Lajme nga vendi
Jugohromi, i mbyllur prej afër dhjetë vitesh, vazhdon të ndotë tokën dhe ujin e pijshëm të vendbanbimeve përreth
Kombinati Jugohrom, edhe më tej është i rrezikshëm për mjedisin. Edhe pse i mbyllur prej afër një dekade, aty ndodhen mbi 90 për qind e mbetjeve toksike e kancerogjene të vendit. Toka e këtij vendbanimi po vazhdon dita ditës të ndotet nga mbetjet toksike që ka lënë puna e dikurshme e kësaj fabrike. Përveç ndotjes së tokës, një pjesë e mbetjeve derdhen në Lumin Vardar, ndërsa pjesa tjetër, përfundon në ujërat nëntokësor të burimit të Rashçes i cili furnizon një pjesë të kryeqytetit më ujë për pije. Qeveria dhe Ministria e Ekologjisë thonë se janë të vetëdijshëm dhe po punojnë për një zgjidhje.
“Si sasi, 90 për qind e mbetjeve të rrezikshme në Maqedoni janë në Jugokrom. Kjo është situatë serioze dhe qasja jonë është tejet serioze në këtë drejtim. Ne si Ministri paguajmë tetë punëtor që të funksionojë stacioni i filtrimit që derdhet në lum, por paralelisht me këtë, ne kemi ngritur alarmin në Qeveri për të gjetur zgjidhje qoftë si Qeveri qoftëme partneritet publik privat, sepse, përveç që janë toksike këto mbejtje, po ashtu janë edhe mbetje që kanë vlerë dhe do duhet të bëjmë një balancim që të gjejmë dikënd që për kompensim të vlerës të pastrohet ajo sepse është e rrezikshme jo vetëm për Jegunocin por për gjithë regjionin”, tha Izet Mexhiti, ministëri i ambientit jetësor.
Mbetjea toksike më e rrezikshme në jugohrom sipas profesorit Iljaz Iljazi, i cili edhe ka qenë pjesë e repartit kimik në Jugohrom, është ajo e bikromatit, e cila, sipas Iljazit, ndot tokën por edhe ujërat nëntokësor. Iljazi këmbëngul që Ministria e Ekologjisë, fillimisht ta kontrolloj sistemin e filtrimit por edhe thellësinë sa ka depërtuar ky helm nëntokë dhe të merr masa sa më shpejtë që është e mundur.
“Reparti i kimisë ka mbetje të bikromatit. Toka e ka thithur dhe ka problem shumë aty dhe është në pjesën e kuqe të ndotjes në Maqedoni. Nuk ka rrezik në nivel të Evropës por Tetovës dhe Shkupit po. Ministria e Ekologjisë duhet ta kontrollojë atë dhe të prononcohet për efikasitetin e sistemit aty sepse është rrezik që është ende aty me vite. Normal në këto raste duhet të hiqet toka dhe të bëhet analizë deri ku ka depërtuar sepse bikromati është goxha ndotës dhe i rrezikshëm për njeriun”, tha Iljaz Iljazi, ish i punësuar në Jugohrom.
Gatishmëri për pastrimin e mbetjeve toksike, javë më parë ka shprehur edhe kreu i komunës së Jegunocit, i cili, po ashtu kërkoi nga Qeveria që të angazhohet në vënien e standardeve evropiane dhe rihapjen e Jugohromit, me qëllim hapjen e vendeve të reja të punës për banorët e Jegunocit dhe komunave për rreth./Alsat.mk
Komisioni Rregullator për Energjetikës (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 2,30 % në raport me vendimin e datës 27.06.2025.
Nga data 01.07.2025 nga ora 00:01 çmimet maksimale të derivateve të naftës do të jenë:
EUROSUPER BS – 95 75,50 (denarë/litër)
EUROSUPER BS – 98 77,50 (denarë/litër)
EURODIZEL BS (D-Е V) 69,50 (denarë/litër)
Vaj për djegie Ekstra i Lehtë 1 (EL -1) 69,50 (denarë/litër)
Mazut М-1 SU 39,583 (denarë/kilogram)
Çmimet e shitjes me pakicë të benzinës EUROSUPER BS – 95 dhe EUROSUPER BS – 98 ulen për 2,00 den/litër.
Çmimi i shitjes me pakicë të EURODIZEL (D-E-V) ulet për 1,00 den/litër.
Çmimi i shitjes me pakicë të Vajit Ekstra të Lehtë për amvisëri (EL-1) ulet për 2,50 den/litër.
Çmimi i shitjes me pakicë të Mazut М-1 SU ulet për 0,605 den/kg dhe tani do të jetë 39,583 den/kg.
Theksojmë se këto janë çmimet maksimale të derivateve të naftës që nga ora 00:01 e datës 01.07.2025.
Liderët e Ballkanit Perëndimor dhe përfaqësuesit e Bashkimit Evropian do të diskutojnë mbi zbatimin e Planit të Rritjes për rajonin në samitin dyditor që mbahet më 30 qershor dhe 1 korrik në Shkup. Në mesin e folësve kryesorë do të jenë kryeministri në detyrë i Kosovës, Albin Kurti, dhe presidenti i Serbisë, Aleksandar Vuçiq.
Mbrëmjen e 30 qershorit, kryeministri i Maqedonisë së Veriut, Hristijan Mickoski, do të presë një darkë formale për liderët e rajonit dhe zyrtarët evropianë në “Winery Kamnik”. Në të njëjtin ambient, ministrat për çështje evropiane dhe partnerët zbatues do të zhvillojnë një darkë paralelisht.
Në 1 korrik, pjesa kryesore e samitit do të zhvillohet në “Hilton Double Tree Hotel” në Shkup, ku do të vlerësohet Plani i Rritjes, do të diskutohen propozimet për iniciativa të reja dhe do të theksohet bashkëpunimi ekonomik përmes Tregut të Përbashkët Rajonal. Programi përfshin dy panele diskutimi dhe do të përmbyllet me konferencë për media dhe drekë zyrtare.
Në takim do të jenë edhe kryeministri i Shqipërisë, Edi Rama, kryeministri i Malit të Zi, Milojko Spajic, kryetarja e Këshillit të Ministrave të Bosnjë e Hercegovinës, Borjana Krishto, si dhe përfaqësues të BE-së, BERZH-it, Bankës Botërore dhe organizatave rajonale.
Agjenda:
30 Qershor 2025
Ora 19:30 – Darka e Liderëve e organizuar nga Kryeministri Hristijan Mickoski
Vendi: “Winery Kamnik”, Shkup
Të ftuar: Liderët e rajonit, Komisioneri për Zgjerim dhe Drejtori i Përgjithshëm për Zgjerim dhe Fqinjësi Lindore
Formati: 1+0
Ora 19:30 – Darka për Ministrat e Çështjeve Evropiane dhe partnerët zbatues
Vendi: Po ashtu “Winery Kamnik”
Të ftuar:
Ministrat për Çështje Evropiane (1+1)
Komisioni Evropian – Drejtori për Ballkanin Perëndimor (1+1)
Shërbimi i Jashtëm Evropian – Kreu për Evropën Juglindore (1+1)
Drejtorët e organizatave rajonale dhe partnerëve zbatues (1+0)
Ambasadorët (të BE-së, SHBA-së, Mbretërisë së Bashkuar)
Për delegacionet e tjera, darka do të shërbehet në “Hilton Double Tree Hotel”, Shkup
1 Korrik 2025
Ora 09:30 – 14:00, Vendi: Hilton Double Tree Hotel, Shkup
Pjesëmarrës: Liderët e Ballkanit Perëndimor, Ministrat për Çështje Evropiane, Komisioni Evropian, Shërbimi i Jashtëm Evropian, organizatat rajonale dhe bankat zbatuese (EIB, BERZH, BB, etj.)
09:30 – 10:00
Mirëseardhje dhe deklarata për media
10:00 – 10:20
Fjalët hyrëse:
Kryeministri Hristijan Mickoski
Komisionerja për Zgjerim Marta Kos
10:20 – 12:00 | Paneli I: “Plani i Rritjes – Vlerësimi, puna e ardhshme dhe komunikimi”
Moderator: Kryeministri Mickoski
Temat:
Rishikimi i Planit të Rritjes në të gjitha shtyllat
Diskutim për iniciativat e reja në kuadër të Shtyllës 1 (turizmi, mbrojtja e konsumatorit, autostrada e tregut të përbashkët)
Folësit:
Liderët e Ballkanit Perëndimor (Rama, Kurti, Vuciq, Spajic, Krishto – në rend alfabetik) Komisionerja Kos
12:00 – 12:15
Foto familjare – Liderët dhe Komisionerja Marta Kos
12:15 – 12:45
Konferencë për media – Kryeministri Mickoski & Komisionerja Kos
(12:15 – 14:00 rezervuar për takime bilaterale)
12:45 – 14:00 | Paneli II: “Zgjerimi i Shtyllave të Planit të Rritjes”
Moderator: Ministri për Çështje Evropiane Orhan Murtezani
Temat:
Zbatimi i agjendave të reformave
Tregu i përbashkët rajonal
Folësit:
Drejtori i Përgjithshëm për Zgjerim Gert Jan Koopman
Përfaqësues të Shërbimit të Jashtëm Evropian
Ministrat për Çështje Evropiane të Ballkanit Perëndimor
Drejtues të CEFTA, Këshilli Rajonal për Bashkëpunim, BERZH, BB, etj.
14:00 – Foto familjare për Ministrat dhe partnerët zbatues
14:10 – Drekë
Bashkimi Demokratik për Integrim ka reaguar lidhur me procesin e regjistrimit të popullsisë, duke theksuar se si parti politike do të qëndrojë fuqishëm në mbrojtje të barazisë dhe të drejtave që burojnë nga Marrëveshja e Ohrit transmeton INA. Sipas BDI-së, fushata aktuale për regjistrimin e popullsisë përbën një strategji të mirëkoordinuar me qëllim të dobësimit të themeleve të barazisë në shtet.
Kumtesë nga Bashkimi Demokratik për Integrim:
“BDI shpreh shqetësim të thellë për fushatën e re të realizuar nga mbetjet e VLEN, të porositur nga VMRO-DPMNE dhe ZNAM, kundër regjistrimit të popullsisë, një proces thelbësor për funksionimin demokratik dhe multietnik të shtetit.
Kjo strategji është trishtuese dhe e paprecedentë në historinë e pluralizmit në vend. Nuk ka ndodhur më parë që për politika kaq haptazi antishqiptare, partitë maqedonase të përdorin si “mashë” partitë shqiptare për të përgatitur terrenin për ndërhyrje institucionale.
Po shohim një model të rrezikshëm që po përsëritet me një skenar të qartë:
Fillimisht, partitë e vogla shqiptare dalin dhe relativizojnë ose kritikojnë një shtyllë të Marrëveshjes së Ohrit;
Më pas, VMRO-DPMNE dhe partnerët e saj e shfrytëzojnë këtë për ta sulmuar ose anuluar tërësisht.
Kështu ndodhi me Balancuesin: u quajt me “defekte”, pastaj u shfuqizua.
Kështu ndodhi me përdorimin e gjuhës shqipe: u përkufizua si “gjuhë e përkthyer”, dhe menjëherë pasoi sulmi ndaj ligjit.
Tani ka nisur edhe me regjistrimin: krijohet narrativa se procesi ka qenë i manipuluar, me qëllim që nesër të hidhet poshtë nga VMRO dhe ZNAM.
BDI e denoncon me forcë këtë qasje si një strategji të mirëkoordinuar për të dobësuar themelet e barazisë në këtë shtet. I bëjmë thirrje qytetarëve shqiptarë dhe gjithë faktorëve të përgjegjshëm që ta kuptojnë rrezikun e këtij modeli të ri që prodhon ndasi, mohim dhe tension.
BDI do të qëndrojë në mbrojtje të barazisë, të drejtës për përfaqësim dhe të vlerave që buruan nga Marrëveshja e Ohrit, dokument që garanton paqen”. (INA)
Nga mesnata ulen çmimet e derivateve të naftës
Kurti dhe Vuçiq përballë në samitin rajonal për Planin e Rritjes në Shkup
STRUGA TRIM LUM SOT NISI PËRGATITJET PËR SEZONIN E RI
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve