikujt i pengon ose nuk I pengon, kjo është një temë që po mundohen ta imponojnë po këto hije nga e kaluara se nuk kanë temë tjetër, më besoni”, deklaroi Mickoski për “Prime” në RTK.
Tutje ai tha se ‘Ligji për Gjuhët’ për pesë vite ka qëndruar në sirtarët e Gjykatës Kushtetuese dhe pikërisht tani në qeverisjen e tij kjo temë po kthehet në në rend dite.
“Epo, pikërisht kjo është pyetja, se si këta të njejtit gjyqtarë kushtetues, të votuar nga shumica e mëparshme e LSDM-së dhe BDI-së, i kanë mbajtur të gjithë këto në sirtar për 5 vjet dhe tani papritmas kur erdhi një qeveri e re, një qeveri pro-evropiane, nje qeveri reformatore, op atë e nxorrën ne siperfaqe, perndryshe nuk e di a njihni antropologjinë për ligjin e gjuhëve, dhe kjo që sot është para Gjykates kushtetuese, unë pyeta pak dhe u interesova. Ajo që sot eshtë përpara Gjykatës Kushtetuese janë praktikisht tre nene nga ligji për përdorimin e gjuhëve që kanë të bëjnë me kontestet para gjykatave”, deklaroi kryeministri maqedonas.
Mickoski tha se përdorimi i gjuhës shqipe në Maqedoni të veriut nuk po rrezikohet. Madje duke folur për një rast specifik, ai theksoi se sa të jetë ai i pari i shtetit “Vallja e Shotës” do të luhet në mes të Shkupit.
“Në Shkup është luajtur edhe Shota edhe Kolo sërbe, është luajtur edhe Qyqeku turk dhe vallja e vështirë maqedonase, dhe do të luhet. I tillë është shteti dhe ne jemi të bashkuar në diversitetin, dhe do të vazhdohet te luhet. Deri sa të jem unë kryetar i Qeverise do te luhet se në atë mënyrë ne afrohemi e jo të ndahemi”, deklaroi ai.
I pyetur për letrën e Ali Ahmetit që i dërgoi atij rreth heqjes së mekanizmave mbrojtës për komunitetet dhe ndryshimet në Ligjin për përdorimin e gjuhëve, Mickoski tha se Ahmeti i kwrkoi atij qw t’i urdhërojë gjykatësit kushtetues të mos e bëjnë atë.
“Thelbi i letrës së tij është: po të drejtohem Hristijan t’u thuash gjykatësve kushtetues të mos e votojnë këtë që është në rend dite në Gykatën kushtetuese. Së pari, nuk i njoh, do e përsëris. Së dyti, ai dhe bashkëpunëtorët e tij i kanë votuar, nuk i kam votuar unë. Ai ishte deputet në Parlament dhe ai i ka votuar. Si mundet unë t’u them gjykatësve kushtetues të cilët nuk I njoh fizikisht”, tha ai.
Mickoski: Çdokush që nuk ka shkelur ligjet maqedonase është i lirë të kalojë kufirin
Duke folur për marrëveshjen për pika të përbashkëta kufitare Kosovë-Maqedoni, Mickoski u pyet se a do të ketë ndalesa për veteranët e UÇK-së bazuar në fletarrest të serbëve.
Kryeministri maqedonas deklaroi se çdokush që nuk ka shkelur ligjet dhe Kushtetutën e Maqedonisë së Veriut, është i lirë të tranzitojë, të kalojë, e të qëndrojë aty.
“Prioriteti kryesor është respektimi i ligjeve maqedonase dhe Kushtetutës së Maqedonisë. Ata persona që nuk i kanë respektuar ligjet dhe Kushtetutën maqedonase, pavarësisht qytetarë apo shtetas të kujt janë, kanë arsye të shqetësohen kur tranzitojnë ose qëndrojnë në Maqedoni. Gjithçka tjetër për ne nuk është temë bisede”, tha ai në RTK.
Mbledhja ndërqeveritare ishte jashtëzakonisht cilësore
Kryeministri maqedonas tha se mbledhja ndërqeveritare mes Kosovës dhe Maqedonisë së Veriut ishte jashtëzakonisht cilësore dhe se pas kësaj mbledhjeje do të ketë shumë gjëra pozitive dhe të bukura, veçanërisht në planin e ekonomisë.
“Jam i bindur se së bashku mund të punojmë më shumë dhe nëse punojmë më shumë bashkë, jam i bindur se do të jemi më të suksesshëm dhe do të arrijmë rezultate më të mira përballë vendeve të treta”, u shpreh Mickoski.
Ai mes tjerash tha se pret që mes të dyja vendeve të intensifikohen bashkëpunimet në fushën e energjisë.
“Prioriteti ynë i ardhshëm do të jetë ndërtimi i interkonjektorit me Kosovën, dhe kështu mund të realizojmë një komunikim jashtëzakonisht cilësor në këtë drejtim. Respektivisht, një pjesë e gazit do përfundojë në vendin tone dhe një pjesë do të përfundojë këtu në Kosovë, duke marrë parasysh që përdorimi i gazit këtu është shumë më i ulët. Pse është kështu? Supozoj për shkak të sasive të mëdha të qymyrit, por kini parasysh që nga 01.01.2026, për shkak të Planit të Rritjes, të gjitha kompanitë që eksportojnë në BE do të duhet të përdorin energji elektrike që prodhohet nga burime të ashtuquajtura energji të gjelbër”, deklaroi Mickoski.
Mickoski: Incidenti i presidentes Osmani në aeroportin e Shkupit nuk ishte i pari
Duke folur për incidentin e presidentes së Kosovës Vjosa Osmani në aeroportin e Shkupit, kryeministri maqedonas tha se ky nuk ishte rasti i parë dhe se në njejtin aeroport presidentja ka kaluar një sërë incidentesh.
“Ky nuk është incidenti i parë. Ishte pjesë e një sërë incidentesh që pikërisht e njëjta gjë i ndodhi presidentes në të njëjtin vend në të njëjtin aeroport, në disa raste edhe më parë. Nuk e di nëse e keni këtë informacion” tha ai.
Tutje, Hristijan Mickoski theksoi se politikanët duhet të respektojnë masat dhe ligjet e vendeve ku udhëtojnë.
“Në veçanti, unë, kryeministri i vendit tim, nuk kaloj kurrë nga Terminalin VIP, thjesht shkoj si të gjithë pasagjerët e tjerë, i nënshtrohem të gjitha kontrollet e tjera të aeroportit, njejtë veprojnë zëvendëskryeminstrat dhe Presidenti i Shtetit. Këtë nuk e them rastësisht, po e them sepse është rregull i bashkëpronarit të aeroportit, pra i kompanisë franceze Airport Dipari, e cila është bashkëpronare e Turkish Tav, që është operatori zyrtar i aeroporti tonë. Dhe nëse shkoni atje tani, ata do të ju thonë se këto janë rregullat e tyre”, deklaroi kryeministri maqedonas.
“Nëse autoritetet e sigurisë së aeroportit thonë se do të ketë një kontroll, ju duhet ta kaloni atë proces kontrolli. Kur udhëtoni me një çarter, piloti i çarterit vendos nëse do të kaloni apo jo përmes kontrollove të sigurisë. Por kur kaloni me një linjë pasagjerësh komercialë, pra një fluturim komercial, është e detyrueshme”, shtoi ai.
Lajme nga vendi
DEPUTETJA IMËRLIJE SALIU SHUMË DECIDE: LIGJI PËR BRANITELLAT MUND TË KALOJË VETËM BASHKË ME VETERANËT E UÇK-SË
Deputetja Imërlije Saliu përmes një postimi në rrjetet sociale shprehet shumë decide: Ligji për branitellat mund të kalojë vetëm bashkë me veteranët e UÇK-së. Ajo këtë e deklaron në cilësinë e kryetares së Komisionit për punë dhe politikë sociale në Kuvend.
Angellovat e Stoillkoviqat kujtojnë se partnerë të kësaj qeverie e kanë BDI-në, me të cilët e kanë miratuar ligjin e branitellave dhe disa herë e kanë plotësuar e ndryshuar.
E kam thënë në Kuvend, ndërsa po e përsëris – ai propozim-ndryshimi i ligjit mund të kalojë vetëm bashkë me ligjin për veteranët e UÇK-së. Pikë.
Ministri i Shëndetësisë, Azir Aliu sot në Tetovë bisedoi me drejtorin e Spitalit Klinik rreth nevojave të institucionit, si dhe për problemin me rreth 140 persona të cilët janë me kontratë në vepër dhe të cilët nëpërmjet protestave kërkuan punësim në kohë të pacaktuar.
“Drejtori më informoi për sfidat që ekzistojnë, në mënyrë që të zgjidhim problemet sa më shpejt të jetë e mundur, të cilat janë akute, ndërsa ju e dini që sistemi i kujdesit shëndetësor është i madh, ka probleme të tilla akute dhe do të duhet të gjejmë zgjidhje hap pas hapi. Patëm edhe një takim me të punësuarit këtu, po punojmë për zgjidhjen e atij problemi, mendoj se do të kemi një zgjidhje në një kohë të shkurtër. Po punojmë për transformim dhe pas atij transformimi do të na duhen punësime të reja, sepse ato janë një pjesë jetësore e sistemit, përndryshe nuk mund të funksionojë”, theksoi Azir Aliu.
Përfaqësuesit e personelit mjekësor theksuan se presin që të përmbushet premtimi i dhënë nga ministri.
“Biseduam nëse do të rregullohet statusi ynë për punësim, ministri premtoi se do të ketë transformim, në afat sa më të shkurtër, deri në periudhën para zgjedhjeve, të rregullohet statusi i të gjithë honorarëve, pa dallim nga cili profil janë, teknik, personel mjekësor dhe administratë të ketë transformim të kontratave në vendime, kontrata të reja nuk nënshkruam, kontratat na ishin vazhduar, ne morëm për momentin pagë për muajin prill, tani presim edhe për maj, por nuk e dimë nëse do të arrijë”, deklaroi Lidija Korunski, e angazhuar në administratën e spitalit.
Më shumë se dhjetëra persona protestuan disa ditë në rrethin e spitalit në fillim të qershorit.
Në një kohë kur të rinjtë përballen me dilema të mëdha në zgjedhjen e së ardhmes së tyre profesionale, dhe kur shumë prej tyre e shohin emigrimin si zgjidhje, investimi në arsim nuk është luks është nevojë emergjente. Iniciativa e fundit e Qeverisë së RMV-së për të financuar me 50 milionë denarë 1.570 bursa për nxënësit në arsimin e mesëm dual, nuk është thjesht një masë ekonomike është një investim strategjik për të ardhmen, shkruan Zhurnal.
Zgjohen institucionet kthehet fokusi në vendin e duhur, investime në arsim –
Në fillim të vitit shkollor 2025/2026, nxënësit që do të regjistrohen në paralelet duale do të përfitojnë 3.500 denarë në muaj për nëntë muaj radhazi. Por më e rëndësishme se shifra është filozofia që qëndron pas kësaj mase: lidhja konkrete midis shkollës dhe tregut të punës. Përmes bashkëpunimit me 550 kompani vendore, arsimi i mesëm profesional nuk do të jetë më një “sistem paralel” i izoluar, por pjesë përbërëse e zhvillimit ekonomik të vendit.
Arsimi dual i cili kombinon orët teorike në shkollë me trajnimin praktik në kompani përfaqëson një nga modelet më të suksesshme të arsimit profesional në vendet me ekonomi të zhvilluar si Gjermania, Zvicra apo Austria. Zbatimi i tij në Maqedoninë e Veriut është një hap i guximshëm drejt reformës së thellë të sistemit arsimor, duke e shndërruar shkollën në një mjedis ku dija lidhet drejtpërdrejt me nevojat e tregut.
