Lajme nga vendi
Sulejmani: U premtua shkollë e re në Kalishtë, për 20 vjet qëndroi vetëm bazamenti i betonit
Deputeti nga radhët e Koalicionit VLEN, Salim Sulejmani, gjatë fjalës së tij në Kuvend, ka kërkuar përgjegjësi për mos ndërtimin e shkollës në fshatin Kalishtë të Strugës. Ai tha se që nga viti 2003 është planifikuar ndërtimi i asaj shkolle dhe është hapur tender ku kanë filluar edhe punimet për të mos përfunduar asnjëherë.
“Gjatë një ankesa të qytetarëve në vitin 2005 Inspektorët nuk kishin asnjë informatë se çfarë ka ndodhur me planifikimin në fjalë. Çka u bë me mjetet e planifikuara dhe pse i njëjti projekt nuk u realizua. Përgjigja e tyre ishte se kryetari i Komunës është i informuar dhe përgjigja ndaj qytetarëve ishte se për më tepër informata të drejtohen te kryetari i Komunës. Nga ana e Komunës, asnjëherë nuk është dhënë informatë për ndërprerjen e punimeve. Pra, në atë lokacion ka qenë i planifikuar ndërtimi i shkollës fillore që asnjëherë nuk është realizuar, por që bazamenti figuron sot e kësaj dite. Lëre më që shkolla nuk u ndërtua, por shtyllat betonike mbi 20 vjet janë pengesë që fëmijët të lozin në oborrin e shkollës, dhe si pasoj e asaj pengese nuk mund të ndërtohet as terren sportive për nevojat e shkollës dhe fëmijëve”, tha Sulejmani.
Në emër të banorëve të fshatit Kalishtë, Sulejmani ka informuar se renovimi i shkollës së vjetër është bërë me mjete vetanake dhe se arsyetimi se mjetet për ndërtimin e shkollës së re janë përdorur për renovimin e shkollës së vjetër nuk mbanë.
“Dyshimi i qytetarëve është se në dokumentacionin oficial qëndron shkollë e re me tre kate. Gjë që nuk është e vërtet. Këtu janë edhe fotografitë si duket sot e 20 vjet më parë kjo shkollë që na qenka tre katëshe. Nëse vërtet qëndron ashtu në arkiva. Kërkoj informatë të detajuara me rastin në fjalë. Dyshimet tona janë që janë bërë keqpërdorime dhe shpresoj të marrim informatat e duhura, gjë që në të kaluarën ka qenë e pa mundur”, tha Sulejmani.
Në fund deputeti Salim Sulejmani tha se nëse MASH ka hequr dorë përfundimisht për ndërtimin e shkollës së re, atëherë lusim autoritet që të heqin bazamentin e betonit, që të sigurohet një fushë sportive që nxënësit të ushtrojnë aktivitete lirshëm, rehatshëm dhe sigurt në atë lokacion.
“Është gjynah, mëkat i një manipulimi, një gënjeshtre dhe një shprese të rrejshme të asaj kohe që ndokush do u bëjë shkollë të re dhe shtyllat e betonit të rrinë aty për 20 vjet, derisa fëmijët të mos mund të lëvizin lirshëm”, deklaroi në fund Sulejmani.
https://www.facebook.com/salim.sulejmani.98/videos/1156244559783800/
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve