Lajme nga vendi
Vellkovski: Zero tolerancë ndaj dhunës në çfarëdo forme, përfshirë dhe atë në botën digjitale
Me rastin e Ditës Ndërkombëtare të të Drejtave të Njeriut, zëvendësministri i Ministrisë së Politikës Sociale, Demografisë dhe Rinisë, Gjoko Vellkovski, mori pjesë në debatin me titull: “Dhuna kibernetike ndaj grave dhe të rinjve në epokën digjitale” në organizimin e Qendrës së Krizave “Nadezh”.
Në fjalimin e tij para publikut, Velkovski theksoi rëndësinë dhe seriozitetin e dhunës kibernetike, e cila reflekton jo vetëm dinamikën e shoqërisë moderne, por edhe nevojën për përpjekje të përbashkëta dhe të koordinuara për mbrojtjen e më të cenuarve.
“Dhuna kibernetike është një formë agresioni që lë trauma të thella, ndikon në shëndetin mendor dhe sigurinë e njerëzve dhe krijon një ndjenjë pafuqie, veçanërisht tek gratë dhe të rinjtë, të cilët shpesh janë viktimat më të shpeshta. Si Ministri e Politikës Sociale, Demografisë dhe Rinisë, ne jemi plotësisht të përkushtuar që të përballemi me këtë fenomen. Qasja jonë është e qartë, zero tolerancë ndaj dhunës në çdo formë, përfshirë edhe atë të botës digjitale”, theksoi Vellkovski.
Ai vuri në dukje se për çfarë duhet të punohet në periudhën e ardhshme, si forcimi i kornizës ligjore për të garantuar dënimin për të gjitha format e abuzimit kibernetik, por edhe përmirësimin e mekanizmave për mbështetjen dhe mbrojtjen e viktimave. Ai gjithashtu vuri në dukje arsimin si çelës, pra se si të rinjtë mund të lëvizin të sigurt në hapësirën digjitale, të njohin shenjat e dhunës dhe të raportojnë të gjitha rastet.
“Dhuna kibernetike ndaj grave është një diskriminim me bazë gjinore që thekson nevojën për një qasje sistematike në luftën për barazi gjinore. Është një thirrje tjetër për zbatimin e menjëhershëm të Konventës së Stambollit, si dhe për krijimin e politikave që do të sigurojnë që asnjë grua të mos mbetet e vetme në këtë luftë”, tha Vellkovski.
Ai shtoi se është e nevojshme të krijohet një shoqëri që do të ofrojë mbështetje, mbrojtje dhe parandalim. Ai përmendi bashkëpunimin me sektorin civil, institucionet arsimore, por edhe me kompanitë e TI-së, për të ofruar zgjidhje konkrete dhe të qëndrueshme.
“Dhuna kibernetike nuk është vetëm një problem individual, por një kërcënim për të gjithë shoqërinë. Luftimi i kësaj dhune duhet të jetë prioriteti ynë i përbashkët. Prandaj apeloj që të gjitha institucionet, organizatat qytetare, mediat dhe sektori privat të bashkohen dhe ta ndërtojnë hapësirën digjitale si vend të sigurt dhe të drejtë për të gjithë”, theksoi Vellkovski.
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve