Lajme nga vendi
VIRUSI MHPV, mjekët:Nuk ka vend për panikë
Ndonëse nuk ka vend për panikë, megjithatë Metapneumovirusi i njeriut, ose HMPV ka shqetësuar dukshëm qytetarët këtyre ditëve. Ky lloj i gripit nuk është i ri, por rastet e fundit në Kinën Veriore, kanë ngritur shqetësime në shumë shtete, gjithnjë duke patur parasysh pandeminë e korona Virusit, e cila prejardhjen e kishte nga Kina.Por, mjekët hedhin poshtë se mund të përsëritet një situatë e ngjashme, shkruan Tv Koha. Ky lloj i gripit është i njejtë me gripin sezonal, prandaj qytetarët nuk duhet të shqetësohen. Situata ndiqet me vëmendje nga Instituti për Shëndet Publik dhe mjekët për Televizionin Koha thonë se për momentin ky virus është i pranishëm vetëm në Kinë.
“Nuk mendoj se ka nevojë për shqetësim ose ndonjë panikë së paku për momentin për shkak se nuk bisedohet për ndonjë virus të ri.Realisht, është një virus që njihet moti, edhe popullata edhe shkenca e ka të njohur si virus. Ajo që është me rëndësi është se shkenctarët nuk kanë hasur në ndonjë mutacion të ri gjenetik dhe përderisa nuk një gjë të atillë, mendoj se për vendin tonë nuk ka vend për panikë”, thotë Naim Skenderi- epidemiolog .
Mjekët nënvizojnë se një pjesë e popullatës tashmë është mbrojtur për shkak se kanë marrë edhe vaksinën kundër gripit sezonal për disa kategori kurse rastet që paraqiten në këtë periudhë janë të gripit të zakonshëm.
“Unë e kuptoj edhe shqetësimin e popullatës, por mendoj se pandemia e Covid 19, ka qenë krejt një situatë tjetër.Problem ka qenë se koronavirusi kishte një mutacion të rid he përhapja ka qenë e shpejtë, Edhe nëse do të përhapej në rastin më të keq të mundshëm, nuk besoj se do të jetë rrezik” tha Naim Skenderi.
Rritja në raste përkon me motin më të ftohtë dhe rritjen e aktivitetit të brendshëm, kushte që zakonisht nxisin përhapjen e viruseve të frymëmarrjes.Por,mjekët theksojnë se kjo periudhë është e zakonshme që ka rritje të rasteve me grip. Apelohet që nëse qytetarët kanë simptome të gripit të paraqiten tek mjekët.Zyrtarët shëndetësorë theksojnë se kjo rritje është në përputhje me tendencat sezonale.Administrata Kombëtare e Kontrollit dhe Parandalimit të Sëmundjeve të Kinës raportoi së fundmi një rritje të infeksioneve të frymëmarrjes, përfshirë HMPV, gjatë dimrit.Organizata Botërore e Shëndetësisë nuk e ka cilësuar situatën si një emergjencë globale shëndetësore, por rritja e rasteve ka shtyrë autoritetet të forcojnë sistemet e monitorimit.
Urim HASIPI/Tv Koha
Ekspozita “Tetova në Fokus”, mblodhi punimet e fotografëve të talentuar nga Tetova. Përmes objektivit të tyre u pasqyruan bukuritë natyrore, trashëgimia kulturore dhe jeta e përditshme e Tetovës. Kjo ekspozitë është një dëshmi e rëndësisë së artit dhe fotografisë në promovimin e identitetit dhe vlerave të Tetovës.
Në kuadër të manifestimit “Tetova n’Festë”, u hap ekspozita fotografike “Tetova në Fokus”, ku u prezantuan punimet e fotografëve të talentuar nga Tetova.
Përmes objektivit të tyre, vizitorët patën mundësinë të shohin bukuritë natyrore, trashëgiminë kulturore, arkitekturën, traditat dhe jetën e përditshme të qytetit. Fotografitë sollën këndvështrime artistike që pasqyrojnë identitetin dhe shpirtin e Tetovës, duke nxjerrë në pah vlerat që e bëjnë qytetin unik.
KUJTIM AMETI – Profesor Ekspozita u mirëprit nga dashamirësit e artit dhe qytetarët, të cilët vlerësuan punën dhe kreativitetin e autorëve. Ky aktivitet dëshmoi edhe një herë rëndësinë e fotografisë si një formë e fuqishme e dokumentimit dhe promovimit të trashëgimisë kulturore dhe natyrore të Tetovës.
“Tetova në Fokus” shërbeu jo vetëm si një ekspozitë artistike, por edhe si një ftesë për të njohur dhe vlerësuar më shumë bukuritë dhe identitetin e qytetit përmes syrit krijues të fotografëve vendas.
Zëvendëskryetari i Komunës së Tetovës, Albi Qamili, ndau mirënjohje për të gjithë fotografët pjesëmarrës! Në mesin e tyre edhe për kameramanin e Tv Koha, Agon Ameti./Tv Koha/
Në kuadër të manifestimit tradicional“ TETOVA N`FESTË”, kërkojmë të bëheni pjesë e një spektakli sportiv me plot energji, disiplinë dhe emocione!
-Demonstrime të Boksit dhe Kik boksit
-Garues të rinj dhe kampionë vendorë te klubit Shkëndija boks dhe të shteteve nga Shqipëri a Kosova etj.
-Promovim i sportit, shëndetit dhe frymës garuese
-Atmosferë festive për të gjithë qytetarët
Shkëndija Boks ju pret të festojmë së bashku sportin, talentin dhe krenarinë e Tetovës. Le ta kthejmë Verën Tetovare në një arenë force, respekti dhe suksesi! Manifestimi ” Tetova n`festë” tradicionalisht përfshin aktivitete sportive krahas programeve kulturore dhe artistike në Tetovë. Ky manifestim sportiv në boks organizohet me qëllim forcimin e miqësisë, respektit dhe bashkëpunimit ndërmjet pjesëtarëve të etniteteve të ndryshme. Për mes frymës sportive dhe garës së ndershme, synojmë të promovojmë tolerancën, mirëkuptimin dhe vlerat e bashkëjetesës, duke dëshmuar se sporti është një urë që bashkon njerëzit pa dallim gjuhe, kulture apo përkatësie etnike.
• Turneu do të zhvillohet me datë:2.08.2026 ne Tetovë.
Matja zyrtare fillon ne ora 11-00 te salla e këshillit Komunës së Tetovës.
• Manifestimi do të ketë përmbajtje Kulturo sportive,90% do të jetë e mbuluar me sport –BOKS, KICKBOX dhe tjetra me muzike.
• Në këtë turne janë paraparë të ketë 12meçe Boks me boksierë amatorë grupmosha ,Kadet Junior dhe Senior , 5 duele Kickbox.
• Boksierët mysafir do të jenë nga shtetet e, Kosovës, Shqiperise , Maqedonisë dhe vende tjera .
• Kemi ftuar boksierë eminent ShqiptardheMaqedonastëcilëtkanfituarmedaljenëshumkompeticionetërangutbotëror.
Boksierët nga KB SHKENDIJA BOKS të paraqitur për meçe zyrtare: Kadet – REJAN QAZIMI 52KG, JUNIOR – ILIR SELMANI 52 KG, GONAT HASANI 54 KG, YOUTH SENIOR (U-19)- SEMI ELMAZI 60 KG, SLAVÇO TRPESKI 65KG, ERDI RAKIPI 70 KG, DONJET RAMANI 75KG dhe SENIOR – MUHAREM MUAREMI 80 KG.
Turneu do te mbikëqyret nga delegate bashkë me referat te Federatës B.M. e cila do ketë peshë të turneut zyrtare e njohur ndërkombëtarisht nga Asociacioni i boksit Evropian dhe ai Botërore.
Lajme nga vendi
Mali Sharr është kapital strategjik ujor, por menaxhimi mbetet sfida kryesore, tregon analiza e IDSCS-së
Sipas analizës, ujërat sipërfaqësore dhe nëntokësore të Malit Sharr janë baza e furnizimit me ujë për Tetovën dhe Gostivarin, kontribuojnë në mbushjen e burimit Rashçe, prej nga furnizohet me ujë të pijshëm pjesa më e madhe e Shkupit, si dhe sigurojnë ujë për funksionimin e sistemit hidroenergjetik të Mavrovës.
Megjithatë, autorët theksojnë se problemet e vazhdueshme me furnizimin me ujë në Tetovë dhe ndotja e fundit e sistemit të ujësjellësit në Gostivar dëshmojnë se burimet natyrore, sado të pasura të jenë, nuk mjaftojnë për të garantuar ujë të sigurt për konsum.
Në analizë thuhet se siguria ujore nuk varet vetëm nga sasia e ujit në dispozicion, por nga mënyra se si menaxhohet i gjithë sistemi ujor. Për këtë arsye, Mali Sharr cilësohet si një infrastrukturë natyrore strategjike, nga e cila varen furnizimi me ujë, siguria energjetike, shëndeti publik dhe aftësia e vendit për t’u përballur me ndryshimet klimatike.
IDSCS vlerëson se nevojiten investime në infrastrukturë të besueshme, monitorim të vazhdueshëm të cilësisë së ujit, mbrojtje të burimeve dhe zonave mbrojtëse ujore, si dhe një menaxhim më efikas institucional. Analiza rekomandon që menaxhimi i ardhshëm i burimeve ujore të bazohet në një qasje të integruar, në përputhje me Direktivën Kuadër për Ujërat të Bashkimit Evropian, e cila e organizon menaxhimin sipas pellgjeve lumore dhe kërkon koordinim ndërmjet të gjithë përdoruesve të burimeve ujore.
Sipas institutit, në shekullin XXI uji nuk mund të trajtohet më vetëm si burim për zhvillim ekonomik ose prodhim energjie. Ai përfaqëson një të drejtë themelore të njeriut, infrastrukturë kritike, garanci për shëndetin publik, kapital natyror dhe një nga burimet kryesore për përshtatjen ndaj ndryshimeve klimatike.
Analiza përfundon se sfida kryesore nuk është nëse Mali Sharr ka ujë të mjaftueshëm, por nëse institucionet do të arrijnë ta menaxhojnë këtë kapital ujor në mënyrë të qëndrueshme dhe ta ruajnë atë për brezat e ardhshëm.
Kujtojmë se Gostivari prej disa ditësh po përballet me një nga incidentet më të rënda të ndotjes së ujit të pijshëm në vend. Mbi 3.150 persona kërkuan ndihmë mjekësore me simptoma të gastroenteritit, ndërsa më 19 korrik u shpall epidemi. Hetimet e Prokurorisë tregojnë se për rreth 22 ditë në rrjetin e ujësjellësit ishte futur ujë i ndotur me fekale përmes pompave të vendosura pranë sistemit të furnizimit me ujë, çka çoi në ndotjen e ujit të pijshëm. Për rastin janë nën hetim drejtoresha e NP “Komunalec” dhe dy drejtues të tjerë të ndërmarrjes, të dyshuar për vepra të rënda kundër mjedisit dhe natyrës.transmeton Portalb.mk
“TETOVA N`FESTË”: EKSPOZITA “TETOVA NË FOKUS” MBLODHI FOTOGRAFËT E TALENTUAR!
” KULTURA TETOVARE 2026 – BOKS & KIKBOKS
Mali Sharr është kapital strategjik ujor, por menaxhimi mbetet sfida kryesore, tregon analiza e IDSCS-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