Ky model jo vetëm që e rrit shanset për punësim të të rinjve pas mbarimit të shkollës, por edhe i fuqizon ata si individë të pavarur ekonomikisht dhe të motivuar për të qëndruar në vend. Në këtë mënyrë, luftohet njëkohësisht edhe papunësia rinore, edhe braktisja e arsimit profesional, që shpesh shihet si zgjedhje e “dytë” në raport me gjimnazin apo universitetin.
Në komunikatën e Qeverisë thuhet me të drejtë: “Arsimi është shtylla më e rëndësishme e zhvillimit të Maqedonisë”. Dhe nëse kjo nuk do të mbetet vetëm një deklaratë, duhet që ky investim të mos jetë masë e vetme dhe afatshkurtër, por pjesë e një strategjie të qëndrueshme kombëtare, ku çdo nxënës që zgjedh rrugën e arsimit profesional të ndjehet i barabartë në mundësi dhe dinjitet me çdo nxënës tjetër.
Ky është momenti për të ndërtuar një sistem arsimor që nuk prodhon vetëm diploma, por kuadro të zotë, të përgatitur, të aftë të kontribuojnë në ekonomi, në komunitet dhe në demokracinë vendore.
Të investosh në arsim, do të thotë të investosh në shpresë –
Të rinjtë nuk janë thjesht pasqyra e së ardhmes ata janë forca lëvizëse e çdo të tashme që synon përparimin. Nëse një shtet dëshiron të ecë përpara, nuk ka rrugë tjetër përveçse të ndërtojë me kujdes themelin mbi të cilin rritet çdo brez, arsimin.
Të investosh në arsim do të thotë të japësh një mesazh të qartë se secili i ri, pavarësisht prejardhjes apo statusit, ka vend në ndërtimin e shoqërisë. Kur një sistem arsimor nuk mbështet vetëm njohuritë teorike, por edhe aftësitë praktike, kur i ndihmon të rinjtë të ndërtojnë rrugën e tyre drejt jetës së pavarur ai sistem bëhet motor i zhvillimit dhe i drejtësisë shoqërore.
Në këtë kontekst, paralelet duale nuk janë thjesht një alternativë e re, por një transformim thelbësor i mënyrës se si e kuptojmë shkollimin profesional. Ato ofrojnë mundësinë që mësimi të mos kufizohet brenda katër mureve të klasës, por të zgjerohet nëpër kompani, industri dhe fusha konkrete të punës aty ku formohen jo vetëm profesionistët, por edhe qytetarët aktivë dhe të përgjegjshëm.
Kur të rinjtë ndihen të vlerësuar, të përfshirë dhe të përgatitur për sfidat reale, ata nuk e kërkojnë më rrugën e emigrimit, por rrënjët e kontributit. Ata nuk shohin më të ardhmen jashtë, por e ndërtojnë brenda.
Në fund të ditës, ky nuk është vetëm një investim financiar. Është një investim në besimin që të rinjtë kanë tek shteti, në aftësinë e shoqërisë për të dëgjuar nevojat e tyre dhe për t’u përgjigjur me politika që sjellin dinjitet, jo varësi. Është një investim në shpresën kolektive, në një vend që nuk e sheh të ardhmen si rrezik për t’u shmangur, por si mundësi për t’u përqafuar së bashku. /Zhurnal.mk
DEPUTETJA IMËRLIJE SALIU SHUMË DECIDE: LIGJI PËR BRANITELLAT MUND TË KALOJË VETËM BASHKË ME VETERANËT E UÇK-SË
MINISTRI ALIU PREMTOI ZGJIDHJEN E PROBLEMIT ME HONORARËT NË SPITALIN E TETOVËS
NGA BANKAT E SHKOLLËS NË TREGUN E PUNËS, ARSIMI DUAL SHPRESË E RE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve