Lajme nga vendi
Kasami:Emërtimi I rrugëve realizohet sipas ligjeve
Emërtimi i rrugëve në Tetovë vazhdon të kundërshtohet nga partitë maqedonase në Tetovë.Lidhja Socialdemokrate e Maqedonisë (LSDM) ka njoftuar se tërhiqet nga të gjitha grupet dhe strukturat komunale të cilët janë të angazhuar në procedrurat për emërtimin e rrugëve.LSDM-ja, parti e cila në këshillin e komunës së Tetovës përfaqësohet nga dy këshilltarë, akuzoi Kasamin se nuk i ka dëgjuar thirrjet e opinionit se emërtimi i rrugëve nuk është prioritet. Në këtë vijë ishte e reagimi edhe i VMRO-DPMNE-së, e cila tha se këshilltarët e kësaj partie nuk do të votojnë ndryshimin e emrave të heronjëve maqedonas në të gjitha etapat e shtetit.Madje nga kjo parti rikujtuan edhe deklaratën e kryeministrit Mickoski, se nuk do të shqyrtojë një vendim i cili nuk ka konsensus.Këto komente, dy partitë maqedonase i kanë bërë këtyre gjatë përplasjeve politike mes tyre.Në ndërkohë, kryetari i komunës së Tetovës tha se procedura për emërtimin e rrugëve është një nga proceset më të rëndësishme në komunën e Tetovës dhe se respektohen të gjitha ligjet. Sipas tij, ende shumë rrugë në Tetovë nuk kanë as numra as emra dhe prandaj ky proces duhet që të përkrahet nga të gjithë qytetarët.
“Po të kisha paragjykuar se disa rrugë do të emërtohen, disa nuk do të emërtohen, por do të ngelin emrat e vjetër i vjen se unë përfshihem në proces dhe unë si kryetar komune menaxhoj me këtë proces, por organ vendimarrës është këshilli i komunës.Këshilli komunal ka krijuar komision, komisioni ka bërë shpalljen dhe i gjithë procesi shkon sipas ligjit.Në asnjë moment nuk paragjykoj se cili do të jetë rezultati i këtij procesi, se ajo që është kërkesa e imja por edhe e të gjithë qytetarëve të Tetovës që në fund të këtij procesi, çdo rrugë të ketë emër dhe çdo shtëpi të ketë numër”, deklaroi Kasami.
Sipas tij, pasi që komisioni të sjell mbyllë punën e tij, ai do të duhet që të del me një raport para këshillit të komunës.
“Unë mendoj se është forma më demokratike e emërtimit të rrugëve konform ligjit. Nëse këshilli komunal është nga të gjitha partitë politike dhe etniek dhe do të sjell vendim që një rrugë të ketë një emër,atë vendim do ta respektoj, prandaj unë mendoj se është proces demokratik” deklaroi Kasami.
Ndryshe, prej se është krijuar komisioni për emërtime të rrugëve në kuadër të komunës së Tetovës, në vazhdimësi, partitë politike maqedonase, organizata të LNÇ-së dhe shoqata tjera kanë dalur hapur kundër ndryshimit të emrave.Ndonëse janë pakicë në komunën e Tetovës, maqedonasit janë më të zëshëm për sa i përket temave etnike.Kësaj rradhe kanë dalur hapur kundër emrave të rrugëve.Në grupin e punës në kuadër të komunës së Tetovës, përfaqësuesit e partive politike shqiptare kanë një unitet mes tyre.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
