Lajme nga vendi
GARË PËR TË GJET PUNËTORË! Profesionet më të kërkuara në Maqedoni dhe Gjermani
Biznesi me vite ankohen se vështirë po gjen punonjës në Maqedoninë e Veriut. Ndër bizneset dhe veprimtaritë ekonomike që nuk po plotësojnë vendet vakante të punës janë edhe ndërtimtaria, bujqësia… Jo vetëm shpërngulja jashtë e punonjësve, por edhe ekonomia informale si dhe puna sezonale shkakton mungesën e fuqisë punëtore, shpjegojnë ekspertët. Njëherësh, këtë problem nuk e kanë vetëm investitorët e huaj që nuk po mundet të gjejnë punonjës për fabrikat e tyre, por edhe administrata që dikur ishte atraktive për punësim, nuk ka të interesuar për të zënë vendet e punës që kërkohen si rrjedhojë e nivelit të pakënaqshëm të të ardhurave mujore, shkruan gazeta KOHA.
Në shpalljet zyrtare për punë të Agjencisë së Punësimit kërkohen më së shumti punonjës pastrimi dhe operatorë në koll-qendrat, shitës, punëtorë të përgjithshëm dhe nëpunës administrativ. Profesionet tjera që kërkohen janë edhe vozitës kamioni, kamerier, administrator, kuzhinier, punonjës ndërtimi, banakier, rrobaqepës… Gjithashtu arkitektë, ndërtimtarë, ekonomistë… janë personeli që po pakësohet gjithnjë e më shumë në shumë njësi të vetëqeverisjes vendore. Pothuajse nuk ka kryetar komune që nuk ankohet për mungesën e fuqisë punëtore të kualifikuar dhe problemi bëhet veçanërisht shqetësues në komunat e mëdha, ku punëtorët me përvojë dhe të mirëtrajnuar nga këto fusha nuk aplikojnë për mundësi punësimi. Sipas drejtuesve të komunave, vështirësitë e vërteta do të vijnë kur të gjithë ata tek të cilët realisht mbështetet më shumë administrata komunale, do të dalin në pension.
Kryetarët e komunave theksojnë tendencën e emigrimit të të rinjve, pagat relativisht të ulëta, si dhe procedurën e gjatë dhe komplekse për punësim të përhershëm si arsye kryesore për këtë situatë.
Nga ana tjetër, nuk e zgjidh problemin fakti që në vend janë gati 100 mijë të papunë. Oferta dhe kërkesa në tregun e punës në Maqedoni janë vazhdimisht në mos përputhje apo oferta nuk përkon me kërkesë, edhe pse me dekada ka përpjekje të shumta për të shfrytëzuar potencialin e lirë njerëzor në tregun e punës përmes kualifikimeve të ndryshme shtesë, rikualifikimeve, trajnimeve, arsimimit… Madje, edhe importi i fuqisë punëtore për të zgjidhur problemin e mungesës së fuqisë punëtore, duket se është i kotë.
Rezultatet e anketës së fundit të Agjencisë së Punësimit tregojnë se profesionet për të cilat punëdhënësit përballen me vështirësi në gjetjen e kuadrit të përshtatshëm për të plotësuar pozitat vakante vendet ndryshojnë sipas rajonit dhe arsyet më të zakonshme të vështirësive janë: mungesa e kandidatëve që posedojnë njohuri praktike dhe aftësi të nevojshme për kryerja e detyrave të punës në një profesion të caktuar, mungesë interesi dhe motivimi tek kandidatët për të kryer detyrat e punës në profesionin specifik, mungesa e kandidatëve për punësim me përvojë të përshtatshme pune, mungesa e kandidatëve që do të pranonin një vend pune për pagën e ofruar, si dhe mungesa e kandidatëve me arsim të përshtatshëm.
Në ndërkohë, punonjësit nga Ballkani që jetojnë në Gjermani më së shpeshti merren me punë fizike, në radhë të parë në ndërtim, dhe një numër i madh i tyre janë të punësuar në sistemet shëndetësore, si kujdestarë, teknikë mjekësorë, fizioterapistë, farmacistë, si dhe një numër i madh i mjekëve tanë që janë larguar.
Mungesa e dikurshme e punëtorëve të kualifikuar në Gjermani është kthyer prej kohësh në një mungesë të përgjithshme të fuqisë punëtore. Ka mungesë punëtorësh në sektorë gjithnjë e më shumë profesionalë. Kjo është veçanërisht e dukshme në ndërtim dhe zejtari. Shifrat e reja në shpalljet e hapura të punës tregojnë se kompani të shumta kërkojnë punëtorë, por shpesh më kot. Gjermania tashmë e ndjen qartë këtë – së bashku me çmimet e larta të ndërtimit dhe lëndëve të para, mungesa e fuqisë punëtore ka goditur ndjeshëm industrinë e ndërtimit dhe strehimit në Gjermani. Një analizë e gjerë e të dhënave të indeksit të postimeve të punës nga media gjermane tregon se sa punëtorë të rinj nevojiten në industrinë e ndërtimit dhe artizanatit si dhe në tregti.
Duke parë llojet e punësimit në ofertën e punës, është e qartë se punëtorët e kualifikuar në ndërtim dhe tregti janë deri tani më të kërkuarit. Kërkohen edhe vozitës profesionistë, si dhe shërbyese që mund të kenë të ardhura të mira, si dhe ju sigurohet akomodimi në hotelin ku punojnë. Çmohen edhe kamerierët, kuzhinierët, stafi i prodhimit të kuzhinës dhe ushqimit, si dhe punëtorët përgjegjës për mirëmbajtjen e higjienës së objektit. Gjermania po kërkon edhe saldatorë, elektricistë, molerë, auto-mekanikë.
Kërkesa kryesore për të punuar në Gjermani është gjuha. Megjithatë, kjo është edhe pengesa më e madhe, sepse njerëzit e mësojnë atë dobët. Ky është një nga kushtet, por sigurisht kyç. “Janë të shumtë ata që u larguan si punëtorë të pakualifikuar, që erdhën pa ditur asnjë gjuhë të huaj, por ia dolën. Gjithashtu, gjithçka varet nga kualifikimet tuaja, ose më saktë nga ajo punë për të cilën dëshironi të aplikoni këtu. Në përgjithësi, niveli B1 mund të përfundojë brenda një viti, ndërsa B2 merr pak më shumë kohë”, shkruajnë mediat gjermane. Natyrisht, punëtorët e pakualifikuar kanë më pak probleme për të gjetur një vend pune, ndërsa punëtorët e kualifikuar duhet të kenë të vërtetuar diplomën, domethënë të njohin në Gjermani diplomat e shkollës së mesme ose fakultetin, certifikatat, provimet dhe titujt akademikë që kanë marrë në vendlindje. (koha.mk)
Më datë 06.04.2026, në orën 07:00, në SPB Tetovë, nga Spitali i Përgjithshëm i Gostivarit është denoncuar se tek ata është sjellë me gjendje të përkeqësuar shëndetësore R.M. (29) nga Manastiri, e cila pas pak kohësh ka ndërruar jetë. Mjeku ka konstatuar vdekjen, ndërsa me urdhër të prokurorit publik trupi i të ndjerës është dorëzuar në Mjekësinë Ligjore për obduksion.
……Më datë 06.04.2026, në orën 09:50, në SPB Tetovë, një 39-vjeçar nga Tetova ka denoncuar se është mashtruar nga Z.J. nga Gostivari për shumën prej 2.230 eurove. Sipas denoncimit, gjatë muajit shkurt të vitit 2026, përmes një ndërmjetësi, ka kontaktuar me të denoncuarin për zhdoganimin e një motoçiklete nga Zvicra. Siç është denoncuar, pasi janë takuar në Tetovë dhe ia ka dhënë paratë, Z.J. nuk e ka përmbushur marrëveshjen dhe nuk ia ka kthyer paratë, me ç’rast ka dyshuar se është mashtruar. Pas dokumentimit të plotë të rastit, do të vijojë kallëzimi përkatës.
……Më datë 06.04.2026, në orën 15:10, në SPB Tetovë, një 33-vjeçar nga Tetova ka denoncuar se është mashtruar nga S.GJ. nga Ohri, e punësuar në një firmë private për konsulencë. Sipas denoncimit, në fund të vitit 2024 ka kontaktuar me të denoncuarën për ndërmjetësim për marrjen e një vize gjermane pune, me ç’rast më 01.11.2024 në xhirollogarinë e firmës ka paguar 24.520 denarë. Siç është denoncuar, edhe pse i ishte premtuar se viza do të jetë gati brenda tre muajve, deri në ditën e denoncimit puna nuk ishte kryer. Po ndërmerren masa për zbardhjen e rastit.
……Më datë 06.04.2026, në orën 12:30, në SPB Tetovë, M.A. (36) nga Tetova ka denoncuar se në një objekt hotelerik në Tetovë është sulmuar fizikisht nga F.F. (40) nga fshati Zherovjan. Po ndërmerren masa për zbardhjen dhe dokumentimin e rastit.
……Më datë 06.04.2026, në orën 16:10, në udhëkryqin e rrugës “Marshall Tito” dhe rrugës “Jane Sandanski” në Tetovë, zyrtarët policorë nga SPB Tetovë kanë privuar nga liria S.M. (27) dhe D.R. (42), të dy nga Tetova, sepse kanë prishur rendin dhe qetësinë publike me një përleshje fizike. Ata janë shoqëruar në stacionin policor dhe pas zbardhjes së plotë të rastit do të vijojë parashtresa përkatëse.
……Më datë 06.04.2026, zyrtarët policorë nga DPB Gostivar, në bashkëveprim me inspektorët e ndërtimit nga Komuna e Gostivarit, kanë kryer inspektim në fshatin Forinë të Gostivarit, për shkak të ekzistimit të dyshimit për vepra penale “uzurpim i tokës shtetërore” dhe “ndërtim pa leje”. Gjatë kontrollit është konstatuar se në vendin e quajtur “Rudina” ka filluar ndërtimi i një objekti pa dokumentacionin përkatës në tokë në pronësi shtetërore, ndërsa investitor është SH.S. (39) nga fshati Forinë. Në vendngjarje janë gjetur kontraktuesi B.R. (40) dhe disa punëtorë, me ç’rast dy shtetas të Republikës së Shqipërisë, E.O. (33) dhe D.O. (49), janë ndaluar për shkak të keqpërdorimit të qëndrimit turistik në shtet dhe janë mbajtur në Stacionin Policor të Gostivarit për procedurë të mëtejshme. Përkohësisht janë konfiskuar edhe makineritë ndërtimore të gjetura në terren.
……Më datë 06.04.2026, në orën 11:30, në Stacionin Policor të Gruçinit, A.J. (48) nga fshati Pallaticë e Tetovës, ka denoncuar se në afërsi të shkollës fillore në fshat, djali i tij i mitur është sulmuar fizikisht nga disa të mitur, me ç’rast ka pësuar lëndime të konstatuara në Spitalin Klinik të Tetovës. Po ndërmerren masa për zbardhjen e rastit.
…… Më datë 06.04.2026, në orën 20:00, në fshatin Pirok të Tetovës, zyrtarët policorë nga Stacioni Policor i Kamjanit kanë privuar nga liria personat J.K. (33), J.A. (36) dhe J.N. (20), të gjithë nga fshati Rakovec i Tetovës, duke vepruar sipas denoncimit paraprak nga M.R. (53) nga fshati Rakovec, se në orën 17:45, derisa po lëvizte me bashkëshorten e tij me automjetin e tij drejt Tetovës, i kanë bllokuar rrugën, pas së cilës me mjet të fortë dhe metalik i kanë dëmtuar automjetin. Pas dokumentimit të plotë të rastit do të vijojë kallëzimi përkatës.
……Më datë 06.04.2026, në orën 21:50, zyrtarët policorë nga DPB Gostivar kanë privuar nga liria F.I. (36) nga fshati Vrutok i Gostivarit. Ai dyshohet se ka kryer vepër penale “vjedhje e rëndë” në një xhami në fshatin Mirditë. Personi është ndaluar në stacionin policor dhe pas dokumentimit të plotë të rastit, ndaj tij do të vijojë kallëzimi përkatës.
……Më datë 07.04.2026, në orën 01:30, në rrugën rajonale Tetovë-Jazhincë, në fshatin Tearcë, zyrtarët policorë nga Stacioni Policor i Tearcës kanë privuar nga liria A.M. (20) nga fshati Nerasht i Tetovës. Gjatë kontrollit në trafik, zyrtarët policorë kanë ndaluar një automjet pasagjerësh “Opel Corsa” me targa të Tetovës, të cilin ai po e drejtonte, ku është konstatuar se mjetin po e drejtonte me leje qarkullimi të skaduar. Automjeti është konfiskuar dhe pas dokumentimit të plotë të rastit ndaj tij do të vijojë kallëzimi përkatës.
Lajme nga vendi
Mexhiti: Rikonstruktohet plotësisht rruga “Josif Mihajlloviq” me infrastrukturë të re nëntokësore
Kryetari i Komunës së Çairit, Izet Mexhiti, njofton për përfundimin e rikonstruksionit të plotë të rrugës “Josif Mihajlloviq” në lagjen Dyqanxhik.
Projekti përfshiu rregullimin e kanalizimit fekal dhe atmosferik, si dhe rehabilitimin e rrjetit të ujësjellësit, duke krijuar bazë të qëndrueshme infrastrukturore për zonën. Në fazën përfundimtare u realizua asfaltimi i plotë i rrugës.
“Nisëm nga baza, duke rregulluar infrastrukturën nëntokësore dhe duke krijuar kushte moderne për banorët. Kjo është qasja jonë – punë që preket, investime që ndihen dhe rezultate që shihen në çdo lagje të Çairit”, u shpreh Mexhiti.
Investimi përfshin një sipërfaqe prej rreth 500 m², duke mundësuar qarkullim më të sigurt dhe më funksional për banorët.
Lajme nga vendi
Bashkëpunim strategjik energjetik: Bozhinovska në takim në Shtëpinë e bardhë me këshilltar të Trump dhe zyrtar të lartë nga Këshilli kombëtar për dominim energjetik të SHBA-së
Në kuadër të vizitës zyrtare në Shtetet e Bashkuara të Amerikës, ministrja e energjisë, minierave dhe burimeve minerale, Sanja Bozhinovska, zhvilloi një takim në shtëpinë e bardhë me Jarrod Agen, zëvendëskëshilltar i presidentit Donald Trump dhe drejtor ekzekutiv i Këshillit kombëtar për dominim energjetik të SHBA-së.
Takimi u zhvillua në një dialog të hapur dhe thelbësor, me fokus të përcaktuar qartë në prioritetet strategjike dhe drejtimet konkrete për avancimin e bashkëpunimit, i cili u vlerësua nga të dyja palët si veçanërisht produktiv dhe i dobishëm.
Jarrod Agen është një zyrtar i lartë me një rol të rëndësishëm në krijimin dhe koordinimin e politikave energjetike të SHBA-së, me njohuri të drejtpërdrejta në prioritetet strategjike të sektorit dhe proceset e zhvillimit. Përvoja dhe njohuritë e tij për flukset globale të energjisë përbëjnë një bazë të rëndësishme për zhvillimin e partneriteteve dhe projekteve të ardhshme.
Në takim u shkëmbyen qëndrime për avancimin e bashkëpunimit dypalësh në sektorin energjetik, me theks në:
- sigurinë energjetike dhe stabilitetin e furnizimit;
- diversifikimin e burimeve të energjisë;
- zhvillimi i projekteve strategjike të infrastrukturës me interes të përbashkët.
Ministrja Bozhinovska theksoi gatishmërinë e Maqedonisë së Veriut për të thelluar bashkëpunimin dhe për të zbatuar iniciativa konkrete, duke theksuar se partneriteti me SHBA-në është një faktor i rëndësishëm për stabilitetin dhe zhvillimin afatgjatë të sektorit të energjisë.
Drejtori ekzekutiv i Këshillit kombëtar për dominim energjetik të SHBA-së, Agen, nga ana e tij theksoi se ndërmjet dy vendeve ekzistojnë aq shumë mundësi bashkëpunimi sa që mund të ndryshojnë peizazhin energjetik në rajon për dekada.
Bashkëbiseduesit ranë dakord se ekziston një potencial i qartë për intensifikimin e bashkëpunimit, me fokus në projekte që do të sjellin rezultate konkrete dhe do të kontribuojnë në zhvillimin ekonomik dhe sigurinë energjetike të të dy vendeve.
Ky takim është pjesë e një sërë takimesh bilaterale të ministres Bozhinovska, e cila si pjesë e delegacionit të lartë qeveritar në sesionin e dytë të dialogut strategjik midis dy vendeve, ku diskutuan për avancimin e bashkëpunimit me Shtetet e SHBA-në në disa fusha kyçe: energji, ekonomi, siguri dhe teknologji.
SPB ; Kronika e zezë për ditën e djeshme 06 Prill Tetovë dhe Gostivar
Mexhiti: Rikonstruktohet plotësisht rruga “Josif Mihajlloviq” me infrastrukturë të re nëntokësore
Bashkëpunim strategjik energjetik: Bozhinovska në takim në Shtëpinë e bardhë me këshilltar të Trump dhe zyrtar të lartë nga Këshilli kombëtar për dominim energjetik të SHBA-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”