Lajme nga vendi
Në seancë kuvendore do të votohet për anëtarët e rinj të Këshillit të ASHMAA
Kuvendi sot do ta mbajë seancën e 34-të, në rend dite të së cilës janë gjithsej 25 pika, ndër të cilat edhe Propozim-vendimi për emërimin e anëtarëve të Këshillit të Agjencisë për Shërbime Mediatike Audio dhe Audiovizuale.
Propozim-vendimi për emërimin e anëtarëve të Këshillit të ASHMAA-së është pika e katërt e rendit të ditës. Për miratimin e tij nevojitet një shumicë prej dy të tretash dhe shumica e Badenterit.
Komisioni kuvendor për çështje të zgjedhjeve dhe emërimeve në seancën e fundit të ditës nga janari konfirmoi listën e kandidatëve në të cilën janë Viktor Pavlovski inxhinier i diplomuar për informatikë prodhimi nga Shkupi, Sasho Stefanovski i diplomuar për art filmik dhe kameraman televiziv nga Shkupi, Petar Xhurovski montazher i diplomuar filmik dhe TV nga Shkupi, Cvetanka Minovska gazetare e diplomuar nga Shkupi, Afrona Vërzilova ekonomiste e diplomuar nga Shkupi, Nafije Selmani profesoreshë e diplomuar për gjuhë dhe letërsi shqipe nga Shkupi dhe Gordana Majnova ekonomiste e diplomuar dhe magjistre për komunikologji.
Kryeministri Hristijan Mickoski dje tha se zgjedhja e kandidatëve për anëtarë të Agjencisë për Shërbime Mediatike Audio dhe Audiovizuale (ASHMAA) është zbatuar sipas dispozitave ligjore dhe secili që i plotëson, mund ta kryejë atë funksion.
“Zgjedhja e anëtarëve të ASHMAA-së, si dhe zgjedhja e kryerësve të funksioneve të larta shtetërore dhe publike bëhet në bazë të dispozitave ligjore dhe secili që i plotëson, ndërsa është propozuar ta kryejë atë funksion, do ta kryejë. Në bazë të ndjenjave dhe deklaratave të cilat na çojnë në drejtim të përmirësimit të atij procesi, unë nuk do të bëj asnjë koment. Por, kushdo që plotëson kushtet ligjore dhe ato kushtetuese, kuptohet, në këtë vend mund të zgjidhet në çdo pozicion për të cilin propozohet. Ai që nuk i plotëson nuk do të propozohet”, tha Mickoski në pyetjen e gazetarëve në lidhje me reagimet nga ambasadat e huaja për profesionalitetin e kandidatëve për anëtarë të Këshillit të ASHMAA-së dhe politizimin e tij.
Shoqata e Gazetarëve të Maqedonisë (SHGM) shprehu brengë për shkak të zgjedhjes së kandidatëve për anëtarë të Këshillit të Agjencisë për Shërbime Mediatike Audio dhe Audiovizuale (ASHMAA). Sipas tyre, një pjesë e kandidatëve të zgjedhur nuk i plotësojnë kushtet formale dhe kanë prapavi partiake, gjë që vë në pikëpyetje profesionalizmin dhe pavarësinë e tyre. Apeluan që Kuvendi të zgjedhë anëtarë të pavarur dhe kompetent për të garantuar efikasitetin dhe paanshmërinë e organit rregullator.
Para deputetëve në seancën e sotme si pikë e 14-të janë edhe Propozim-ndryshimet e Ligjit për deputetët, me procedurë të shkurtuar. Ky propozim-ligj është dorëzuar nga grupi i deputetëve E Majta, me të cilin parashikohet ulje e shumës që Kuvendi ua paguan parlamentarëve për shpenzime rrugore. Sipas Të Majtës, në periudhën nga viti 2010 deri në 2024, për shpenzime rrugore për deputetët e VMRO-DPMNE-së janë shpenzuar 3.700.000 euro, të LSDM-së 2.000.000 euro dhe të BDI-së 680.000 euro.
“Në këto shuma nuk janë përfshirë shpenzimet për qiratë e deputetëve, shumica e të cilëve kanë banesa në Shkup, ndërsa paguajnë qira nga shteti. Sot 12 shkurt – e mërkurë 120 deputetë kanë mundësi të heqin dorë nga arroganca e tyre dhe të votojnë për ligjin e Të Majtës, i cili propozon kufizimin e shpenzimeve rrugore (të mos shfuqizohen, që të mos “ofendohen” deputetët tjerë), theksoi deputetja dhe sekretare e përgjithshme e Të Majtës, Jovana Mojsoska.
Deputetët do të debatojnë edhe për Propozim-vendimin për publikimin e shpalljes publike për emërimin e kryetarit dhe anëtarëve të Komisionit Shtetëror për Ankesa për prokurimet publike, Propozim-vendimi për shkarkimin e drejtorit të Agjencisë për Cilësi në Arsimin e Lartë, Propozimi për shkarkimin e drejtorit dhe zëvendës drejtorit të Agjencisë për Administratë dhe Propozim-vendimi për publikimin e shpalljes publike për zgjedhjen e anëtarit të Komisionit për Parandalimin dhe Mbrojtjen nga Diskriminimi.
Në rend dite të kësaj seance janë edhe disa vendime ligjore nga fusha e financave, si dhe Propozim-vendimet e Ligjit për parandalim dhe mbrojtje nga dhuna ndaj grave dhe dhuna në familje dhe të Ligjit për Mundësi të Barabarta të grave dhe burrave.
Në pikën kufitare “Bogorodicë”, zyrtarët doganorë kanë parandaluar një tentativë për kontrabandim të bizhuterive prej ari me vlerë prej 581.900 denarë (rreth 9.460 euro), përcjell TV21. Sipas Drejtorisë së Doganave, personi që tentoi kontrabandimin kishte për qëllim të shmangë pagesën e taksave në shumën prej 207.738 denarë. Bizhuteritë e arit u sekuestruan.
“Në Bogorodicë, zyrtarët doganorë parandaluan një tentativë për kontrabandim të bizhuterive prej ari me vlerë prej 581.900 denarë, për të cilat kryerësi kishte tentuar të shmangë pagesën e taksave në shumën prej 207.738 denarë. Bizhuteritë e arit u sekuestruan, ndërsa ndaj kryerësit nga Drejtoria për Hetime është ngritur padi penale për kryerjen e veprës penale “kontrabandim”, e dënueshme sipas Kodit Penal”, thonë nga Drejtoria e Doganave.
Një borxh i para vitit 2013 ka bërë që të punësuarit e ndërmarrjes komunale të Gostivarit të mos kenë sigurim shëndetësor. Edhe pse pas vitit 2013, 109 të punësuarve të kësaj ndërmarrje rregullisht u është paguar sigurimi shëndetësor dhe pensional ata nuk kanë mundur ta shfrytëzojnë të njëjtën shkaku të borxhit. Drejtori i Fondit Shëndetësor, Sasho Klekovski sot nga Gostivar tha se më së voni janë tjetër kjo çështje do të rregullohet këta të punësuar do të kenë sigurim shëndetësor.
“ Ndërmarrja komunale ka borxh para vitit 2013, borxh edhe para vitit 2009 ku edhe ky borxh ka mbetur i pa zgjidhur, shkak këto që 109 të punësuarit në këtë ndërmarrje janë pa sigurim shëndetësor. Tani paguhet sigurimi, kjo është një ndër paradokset pasi që nga viti 2013 rregullisht paguhet. Rreth 40 milion denarë ndërmarrja publike ka paguar sigurim shëndetësor dhe njëkohësisht nuk kanë sigurim shëndetësor pasi që askush nuk është angazhuar që t’i zgjidhë gjithë këta procedura administrative burokratike dhe labirinthe.”
Ministri i Shëndetësisë Azir Aliu tha se kjo është një padrejtësi që u është bërë punëtorëve të ndërrmarjes komunale për vite me rradhë, ku përveç tyre dhe familjet e 109 të punësuarve kanë qenë pa sigurim shëndetësorë. Aliu premtoi se zgjidhja do të jetë e shpjetë dhe efikase.
“ Po ta shihni nga këndvështrimi të punësuarve definiivisht është bërë pa drejtësi pasi që ata punojnë janë paguar dhe nuk ka pasur sigurim shëndetësor , po ta shihni në aspektin administrativ dhe institucional fondi s’ka çka bën se ato kanë borxhe aty dhe nuk mund të aktivizohet , pakti shëndetësor për të punësuarit pasi që ligji thotë kështu dhe nuk mund ta anashkaloni ligjin, idja është që është dashur të ulen më herët me institucionet shëndetësore me institucionet në Gostivar dhe të zgjidhet ky problem.”
Rasti i të punësuarve në ndërmarrjen komunale të Gostivarit nxjerr në pah pasojat serioze që mund të shkaktojnë zvarritjet administrative dhe moszgjidhja e borxheve të vjetra institucionale. Edhe pse kontributet janë paguar me vite, mungesa e koordinimit dhe procedurat burokratike kanë lënë dhjetëra familje pa një të drejtë themelore si sigurimi shëndetësor. Premtimet e autoriteteve për zgjidhje të shpejtë japin shpresë se kjo padrejtësi do të marrë fund, ndërsa mbetet që institucionet përkatëse të veprojnë me efikasitet për të rikthyer besimin e qytetarëve dhe për të parandaluar raste të ngjashme në të ardhmen.
Sidoqoftë, u thashë se provimi i jurisprudencës do të jetë në gjuhën shqipe!
Dogana e Maqedonisë sekuestron ar në vlerë të 9,460 €
GOSTIVAR – 109 FAMILJE PA SIGURIM SHËNDETËSORË SHKAKU I NJË BORXHI DEKADËSH
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”