Sport
Në ankand fanella e Peles! Në shitje bluza që hapi debat nëse “Mbreti i Futbollit” e veshi në golin e 1000-të
Një nga fanellat më të debatueshme të veshura nga Pele do të dalë në shitje. Për vite me radhë është konsideruar si veshje pa një elemt të veçantë, por pas rillogaritjes së shifrave u konfirmua se bluza u përdor kur legjenda braziliane shënoi golin e një mijtë. Zotëruesi i saj e mori kur ishte vetëm 10 vjeç dhe e ka ruajtur të paprekur nga ajo kohë
Në ankand fanella e Peles! Në shitje bluza që hapi debat
Më 10 prill, në Wembley do të zhvillohet një nga ankandet më të veçanta të futbollit botëror. Pjesa qendrore e këtij eventi të organizuar nga Hanson World Football do të jetë një fanellë e bardhë me numrin 10, e cila dikur i përkiste vetë legjendës braziliane Pelé. Por kjo nuk është thjesht një bluzë – është ajo që ai mbante veshur në ndeshjen ku, sipas përllogaritjeve të përditësuara, ai shënoi golin e tij të 1000-të.
Vlerësimet parashikojnë çmimi mund të arrijë deri në 500 mijë paund, duke e tejkaluar ndjeshëm fanellat që Pelé kishte veshur në finalet e Kupës së Botës të viteve 1958 dhe 1970, të cilat janë shitur përkatësisht për 70 mijë dhe 157 mijë paund në fillim të viteve 2000.
Megjithatë, ende është larg rekordit absolut: fanella e Maradonës nga ndeshja me golin tashmë të quajtur “Dora e Zotit” është shitur për më shumë se 7 milionë paund, ndërsa gjashtë fanellat e Lionel Messit nga Kupa e Botës 2022 arritën vlerën e mbi 6 milionë paundëve.
Fanella e Pelé-s ka një histori të çuditshme dhe sa të bukur aq edhe të turbullt, njësoj si statistikat e karrierës së tij. Më 14 nëntor 1969, në një ndeshje, Pelé shënoi një penallti në minutën e 17-të – duke u konsideruar goli i 1000-ti.
Qyteti e nderoi me çelësin simbolik, ndërsa këshilltari lokal Derivaldo Mendonça siguroi një marrëveshje të veçantë: në fund të ndeshjes, Pelé i dhuroi fanellën e tij.
Javë më vonë gazetarët analizuan golat duke dalë në konkluzionin se në atë ndeshje Pele kishte shënuar 999 hetë në rrjetë ndërsa goli i 1 mijë ishte pak ditë më vonë.
Pikërisht kjo fanelë sot është në pronësi të Steve Santos Barloë, një mik i familjes Mendonça që ishte vetëm 10 vjeç kur ndoqi atë ndeshje. Ai e ka ruajtur të palarë, me baltë dhe djersë – si një thesar të shenjtë të historisë së futbollit.
Ndërsa diskutimet për saktësinë e statistikave të Pelé-s vijojnë – disa thonë se gjysma e golave të tij janë shënuar në miqësore – Libri i Rekordeve Guinness ende e njeh totalin e tij prej 1,279 golash në 1,363 ndeshje.
Një episod i shëmtuar ndodhi më 12 gusht në Shën Petersburg, gjatë ndeshjes së fazës së grupeve të Kupës së Rusisë mes Zenitit dhe Rubinit të Kazanit. Sulmuesi shqiptar i Rubinit, Mirlind Daku, u bë objekt i thirrjeve fyese nga tifozët vendas, duke shkaktuar reagime të forta në opinionin sportiv.
Kreu i Komitetit të Kontrollit dhe Disiplinës të Federatës Ruse të Futbollit (RFU), Artur Grigoryants, konfirmoi për agjencinë “RIA Novosti” se rasti do të shqyrtohet zyrtarisht:
“Do të analizojmë episodin me brohoritjet ofenduese të tifozëve të Zenitit, të drejtuara ndaj futbollistit të Rubinit, Mirlind Daku”, tha Grigoryants.
Ndeshja përfundoi me fitoren 3-0 të Zenitit, ndërsa Daku arriti të shënonte një gol që më pas u anulua pas ndërhyrjes së VAR-it. Kujtojmë se gjatë verës Zeniti kishte shfaqur interes për transferimin e 27-vjeçarit shqiptar, por marrëveshja nuk u finalizua dhe Rubin vendosi t’i rinovojë kontratën.
Mbledhja e Komitetit Disiplinor do të zhvillohet më 20 gusht, ku pritet të merret një vendim për sjelljen e tifozëve të Zenitit.
Federata e Futbollit të Maqedonisë (FFM) ka marrë një vendim të rëndësishëm duke hequr kotizimin për pjesëmarrje në Ligën e Dytë të Futbollit të Maqedonisë.
Për herë të parë në pothuajse 15 vjet, klubet e ligës së dytë nuk janë të detyruara të paguajnë një tarifë regjistrimi për pjesëmarrje në kampionat. Ky vendim, i marrë me iniciativën e Presidentit të FFM-së, Masar Omeragić, përfaqëson një hap të rëndësishëm përpara drejt krijimit të kushteve më të mira të punës për klubet, lehtësimit financiar dhe promovimit të garës.
Shuma totale financiare nga e cila klubet përjashtohen me këtë masë është 128,000 euro për një sezon garues, që përfaqëson mbështetje të drejtpërdrejtë dhe forcim të stabilitetit të tyre.
Për më tepër, duke marrë parasysh që FK Besa 1976 nuk do të garojë më në sezonin 2025/26, FFM ka vendosur ta mbushë pozicionin vakant me FK Prespa. Në këtë mënyrë, garantohet mbrojtja e integritetit, vazhdimësisë dhe ekuilibrit konkurrues, si dhe respektimi i vazhdueshëm i parimeve të lojës së drejtë në Ligën e Dytë të Futbollit.
Me ndeshjen AP Brera – Pelisteri që u zhvillua mbrëmë kompletohet java e dytë e kampionatit në ligën e parë. Ekipet mysafire me pikë maksimale në të gjitha ndeshjet
Me ndeshjes e djeshme mes AP Brera – Pelisteri që përfundoi me rezultatin 1-2 për mysafirët u kompletua java e dytë e sezonit të ri në Ligën e pare të futbollit vendor. Kjo javë u karakterizua me atë që në pesë ndeshjet e zhvilluara fitues dolën ekipet mysafire , ndërsa edhe ndeshja mes Shkupi – Sileksi që nuk u luajë zyrtarisht është regjistruar 0-3 për ekipin nga Kratova që do të thotë se java e dytë doli 0-6 në favor të ekipeve mysafire ku u regjistruan 15 gola
Në ndeshjen e fundit të javës së dytë që u zhvillua në Strumicë ekipi i Pelisteri pas plot 7 sezoneve shënoi fitoren e pare në cilësinë e mysafirit. Autor të golave në këtë ndeshje ishin Antovski për AP Brera, ndërsa Ivanovski nga penaltia dhe Boshkovski për ekipin e Pelisterit.
Sa i përket golashënuesve në dy ndeshjet e para nga 2 gola kanë regjistruar Kompaore i Struga Trim Lum, Besart Ibraimi i Shkëndijës , Dimitar Danev e Mato Rogers Kassim të Vardarit dhe Fereira Miguel Angel i Sileksit,
Pas dy xhirove të zhvilluara në kampionatin e ri 2025/2026 , tabelën e kryesojnë Shkëndija, Vardari dhe Struga Trim Lum me nga 6 pikë, para Bashkimit që ka 4 pikë, ndërsa ekipi i Makedonij a Gj.P, AP Brera dhe Shkupi nuk kanë të fituar asnjë pikë
Rezultatet komplet të javës së dytë
Arsimi – Struga Trim Lum 1-2
Tikveshi – Vardari 1-2
Rabotniçki – Bashkimi 0-2
Makedonija Gj.P – Shkëndija 1-3
AP Brera – Pelisteri 1-2
Shkup – Sileksi 0-3 zyrtarisht
Kosovë/ Pas Haxhiut, as Donika Gërvalla nuk i merr votat për kryetare të Kuvendit
Vajza 14 vjeçe nga Maqedonia, përdhunohet në Pejë,arrestohet 36 vjecari nga Kosova
Parandalohet tentativë për të kontrabanduar mbi 4.577 ilaçe të pasigurta në VK “Bogorodicë”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve