Lajme nga vendi
RMV, i ngecur prej pesë vitesh, nuk dihet asgjë për “fatin” e Ligjit të ri për marrëdhënie pune që parashihte 13 muaj pushim lehonie
Ligji i ri për marrëdhënie pune ka ngecur për pesë vite, ndërsa nuk ka asnjë njoftim se deri ku është procesi. Ministria e mëparshme e Punës dhe Politikës Sociale e ka hartuar Projektligjin në vitin 2021 kur ministre e Punës dhe Politikës Sociale ishte Jagoda Shahpaska. Me të, ndër të tjera, sigurohet edhe pushimi i lindjes për gjithsej 13 muaj, nga të cilët 9 për nënën dhe 4 për babain. Ligji ishte dashur të hynte në fuqi në vitin 2022, por deri më tani, përveç njoftimeve për dëgjesa publike, asgjë tjetër nuk është publikuar.
Në korrik të vitit 2021, kur ministre ishte Jagoda Shahpaska, Ministria e Punës dhe Politikës Sociale për Sdk.mk tha se “do të ketë një debat publik për ligjin e propozuar, pas së cilës duhet të miratohet nga Qeveria, miratimi i të cilit është planifikuar deri në fund të vitit dhe më pas të miratohet nga Kuvendi. Pra, zbatimi i Ligjit, sipas sa më sipër, duhet të fillojë në vitin 2022”.
Më 24 dhjetor 2024 Sdk i dërgoi pyetje Ministrisë së sapoformuar të Politikës Sociale, Demografisë dhe Rinisë, ku ministër është Fatmir Limani, deri ku është procedura për miratimin e Ligjit të ri për Marrëdhëniet e Punës, nëse janë mbajtur debatet publike, nëse do të miratohet së shpejti dhe cilat janë risitë kryesore, por deri në publikimin e tekstit nuk kishte përgjigje.
Përgjigje kjo redaksi nuk ka marrë as vitin e kaluar në janar, kur të njëjtat pyetje ia dërgoi edhe Ministrisë së Punës dhe Politikës Sociale.
Në vitin 2023, ministrja e atëhershme e Punës dhe Politikës Sociale, Jovanka Trençevska, tha se ligji, në vend të pushimit ekzistues të lehonisë, parasheh ndarjen e pushimit në pushim të nënës, atëror dhe prindëror.
Leja e babait zgjat 15 ditë dhe përdoret menjëherë pas lindjes së fëmijës, nëse është një fëmijë, ndërsa për fëmijë binjakë, trenjakë e më shumë, për 20 ditë. Pushimi i lehonisë zgjat 5 muaj, kurse pushimi prindëror zgjat katër muaj për secilin prind individualisht.
“Edhe pse në pamje të parë duket se periudha e pushimit të lehonisë është shkurtuar, nuk është kështu, sepse nëna ka 5 muaj leje lehonie dhe 4 muaj pushim prindëror, pra qëndron me fëmijën njësoj si më parë, 9 muaj. Por përveç kësaj, ka edhe 4 muaj leje prindërore për babain, të cilën nëse i ati e përdor pas skadimit të lejes së lehonisë dhe prindërimit të nënës, do të thotë se fëmija, në vend të 9 muajve të mëparshëm, do të mund të jetë nën kujdesi prindëror gjithsej 13 muaj”, tha ministrja e atëhershme Trençevska.
Sipas postimeve të atëhershme në profilin e Facebook-ut të ish-ministres Trençevska, ndër risitë e parapara në Projektligj ishte edhe heqja e kufirit më të lartë për pushimin vjetor, gjegjësisht dispozita që pushimi vjetor të jetë maksimumi 26 ditë. Më tej, edhe pse pushimi vjetor mund të përdoret më së voni deri më 30 qershor të vitit pasardhës, përjashtim parashikohet për punonjësin që nuk mund ta përdorin atë deri më 30 qershor të vitit të ardhshëm kalendarik, për shkak të ndonjë sëmundjeje ose dëmtimi, lehonisë ose pushimit prindëror ose lejes për përkujdesjeje dhe përkujdesje për fëmijët, punonjësi ka të drejtë të përdorë pushimin vjetor deri në fund të vitit, jo vetëm deri më 30 qershor.
Gjithashtu, parashiheshin të hiqen kushtet e parashikuara më parë për të drejtën e kompensimit të pagës për pushimin vjetor të papërdorur me përfundimin e marrëdhënies së punës, gjë që realizon plotësisht parimin e garantuar me Kushtetutë të patjetërsueshmërisë së të drejtës për pushim vjetor.
U prezantua pushim i ri me pagesë nga puna për kujdesin ndaj një anëtari të familjes, në mënyrë që punonjësi që kujdeset të ketë të drejtë të largohet për pesë ditë pune gjatë një viti kalendarik, i cili mund të përdoret në mënyrë të vazhdueshme dhe të plotë ose me ndërprerje dhe në pjesë, duke siguruar prova dhe duke njoftuar punëdhënësin të paktën tre ditë para fillimit të tij.
Me rastin e fillimit të muajit të bekuar të Ramazanit, kreu i BFI-së, Shaqir Fetahu, ua uroi besimtarëve muajin e bekuar të Ramazanit duke u dëshiruar besimtarëve paqe, mirësi dhe përkushtim shpirtëror. Theksoi rëndësinë e solidaritetit, bashkëjetesës dhe forcimit të vlerave morale gjatë këtij muaji.
“Të dashur besimtarë,
Me perëndimin e diellit dhe me hyrjen e natës së 19 shkurtit, ne fillojmë agjërimin e muajit të bekuar të Ramazanit. Ky është momenti kur ummeti hyn në një gjendje adhurimi, përulësie dhe reflektimi.
Ramazani nuk është periudhë e zakonshme kohore. Është kohë e zgjedhur. Është muaj në të cilin zemrat bëhen më të ndjeshme, ndërgjegjjja bëhet më e mprehtë dhe lidhja me Allahun bëhet më e thellë. Ramazani vjen si thirrje për qetësi të brendshme dhe për riorganizim të jetës sonë rreth asaj që është thelbësore.
Qëllimi i agjërimit është devotshmëria. Devotshmëria është vetëdije e përhershme për Allahun, që e orienton njeriun në mendim, në fjalë dhe në veprim. Ajo është ndërgjegje morale që e mban njeriun të drejtë edhe kur është vetëm dhe të përgjegjshëm edhe kur askush nuk e sheh.
Ramazani është shkollë e disiplinës dhe e karakterit. Kur përmbahemi nga ushqimi dhe pija – gjëra të lejuara – ne edukojmë vullnetin tonë dhe e forcojmë kontrollin mbi vetveten, që të përmbahemi edhe nga gjërat e ndaluara. Kjo vetëpërmbajtje duhet të shtrihet përtej aspektit fizik. Duhet të përfshijë gjuhën, sjelljen dhe marrëdhëniet tona.
I Dërguari i Allahut ﷺ ka thënë:
“Kush nuk e lë fjalën e rreme dhe veprimin me të, Allahu nuk ka nevojë për urinë dhe etjen e tij.” (Transmeton Buhariu)
Agjërimi synon transformimin e karakterit. Nuk mjafton të heshtë stomaku; duhet të heshtë edhe e keqja në ne. Nuk mjafton të largohemi nga ushqimi; duhet të largohemi nga përçarja, shpifja dhe arroganca.
Ramazani është gjithashtu muaji i Kur’anit. Ky muaj duhet të jetë rikthim serioz te Fjala e Allahut, jo vetëm në lexim, por edhe në reflektim dhe zbatim. Kur’ani e formëson mendjen, e pastron zemrën dhe e drejton veprimin.
Përmes agjërimit, ne mësojmë mirënjohjen për begatitë që shpesh i marrim si të mirëqena, ndiejmë më afër hallet e atyre që janë në nevojë dhe forcojmë përgjegjësinë ndaj njëri-tjetrit. Bujaria, mëshira dhe ndihma ndaj atyre që kanë nevojë janë shprehje konkrete e besimit dhe e agjërimit.
Një mesazh të veçantë kam për besimtarët tanë që jetojnë dhe punojnë jashtë atdheut. Ju jeni ambasadorë të fesë dhe kombit tuaj, të kulturës suaj dhe të vlerave fisnike kudo që jetoni. Përmes sjelljes suaj, integritetit dhe respektit ndaj të tjerëve, ju përfaqësoni bukurinë e Islamit. Prandaj përhapni paqe, mirësi dhe bashkëpunim në shoqëritë ku jetoni, duke forcuar bashkëjetesën dhe respektin e ndërsjellë ndërmjet njerëzve me përkatësi të ndryshme.
Të dashur besimtarë,
Le ta fillojmë këtë Ramazan me vendosmëri për ndryshim të vërtetë. Le ta përdorim këtë muaj për pajtim me Allahun përmes pendimit të sinqertë dhe për pajtim me njëri-tjetrin përmes faljes dhe mirëkuptimit. Le ta bëjmë sinqeritetin themel të çdo veprimi dhe përgjegjësinë kriter të çdo vendimi.
Lusim Allahun e Madhëruar që ky Ramazan të jetë muaj pastrimi të zemrave, forcimi të besimit dhe ngritjeje morale për secilin prej nesh:
– Që zemrat tona të pastrohen nga çdo barrë e panevojshme.
– Që familjet tona të mbushen me qetësi dhe mirëkuptim.
– Që Bashkësia jonë të forcohet në unitet dhe përgjegjësi institucionale.
– Që vendi ynë të begatohet me paqe, drejtësi dhe stabilitet.
Andaj, në prag të fillimit të muajit të bekuar të Ramazanit, kam kënaqësinë dhe nderin që, në emër të Bashkësisë Fetare Islame të Republikës së Maqedonisë së Veriut dhe të gjitha institucioneve të saj, si dhe në emrin tim personal, t’ju uroj nga zemra besimtarëve tanë në vendlindje dhe në mërgim një Ramazan të begatë, agjërim të lehtë dhe të pranuar, si dhe një muaj që do të lërë gjurmë të thella në shpirtin, karakterin dhe jetën tonë, duke na afruar më shumë me Allahun dhe duke na bashkuar më fort në mirësi, drejtësi dhe përgjegjësi.
Për hajr na qoftë ardhja e muajit të Ramazanit.
Allahu ju bekoftë.” thuhet në urrimin e krehut të BFI-së, Shaqir Fetahu.
Niveli i Vardarit në rajonin e Tetovës, krahasuar me situatën e tre ditëve të mëparshme është zvogëluar dhe për momentin nuk ka rrezik për dalje nga shtrati, kurse drejtimi rrugor Tumçevishtë – Çegran është mbyllur për shkqe sigurie – njofton Qendra për Menaxhim me Kriza në raportin e mëngjesit.
Gjatë ntës, në fshatrat Nerasht dhe Gllogjë të Komunës së Tearcës, era e fuqishme ka rrëzuar dy shtylla të Telekomit. Është njoftuar Telekomi kurse problemi pritet të zgjidhet brenda ditës – njofton QMK.
Në rajonin e Shkupit, era e fuqishme, ka shkaktuar dëme në 6 lokacione. Bëhet fjalë për drunj të rrëzuar dhe kabllo të këputura që kanë shkaktuar dëme në disa automjete.
Në territorin e Kërçovës, sic thonë nga QMK, pritet stabilizimi I mëtejmë I situatës.
Numri I të evakuarve mbetet I pandryshuar – 250 persona apo 63 familje, të cilëve u sigurohen ushqimi, uji dhe mjetet e domosdoshme.
Mëngjesin e sotëm në vendin tonë temperaturat më të ulëta janë regjistruar në Kodrën e Diellit, ku në orën 7:00 janë matur –8 gradë Celsius dhe një shtresë dëbore prej 97 centimetrash. Pasojnë Krusheva dhe Mavrova me –4 gradë, Berova dhe Pretori me –1, ndërsa në Kriva Pallankë, Ohër, Manastir dhe Prilep janë matur 0 gradë. Temperaturat në qytetet e tjera lëvizin nga 2 gradë në Shtip dhe Vinicë, 3 gradë në Tetovë, Kumanovë dhe Strumicë, deri në 4 gradë në Shkup (Zajçev Rid), Kavadar dhe Demir Kapi, ndërsa vlerat më të larta prej 5 dhe 6 gradësh janë shënuar në Shkup, Veles dhe Gjevgjeli.
Sa u përket reshjeve në 24 orët e fundit, sasia më e madhe e shiut prej 13 litrash për metër katror është matur në Strumicë, e ndjekur nga Berova me 11 litra, Pretori dhe Gjevgjelia me 8, si dhe Demir Kapia me 7 litra. Reshje më të pakta janë regjistruar në Manastir, Tetovë, Pozharanë, Krushevë dhe Prilep, ndërsa sasitë minimale prej 1 deri në 3 litra janë matur në Shkup, Kriva Pallankë, Shtip, Vinicë, Gjurishtë, Veles, Ohër, Kavadar dhe Mavrovë. Përveç në Kodrën e Diellit, shtresë e hollë dëbore prej 1 deri në 3 centimetra është regjistruar edhe në Mavrovë, Berovë dhe Gjurishtë.
NIS MUAJI I RAMAZANIT: KREU I BFI-së BËN THIRRJE PËR UNITET E SOLIDARITET!
CHAMPIONS: FITOJNË REALI, PSZH, GALATASARAY DHE BORUSSIA
QMK: ULET NIVELI I VARDARIT NË POLLOG, ERA SHKAKTON DËME!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
