Lajme nga vendi
Sulejmani: Bazilika e Ladorishtit, një pasuri e harruar që ka nevojë urgjente për restaurim
Deputeti i Koalicionit VLEN, Salim Sulejmani, së bashku me Kryetarin e Bashkësisë Lokale, z. Xhevdet Dauti, Kryetarin e Rinisë së fshatit Ladorisht, Altin Lena, dhe aktivistin Shkelzen Hajrullai gjatë ditës së sotme kanë vizituar Bazilikën e fshatit Ladorisht, e cila daton nga shekulli VI, dhe është një prej monumenteve më të rëndësishme kulturore dhe historike të rajonit të Strugës dhe më gjerë. Deputeti Ibrahimi ka shkruar se gjatë vizitës së këtij monumenti kanë pasur mundësinë të vizitojmë nga afër këtë monument dhe të shohim gjendjen e mjerueshme në të cilën ndodhet.
Ky monument i jashtëzakonshëm, siç ka shkruar Ibrahimi, është një dëshmi e pasur e trashëgimisë iliro-arbërore, i cili reflekton zhvillimin e artit dhe arkitekturës në periudhën e hershme të Gadishullit Ballkanik.
Ai ka shkruar se Bazilika është një thesare që ruan vlera të paharrueshme, si në aspektin historik, ashtu edhe në atë arkeologjik.
“Për fat të keq, kjo pasuri ka rënë në harresë dhe është lënë në mëshirën e fatit, ndërsa Komuna e Strugës ka dështuar plotësisht në mbrojtjen dhe ruajtjen e saj. Komuna jo vetëm që nuk ka treguar asnjë interes për këtë monument të rëndësishëm, por asnjë veprim për restaurimin dhe konservimin e tij nuk është bërë që nga shpallja e tij si pasuri kulturore. Po ashtu, Muzeu Arkeologjik dhe Ministria e Kulturës janë inaktive, duke lënë një pasuri të tillë në një gjendje katastrofike. Si deputet i zonës, urgjentisht do të kërkoj që të ndërhyhet dhe të bëhet e mundur rinovimi dhe restaurimi i këtij monumenti të jashtëzakonshëm, i cili është një pasuri e pazëvendësueshme për historinë dhe kulturën Ilire dhe Arbërore të Strugës”, ka shkruar Sulejmani.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13