Lajme nga vendi
Në mbledhje të Qeverisë sot pritet të kalojë marrëveshja për paratë nga kredia hungareze dedikuar për kompanitë
Në mbledhje qeveritare sot pritet të kalojë marrëveshja për mjetet nga kredia hungareze dedikaur për kompanitë. Nga Qeveria presin e tërë procedura të përfundojë deri në fund të muajit. Pasi që të kalojë marrëveshja në Qeveri, do të duhet të nënshkruhet marrëveshje me bankat dhe me atë praktikisht paratë bëhen operative për sektorin e biznesin.
Kompanitë do të duhet të kenë minimum 20 për qind pjesëmarrje të vet, ndërsa shuma maksimale që mund ta marrin është 10 milionë euro. Ndërmarrjet do t’i marrin paratë me normë interesi prej 1,95 për qind, grejs periudhë prej tre viteve dhe 12 vite afat pagese.
Paratë fillimisht duhej të ishin operative deri në fund të vitit, por procesi u zvarrit, ndërsa shkaku për atë, sipas kompetentëve, është zgjerimi i përfshirjes së kompanive të cilat mund të aplikojnë për marrje të mjeteve nga kredia hungareze. Praktikisht, tani përveç për kapacitete të reja prodhuese dhe pajisje të re, mjetet nga kredia hungareze do të mund të ndahen edhe për burime ripërtëritëse të energjisë, si dhe për objekte të cilat kompanitë do t’i përdorin si ndërtesa administrative.
Kryeministri Hristian Mickoski javën e kaluar në deklaratë për mediumet u bëri thirrje kompanive të përgatisin projekte dhe të aplikojnë për të marrë kredi nga bankat komerciale.
“Analiza thotë se 250 milionë euro në vit është kërkesa e operatorëve ekonomik për të marrë kredi. Nëse i kufizoni mundësitë, atëherë kufizohen edhe operatorët ekonomik dhe mund të ndodhë nga ato 250 milionë euro të shfrytëzohen vetëm 120, 150 apo 180 milionë euro, ndërsa të tjerat të mbeten. Për ato shkaqe, dëshirojmë ta zgjerojmë tërë atë që do të ketë imput pozitiv në BPV dhe në ekonominë e vendit. Por, tani gjithçka është definuar, ka përfunduar, përmbajtja e marrëveshjes është e gatshme”, deklaroi Mickoski gjatë vizitës në komunën Petrovec.
Nga kredia hungareze, 250 milionë euro janëd edikaur për kompanitë. Marrëveshja për kredinë prej gjithsej 500 milionë euro, në emër të Qeverisë, ishte nënshkruar më 8 tetor në Budapest nga ana e ministres së Financave Gordana Dimitrievska-Koçovska me Eksport-import bankën hungareze.
Lajme nga vendi
Kasami inspekton asfaltimin e rrugës drejt Sellcës: Çdo premtim po e kthejmë në realitet
“Po punojmë me përkushtim që çdo projekt të realizohet me cilësi dhe në afat, në shërbim të qytetarëve. Çdo premtim e kthejmë në realitet. Çdo vendbanim është i rëndësishëm për ne”, ka shkruar Kasami në një postim publik.
Asfaltimi i kësaj rruge pritet të përmirësojë ndjeshëm qarkullimin dhe lidhjen e zonës me Tetovën, duke lehtësuar lëvizjen e banorëve dhe zhvillimin lokal. Komuna e Tetovës ka paralajmëruar vazhdimin e investimeve infrastrukturore edhe në vendbanime të tjera rurale./zyrtare.net/
Lajme nga vendi
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
Me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, gjykatësi i procedurës paraprake në Gjykatën Penale të Shkupit u ka caktuar masën e paraburgimit afatshkurtër prej 48 orësh dy personave të dyshuar. Pas analizës së provave të grumbulluara, autoritetet kanë ngritur dyshime se këta individë kanë ndërmarrë aktivitete konkrete lidhur me sasinë prej 5 tonë marihuanë që u sekuestrua së fundmi në Republikën e Serbisë.
Masa e paraburgimit është vendosur me qëllim që t’i mundësohet prokurorisë kohë e mjaftueshme për të ndërmarrë veprimet e domosdoshme procesuale dhe për të siguruar praninë e të dyshuarve. Prokuroria sqaron se kjo masë është e justifikuar për shkak të kompleksitetit të rastit dhe karakterit të tij ndërkombëtar, ku afatet kohore për veprim janë shpesh të kufizuara. Institucionet po vijojnë me intensitet punën për zbardhjen e plotë të lëndës dhe kanë paralajmëruar se publiku do të informohet në kohë për rrjedhën e mëtejshme të procedurës.
Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.
Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.
Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
