Lajme nga bota
Biden zgjeron fushën e sanksioneve për kompanitë dhe njerëzit në Ballkanin Perëndimor
Presidenti i Shteteve të Bashkuara, Joe Biden, ka zgjeruar të mërkurën fushën e sanksioneve për kompanitë dhe njerëzit e përfshirë në destabilizimin e vendeve të Ballkanit Perëndimor.
Kjo vlen për ata të cilët u nënshtrohen masave ndëshkuese amerikane për sfidimin e sovranitetit dhe integritetit territorial të vendeve të Ballkanit Perëndimor, cenimin e marrëveshjeve dhe institucioneve të pasluftës, si dhe pjesëmarrjen në korrupsion të konsiderueshëm që cenon sundimin e ligjin dhe besimin në qeverisjen demokratike dhe shmangien e sanksioneve të qeverisë amerikane.
Me këtë urdhër ekzekutiv, Biden ka ndërmarrë hapa shtesë, duke ndryshuar dhe plotësuar tre urdhrat në lidhje me Ballkanin Perëndimor nga viti 2021, të cilat kanë të bëjnë me bllokimin e aseteve dhe ndalimin e hyrjes në SHBA të njerëzit që kontribuojnë në destabilizimin e rajonit, tha Shtëpia e Bardhë në një njoftim.
Rregullorja e vitit 2021 parashikon që sanksionet – bllokimi i aseteve dhe ndalimi i hyrjes në SHBA – të zbatohen për personat që janë direkt ose indirekt përgjegjës për veprimet dhe politikat që kërcënojnë paqen, sigurinë, stabilitetin ose integritetin territorial të një zone ose një shteti në Ballkanin Perëndimor, minojnë proceset apo institucionet demokratike, shkelin të drejtat e njeriut apo përfshihen në korrupsion.
Sanksionet zbatohen ndaj njerëzve që, në mënyrë direkte ose indirekte, kanë marrë pjesë ose kanë tentuar të marrin pjesë në shkeljen, pengimin ose rrezikimin e zbatimit të sigurisë rajonale, marrëveshjeve të paqes ose marrëveshjeve për njohjen reciproke në Ballkanin Perëndimor, thuhet në njoftim.
“Këtu përfshihen Marrëveshja e Prespës e vitit 2018, Marrëveshja Kornizë e Ohrit e vitit 2001, Rezoluta e Këshillit të Sigurimit të OKB-së 1244, Marrëveshja e Dejtonit, ose konkluzionet e Këshillit për Zbatimin e Paqes të mbajtur në Londër në dhjetor 1995, duke përfshirë vendimet ose konkluzionet e Përfaqësuesit të Lartë, Këshilli për zbatimin e paqes ose Bordi i tij Drejtues ose Gjykata Penale Ndërkombëtare për ish-Jugosllavinë, d.m.th., Mekanizmi Ndërkombëtar i mbetur për Gjykatat Penale”, thuhet tutje në njoftim.
Çfarë ka të re?
Rregullorja e re thekson se sanksionet zbatohen për këdo që Departamenti amerikan i Thesarit, në konsultim me Departamentin amerikan të Shtetit, përcakton të jetë drejtues, oficer ose anëtar i një njësie, duke përfshirë një ent qeveritar, i cili ka marrë pjesë ose ka tentuar të marrë pjesë në ndonjë prej aktivitetet e përcaktuara me rregulloren e mëparshme.
Masat do të vlejnë gjithashtu për personat që ndihmuan, sponsorizuan ose ofruan mbështetje financiare, materiale ose teknologjike, ose mallra ose shërbime mbështetëse, për çdo person, pasuritë dhe interesat e të cilit në asete janë të bllokuara në përputhje me atë rregullore.
Ato vlejnë edhe për ata që konstatohet se zotërojnë ose kontrollojnë, drejtpërdrejt ose tërthorazi, çdo person të cilit i bllokohen pasuritë dhe interesat në pasuri në përputhje me rregulloren.
Masat tani vlejnë edhe për bashkëshortët apo fëmijët e rritur të personave të cilëve u bllokohen pasuritë dhe interesat në pasuri në përputhje me rregulloren.
Biden theksoi në dekret se hapa shtesë po ndërmerren “në funksion të ngjarjeve në Ballkanin Perëndimor, duke përfshirë përpjekjet e vazhdueshme të individëve për të sfiduar sovranitetin dhe integritetin territorial të shteteve të Ballkanit Perëndimor, për të minuar marrëveshjet dhe institucionet e pasluftës, për t’u angazhuar në korrupsion të konsiderueshëm që minon sundimin e ligjit dhe besimin në qeverisjen demokratike dhe shmangien e sanksioneve të qeverisë amerikane”./REL/
Të paktën 85 persona kanë humbur jetën në mbarë SHBA-të si pasojë e një stuhie të fuqishme dëbore dhe temperaturave ekstremisht të ulëta, që kanë zbritur deri në minus 40 gradë, njoftuan zyrtarët amerikanë.
Gjysma e rasteve të vdekjes janë regjistruar në Tennessee, Mississippi dhe Louisiana. Ndërsa disa vdekje janë pasojë e hipotermisë, për të tjera dyshohet se kanë ardhur si rezultat i ekspozimit ndaj monoksidit të karbonit, për shkak të përdorimit të burimeve të improvizuara të ngrohjes në zona pa energji elektrike.
Më shumë se 230.000 amvisëri dhe biznese vazhdojnë të jenë pa rrymë, sipas të dhënave të faqes Poweroutage.us, pasi një stuhi e madhe dimërore goditi pjesën lindore të SHBA-së fundjavën e kaluar.
Numri më i madh i ndërprerjeve të energjisë elektrike vazhdon të jetë në Mississippi dhe Tennessee, me rreth 87.000 konsumatorë pa rrymë në secilin prej këtyre shteteve.
Meteorologët paralajmërojnë se moti i ftohtë do të zgjasë në lindje të SHBA-së të paktën deri në muajin shkurt dhe se gjatë fundjavës priten reshje të dendura dëbore në Karolinën e Veriut dhe të Jugut, Virginia dhe në verilindje të Georgias.
Borë është e mundur edhe në disa pjesë të bregdetit të Karolinës së Veriut, si dhe përgjatë bregut lindor nga Maryland deri në Maine.
Me një valë të re të ftohti të rrezikshëm që po përhapet drejt jugut, ekspertët paralajmërojnë se rreziku i hipotermisë po rritet për banorët e Mississippi-t dhe Tennessee-s, ku shumë prej tyre hyjnë në ditën e gjashtë pa energji elektrike. Temperaturat vazhdojnë të bien nën zero.
Shërbimi Kombëtar Meteorologjik i SHBA-së (National Weather Service) njoftoi se ajri arktik që po lëviz drejt juglindjes do t’i ulë edhe më tej temperaturat, deri rreth minus 10 gradë në qytete si Nashville, ku mbi 79.000 amvisëri dhe biznese ende janë pa rrymë.
Qindra pjesëtarë të Gardës Kombëtare (National Guard) janë mobilizuar në Mississippi dhe Tennessee për të pastruar rrugët, për të ndihmuar njerëzit e bllokuar në automjete dhe shtëpi, si dhe për të shpërndarë furnizime bazë.
Guvernatori i Mississippi-t, Tate Reeves, deklaroi se trupat po dërgojnë ushqime, batanije dhe furnizime të tjera me helikopterë dhe kamionë, ndërsa guvernatori i Tennessee-s, Bill Lee, tha se njësitë e shpëtimit kanë shpërndarë më shumë se 600 pajisje ngrohjeje dhe mbi 8.300 litra karburant.
Lajme nga bota
Sherri për lojën përfundon në tragjedi, 19-vjeçari vret vëllanë dhe merr në telefon policinë: E thera!
Një natë argëtimi me videolojëra në një banesë në Oklahoma përfundoi në tragjedi, pasi një 19-vjeçar dyshohet se vrau vëllanë e tij më të madh pas një konflikti gjatë lojës. Sipas mediave lokale, William Spencer, 19 vjeç, dhe vëllai i tij 25-vjeçar, Nicholas Spencer, po luanin videolojëra së bashku mbrëmjen e së dielës, kur më i riu u zemërua dhe u përfshi në një përplasje me vëllanë e tij. Konflikti përshkallëzoi në dhunë, ku William dyshohet se e goditi Nicholas me thikë, duke i shkaktuar plagë fatale.
Pas ngjarjes, 19-vjeçari telefonoi vetë autoritetet, duke pranuar se kishte therur vëllanë e tij. Policia e Oklahomës bëri të ditur se oficerët mbërritën në vendngjarje dhe gjetën një burrë me plagë të rënda thike. “Telefonuesi na njoftoi se sapo kishte therur vëllanë e tij. Kur mbërritëm, gjetëm viktimën të plagosur rëndë,” deklaroi policia. Nicholas Spencer u transportua me urgjencë në spital nga paramedikët, por nuk arriti t’u mbijetojë plagëve dhe u shpall i vdekur.
Rreshteri Gary Knight e cilësoi ngjarjen si “jashtëzakonisht tragjike”, duke theksuar se konflikti nisi gjatë një loje. “Dy vëllezër po luanin videolojëra. Njëri u zemërua dhe sulmoi tjetrin, duke i marrë jetën,” tha ai. William Spencer u arrestua në vendin e ngjarjes dhe u dërgua në Qendrën e Paraburgimit të Qarkut të Oklahomës. Sipas autoriteteve, ai ka pranuar përfshirjen në krim dhe po përballet me akuza për vrasje të shkallës së parë. 19-vjeçari mbahet në paraburgim me një garanci prej 10 milionë dollarësh, ndërsa hetimet për rrethanat e plota të ngjarjes vijojnë.
Lajme nga bota
Shpërthimi i virusit vdekjeprurës, rrezik nga epidemia/ Azia merr masa ndaj virusit Nipah
Shpërthimi i virusit vdekjeprurës Nipah në West Bengal të Indisë ka nxitur shqetësime në disa zona të Azisë, që madje kanë kthyer masa shtrënguese nëpër aeroporte.
Tajlanda ka shtuar kontrollet e pasagjerëve që vijnë nga West Bengali. Nepali po ashtu ka shtuar kontrollet në aeroportin Katmandu dhe pikat tjera të lidhjes me Indinë.
Pesë punëtorë shëndetësorë në West Bengal u infektuan me virus më herët gjatë muajit. Një nga ta është në gjendje kritike. Rreth 110 njerëz që ishin në kontakt me ta janë izoluar.
Virusi mund të shpërndahet nga kafshët te njerëzit. Ka shkallë të lartë vdekshmërie – 40-75 për qind – pasi s’ka vaksinë e ilaç për ta trajtuar.
Çfarë është virusi Nipah dhe cilat janë simptomat e tij?
Virusi Nipah mund të transmetohet nga kafshët, si derrat dhe lakuriqët e frutave, te njerëzit. Mund të shpërndahet edhe nëpërmjet ushqimit të kontaminuar. Te njeriu bartet edhe me kontakt direkt me lëngjet e një njeriu të infektuar.
Edhe ai detektohet përmes testeve që marrin mostra nga kanalet e frymëmarrjes. Organizata Botërore e Shëndetësisë e ka përshkruar Nihapin në mesin e dhjetë prioriteteve të sëmundjeve, krahas patogjenëve si Covid-19 dhe Zika, kryesisht për shkak të potencialit për të nxitur epidemi.
Periudha e izolimit zgjat nga katër deri në 14 ditë. Njerëzit që marrin virusin shfaqin disa lloje simptomash, ose nganjëherë, asnjë fare. Simptomat fillestare mund të përfshijnë ethe, kokëdhimbje, dhimbje të muskujve, vjellje dhe dhimbje fyti. Te disa njerëz, më pas përcillet me përgjumje, lodhje dhe pneumoni. Në raste të rënda mund të ndodhë edhe inflamacion i trurit.
Deri tash, as ilaçe e as vaksina nuk janë miratuar për ta trajtuar virusin.© BalkanWeb
ASH konteston zbatimin jo uniform të paketës “Safe City” në Kushtetuese
Fetai: “Safe City” është politizuar pa nevojë, ligji nuk ka karakter ndëshkues
Diploma false, ministrja Janevska: Ka kallëzime penale, po veprohet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
