Lajme nga bota
Reuters: Putin i gatshëm të bisedojë me Trumpin për t’i dhënë fund luftës në Ukrainë
Vladimir Putin është i hapur për të diskutuar një marrëveshje armëpushimi në Ukrainë me Donald Trumpin, por përjashton bërjen e ndonjë lëshimi të madh territorial dhe këmbëngul që Kievi të braktisë ambiciet për t’u bashkuar me NATO-n, i thanë Reuters-it pesë burime të njohura me planet e Kremlinit.
Presidenti i sapozgjedhur amerikan, që është zotuar se do t’i japë fund shpejt konfliktit, po kthehet në Shtëpinë e Bardhë në një kohë të epërsisë ruse.
Moska kontrollon një pjesë të Ukrainës sa shteti i Virginia në SHBA dhe po avancon me ritëm të shpejtë që nga ditët e para të pushtimit.
Në raportimin e parë por të detajuar të asaj se çfarë Putin do të pranonte në çdo marrëveshje të ndërmjetësuar nga Trumpi, pesë zyrtarë aktuale dhe ish-zyrtarë rusë thanë se Kremlini mund të pajtohet në masë të madhe të ngrijë konfliktin përgjatë vijës së frontit.
Mund të ketë vend për negociata mbi ndarjen e saktë të katër rajoneve lindore të Donetskut, Luhanskut, Zaporizhzhia dhe Khersonit sipas tre prej personave që kërkuan të ruajnë anonimitetin për të diskutuar për këtë qështje të ndjeshme.
Derisa Moska pretendon se katër rajone terësisht pjesë e Rusisë, të mbrojtura nga ombrella bërthamore e këtij vendi, forcat e saj në terren kontrollojnë 70 deri në 80 për qind të territorit me rreth 26 mijë kilometra katrore ende të kontrolluara nga trupat ukrainase.
Sipas dy nga zyrtarët, Rusia gjithashtu mund të jetë e hapur për t’u tërhequr nga pjesët relativisht të vogla të territorin që kontrollon në rajonin e Kharkivit dhe Mykolaiv në veri dhe jug të Ukrainës.
Putin deklaroi këtë muaj se çdo marrëveshje armëpushimit duhet të pasqyrojë” realitetin në terren, por se kishte frikë nga një armëpushim jetëshkurtër që do t’i lejonte Perëndimit të riarmatoste Ukrainën.
“Nëse nuk ka neutralitet, është vështirë të imagjinohet ekzistenca e ndonjë marrëdhënie të mirë fqinjësore midis Rusisë dhe Ukrainë”, i tha Putinit grupit të diskutimit Valdai gjatë 7 nëntorit.
“Pse? Sepse kjo do të thoshte se Ukraina do të përdorej vazhdimisht si një mjet në duart e gabuara dhe në dëm të interesave të Federatës Ruse”, shtuan ata.
Dy nga këto burime thanë se vendimi i presidentit në largim të SHBA-ve për të lejuar Ukrainën të lansojë raketat amerikane ATACMS thellë në territorin rus, mund të komplikojë por edhe të vonojë çdo zgjidhje.
Kievi të martën përdori raketat amerikane për të goditur territorin rus për herë të parë, kështu të paktën pretendojnë nga Moska, e cila e përshkroi këtë lëvizje si një përshkallëzim të madh.
Sipas dy burimeve, nëse nuk arrihet një armëpushim, ateherë Rusia do të vazhdojë të luftojë.
“Putini tashmë ka bërë të ditur se ngrirja e konfliktit nuk do të funksionojë në asnjë mënyrë”, tha zëdhënësi i Kremlinit, Dmitry Peskov për Reuters disa orë para se rusët të raportonin për sulmin me raketat amerikane ATACMS.
“Autorizimi i përdorimit të raketave është një përshkallëzimi shumë i rrezikshëm nga ana e Shteteve të Bashkuara”, shtoi Peskov.
Drejtori i zyrës për komunikim i Trumpit, Steven Cheung i tha Reuters: “se Trump është i vetmi person që mund të bashkojë të dyja palët për të negociuar paqen dhe për të punuar drejt përfundimit të luftës dhe ndalimit të vrasjeve”.
Trump ka thënë se do të fliste drejtpërdrejt me Putinin në përpjekjet e tij për të krijuar një marrëveshje paqeje, megjithëse nuk ka dhënë detaje se si mund të pajtojë palët ndërluftuese, për faktin se të dyja palët po tregojnë shenja të pakta të tërheqjes.
Në anën tjetër, presidenti ukrainas Volodymyr Zelensky ka bërë të ditur se vendi i tij nuk do të ndalet derisa çdo ushtari i fundit rus të dëbohet nga territori i vendit të tij – duke u bazuar në kufijtë që i fitoi pas rënies së Bashkimit Sovjetik në vitin 1991, megjithatë gjeneralët e lartë amerikanë kanë thënë publikisht se është diçka shumë ambicioze të synohet.
Më 14 qershor, Putini përcaktoi kushtet e tij për përfundimin e menjëhershëm të luftës: Ukraina duhet të heqë ambiciet e saj në NATO dhe të tërheqë të gjitha trupat e saj nga i gjithë territori i katër rajoneve të Ukrainës të pretenduara dhe të kontrolluara kryesisht nga Rusia.
Lajme nga bota
Lufta si “argëtim”! Tregtarët e naftës vënë baste miliarda dollarë para njoftimit të Trump për bisedime me Iranin
Njoftimi që bëri të hënën presidentit amerikan Donald Trump lidhur me shtyrjen e përkohshme të sulmeve ndaj infrastrukturës energjetike të Iranit, ushqeu shpresa të brishta në mbarë botën për një përfundim diplomatik të luftës, dhe mesa duket, u ka sjellë disa personave fitime shumë të mëdha.
Vëzhguesit kanë identifikuar disa transaksione të dyshimta në bursë pak para njoftimit të Trumpit. Sipas përllogaritjeve të Financial Times, disa tregtarë kishin investuar më shumë se gjysmë miliardi dollarë amerikanë duke vënë bast për rënien e çmimit të naftës. A është e mundur që ata të kenë qenë të informuar paraprakisht?
Cilat janë shenjat e një “insider trading”?
Si “insider trading” quhen transaksione në bursë, të cilat kryhen mbi bazën e informacioneve të bredshme, pra që nuk janë bërë publike. Këto mund të jenë të dhëna financiare kompanish, apo plane politike ose rregullatore. Si në SHBA ashtu edhe në Evropë, insider trading është vepër penale. Anëtarëve të administratës së Trumpit nuk u lejohet të përdorin informacione konfidenciale për përfitime financiare. E njëjta gjë vlen edhe për të afërmit e tij apo bizneset e lidhura me ta.
Megjithëse mundësia që Donald Trump të tërhiqej nga kërcënimi ndaj Iranit ishte diskutuar gjerësisht në ditët para njoftimit, pa e ditur saktësisht momentin e vendimit, një bast i tillë me qindra milionë dollarë do të ishte një rrezik i madh që vështirë se do ta merrte një investitor i zakonshëm.
Christoph Kaserer, profesor për menaxhimin financiar dhe tregjet e kapitalit në Universitetin Teknik të Mynihut, shpjegon se shuma prej 580 milionë dollarësh nuk është domosdoshmërisht e pazakontë, duke pasur parasysh miliardat që qarkullojnë çdo ditë në këto tregje.
Por ai thekson se njoftimi i Trumpit u publikua në orën 7 të mëngjesit – një kohë kur tregjet janë të hapura, por relativisht të qeta – dhe pikërisht për këtë arsye rritja e menjëhershme e vëllimit të tregtimit është shumë e pazakontë dhe vështirë të shpjegohet me luhatje normale.
Një vlerësim të ngjashëm jep edhe Florian Heider, drejtor shkencor i Institutit Leibniz për Kërkime në Tregjet Financiare SAFE. Megjithatë, ai thekson se kjo nuk mjafton për të provuar se kemi insider trading, pasi për këtë nevojitet të dëshmohet një qëllim i qartë dhe përdorimi me dashje i informacionit konfidencial.
A ka pasur raste të ngjashme në të kaluarën?
Nuk është hera e parë që muajt e fundit vërehen transaksione të dyshimta. Një raport i publikuar nga portali investigativ amerikan ProPublica zbuloi disa raste ku zyrtarë të lartë shitën aksione pak para njoftimeve të Donald Trump për vendosjen e tarifave doganore në fillim të prillit 2025.
Kur Trumpi tërhoqi më 9 prill përkohësisht këto tarifa, ai kishte shkruar pak më parë në rrjetin social Truth Social: “Kjo është një kohë e shkëlqyer për të blerë!!!”
Ndërkohë, interesat e biznesit të familjes Trump shpesh ndërthuren me vendimet qeveritare, qoftë përmes investimeve në kompani prodhuese dronësh, bashkëpunimeve me kompani kriptomonedhash apo investimeve në Lindjen e Mesme.
Një zëdhënës i Shtëpisë së Bardhë tha se ajo nuk toleron që përfaqësues të administratës të përfitojnë në mënyrë të paligjshme nga informacionet e brendshme dhe çdo pretendim pa prova se përfaqësues janë përfshirë në aktivitete të tilla është i pabazë./www.dw.com/
Një krizë energjetike, veçanërisht e karburantit, mund të godasë Evropën që muajin e ardhshëm. Kjo u paralajmërua nga drejtori ekzekutiv i Shell, Wael Sawan, i cili tha se sigurimi i furnizimeve të mjaftueshme është thelbësor për sigurinë kombëtare.
Përballë rritjes së madhe të çmimeve të vajgurit të aviacionit, drejtori ekzekutiv i kompanisë së naftës parashikoi një rritje të ngjashme të çmimeve të benzinës dhe naftës, ndërsa afrohet sezoni i verës.
“Vendet nuk mund të kenë siguri kombëtare pa siguri energjetike, tha Sawan, duke shtuar se Shell po përpiqej të bashkëpunonte me qeveritë për t’i ndihmuar ato të adresonin krizën energjetike, duke përfshirë edhe ruajtjen dhe blerjen. Konflikti në Lindjen e Mesme, tani në javën e katërt, ka ndikuar tashmë në furnizimin me karburant për avionë, me naftën që do të jetë e radhës, e ndjekur nga benzina ndërsa sezoni i verës fillon në Hemisferën Veriore”, deklaroi Sawan.
“Azia Jugore ishte e para që mori atë peshë. Kjo është zhvendosur në Azinë Juglindore, Azinë Verilindore dhe më pas edhe më shumë në Evropë ndërsa hyjmë në prill”, tha ai ndërsa fliste në konferencën CERAWeek në Hjuston të Teksasit.
Sipas tyre, propozimi amerikan përfshin një sërë çështjesh kyçe, mes të cilave lehtësimi i sanksioneve, bashkëpunimi në fushën bërthamore për qëllime civile, kufizimi i programit bërthamor të Iranit, si dhe monitorimi nga Agjencia Ndërkombëtare e Energjisë Atomike.
Zyrtarët pakistanezë, të cilët folën në kushte anonimiteti pasi nuk ishin të autorizuar të bënin publike detajet, nuk dhanë më shumë informacione mbi përmbajtjen e plotë të propozimit.
Ndërkohë, Irani ka këmbëngulur se nuk është i përfshirë në negociata me Shtetet e Bashkuara. Një zëdhënës ushtarak iranian gjithashtu ka ironizuar përpjekjet diplomatike të Uashingtonit, duke i hedhur poshtë pretendimet për bisedime në zhvillim.
Pjesa më e madhe ujit të pijshëm në Tetovë zhduket rrugës për në destinacionin e planifikuar
Ministria e Drejtësisë nuk është dikasteri i vetëm që saboton Inspektoratin për Përdorimin e Gjuhëve
VLEN NJË PARTI – KUVENDI THEMELUES NË MAJ, MË PAS KONGRESI?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme