Lajme nga vendi
“Marzha”, Oda e Tregtarëve kërkon takim urgjent me Qeverinë
Oda Tregtarëve me shumicë dhe pakicë ka kërkuar takim urgjent me Qeverinë pas paralajmërimit për vendosje të marzhës për 10% për rreth 100 grupe të produkteve ushqimore dhe jo ushqimore. Oda vlerëson se me këtë vendim, do të vihet në pikëpyetje mbijetesa e kompanive dhe do të detyrohen të largojnë punëtorë, të ristrukturojnë punën e madje mund të çojë deri te mbyllja e marketeve. Oda e Tregtarëve i bëri thirrje Qeverisë që të gjejë fajtorin e vërtetë, që sipas tyre janë distributorët dhe prodhuesit dhe masat të jenë ndaj tyre dhe jo ndaj marketeve.
“Dëmet do të jenë të mëdha, sepse vihet në pikëpyetje mbijetesa e 86 kompanive tregtare, me 790 shitore dhe 4700 të punësuar. Mbijetesa jonë, është ngarkuar edhe me të dhëna të tjera si për shembull çmimi i energjisë elektrike nga janari 2024 deri në janar 2025 është rritur për 72%, për distribuim për 25%. Pagat në vitin 2024 në krahasim me vitin 2023 janë rritur për 20% e nga marsi do të ketë rritje tjetër, e harxhimet për paga lëvizin nga 12 deri 15%. Me 10% bruto marzhë nuk mund të mbulojmë harxhimet operative të cilat lëvizin rreth 15-20%”, thonë nga Oda e Tregtarëve.
Marzhën nuk e mbështet as LSDM. Kryetari i kësaj partie Venko Filipçe, vlerëson se masa është e vonuar dhe nuk do të ketë asnjë efekt.
“Ne bëmë një analizë dhe e pamë se një pjesë e marketeve tanimë i kanë rritur çmimet për afro 10% dhe më pas e mirëpritën atë masë. Kështu ishte edhe në valën e parë kur u paralajmëruan masat ndaj marketeve, ata u përgatitën dhe pastaj nuk kishte asnjë efekt. Konsiderojmë se nuk do të ketë asnjë efekt që do ta ndjejnë qytetarët”, deklaroi Venko Filipçe – Kryetar i LSDM-së.
Nga LSDM prezantuan një pako masash ekonomike e shumica prej tyre kanë të bëjnë pikërisht me marketet. Nga LSDM propozojnë që TVSH-ja për energjinë elektrike të ulet nga 18 në 5%. Të ulet TVSH-ja edhe për produktet ushqimore, si dhe ngrirje të marzhave. Ngrirje të çmimeve të disa produkteve në afat prej tre muajve. Fiksim i marzhave për ushqimet bazë. Zbatim të ligjit për tregtinë jokorrekte. Ulje e çmimit të kartonit të gjelbër për vetura, si dhe rritje e pagave në sektorin privat por duke mos rritur edhe kontributet. /Alsat.mk
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
