Sport
KUPA E RMV-së: NESËR ZHVILLOHEN NDESHJET E PARA GJYSMFINALE
Të mërkurën në program ndeshjet e para gjysmëfinale të kupës republikane ku kësaj radhe fal shortit të hedhur pa disa ditëve do të përballen Shkëndija-Struga Trim Lum dhe Vardari – AP Brera. Të dy takimet fillojnë në orën 16:00
Në stadiumin e qytetit në Tetovë do të zhvillohet përballja e parë e gjysmëfinales së Kupës mes liderit aktual në tabelën e klasifikimit klubit të futbollit Shkëndija që vinë pas një fitore të madhe të dielën në Kavadar, kundër kampionit në fuqi Struga Trim Lum që vinë pas një fitore të thellë kundër Pelisteri, prandej me të drejt konsiderohet finale para finales. Për këtë duel dy ekipet kanë llogarit e veta por futbollisti Anes Meliçi thotë se atmosfera në grup është e shkëlqyeshme që jepë shpresë se do të ndikon edhe në suksesin e ri të ekipit
‘’Atmosfera në skuadër shumë e mirë, domethënë pas një loje shumë të rëndësishme në Kavadar. Tash të gjithë e dimë se Shkëndija është klub i madh, me objektiva shumë të mëdha. Objektivi më i madh është normalisht titulli kampion. Tash e gjithë fokusi është nesër në Kupë kundër Strugës ‘’ deklaroi Anes Meliçi
Kjo ndeshje gjysmëfinale e Kupës është edhe një rast i fundit që struganët të sigurojnë Evropën prandaj edhe presioni është më i madh tek ati tha futbollisti Meliçi
‘’ Kjo domethënë se presioni më i madh është te Struga e jo tek ne. Nesër dalim të luajmë me zero presion dhe të gjithë e dimë se si kemi kaluar herën e fundit në Strugë. Mund të them lirishtë që një ndër paraqitjet më të dobëta të Shkëndijës ka qenë atje në Strugë ku humbëm 3-0 dhe kjo duhet të jetë mësim për ne që të dalim të japim maksimumin dhe mos përsëritet dy herë ajo që ndodhi në Strugë’’ tha Meliçi.
Ndeshja e parë gjysmëfinale mes Shkëndijës dhe Struga Trim Lum do të zhvillohet në stadiumin buzë Sharrit me fillim në ora 16:00 por pa praninë e tifozëve shkaku se skuadra tetovare është e dënuar me pesë lojë pa praninë e tifozëve në cilësinë e vendasit. Në ndeshjen tjetër gjysmëfinale përballen Vardari – AP Brera që gjithashtu fillon në ora 16:00
Shaban Sinani – TV Koha
Nesër në program janë ndeshjet e javës së 20-të në Ligën e parë të futbollit për femra. AS United është mysafire e Kamenica Sasa, ndërsa Luboteni në Manastir takohet me Top Gol.
Kampionati i futbollit të femrave vazhdon nesër me ndeshjet e xhiros së 20-të.
Kjo javë sjell disa ndeshje mjaftë tërheqëse sa i përket e ekipeve që luftojnë për pjesën e epërme në renditjen e tabelës por edhe për ekipet që luftojnë mbijetesën.
Një ndeshje më interesante pritet të zhvillohet mes ekipeve Kamenica Sasa – AS United ekipe të cilat aktualisht mbajnë mesin e tabelës.
Kamioni në fuqi Luboteni i Tetovës është mysafire e ekipit të fundit në renditje Top Gol në Manastir dhe pos fitores bindëse çdo rezultat tjetër do të ishte befasi.
Lideri në renditjen e tabelës Skopje 2014 është mysafire Vardarit 2023 . Të gjitha ndeshjet e javës së 20-të zhvillohen nesër, takohen:
Kamenica Sasa – AS United, Top Gol – Luboteni, Koçani – Istatov 2014 Skopje, Reçica – Tiverija Brera dhe Vardari2023 –Skopje 2014.
Spanja vazhdon t`i prijë renditjes së ekipeve anëtare të FIFA-s. Maqedonia e Veriut humb një pozitë, Shqipëria mbetet në vendin e njëjtë, ndërsa Kosova avancon për një vend më lartë.
Federata e Botërore e futbollit FIFA ka publikuar renditjen e ekipeve për këtë muaj.
Spanja vazhdon kryesimin para Francës , Argjentinës, Anglisë dhe Portugalisë.
Përfaqësuesja e Maqedonisë së Veriut në krahasim me renditjen e fundit kur ishte në pozitën e 66-të tani ka zbritur në pozitën e 67-të. Ndërkohë, Shqipëria, pavarësisht humbjes ndaj Polonisë, mbetet në vendin e 63-të, por ka humbur 9.42 pikë.
Përfaqësuesja e Kosovës ka avancuar një vend pas fitores historike 3-4 ndaj Sllovakisë, me të cilën siguroi kualifikimin në finalen e play-offit për Kampionatin Botëror 2026.
Sipas FIFA-s, renditja e kombëtareve përditësohet në kohë reale pas çdo ndeshjeje, dhe kështu Kosova ka avancuar nga vendi i 79-të në të 78-in.
Përfaqësuesja e Kosovës e cila më 31 mars në Prishtinë, kundër Turqisë, zhvillon ndeshjen finale të play off-it për kualifikim në Botërorin 2026, me suksesin eventual ka gjasa reale që të ngjitet edhe më lartë në renditjen e FIFA-s.
Shabam Sinani – TV Koha
Edhe pse ende nuk janë zhvilluar ndeshjet çerekfinale të Ligës së Kampioneve, megjithatë UEFA ka publikuar datat e sfidave gjysmëfinale të kompeticionit më të rëndësishëm për klube.
Është zyrtare. UEFA ka caktuar datat dhe oraret për ndeshjet e mbetura në Ligën e Kampionëve 2025-26: finalja do të luhet më 30 maj 2026, në orën 18:00 në “Puskás Arena” në Budapest. Është përcaktuar edhe orari i gjysmëfinaleve.
Gjysmëfinalja e parë do të zhvillohet midis fituesit të ndeshjes Paris Saint-Germain – Liverpuli dhe fituesit të ndeshjes Real Madrid – Bayern Munih. Kjo ndeshje do të zhvillohet të martën, më 28 prill, në orën 21:00.
Gjysmëfinalja tjetër, ku do të përballen Barcelona ose Atlético Madrid kundër Sporting ose Arsenal , do të luhet të mërkurën, më 29 prill, gjithashtu në orën 21:00.
Ndeshja e kthimit luhen në një renditje të ndryshme. Të martën, më 5 maj, luajnë fituesit e sfidave Barcelona/Atletico me Sporting/Arsenal. Të mërkurën, më 6 maj, do të jetë radha e Real Madridit ose Bayern Munih kundër PSG-së ose Liverpulit.
BE hap hetim ndaj Snapchat-it për shkelje të rregullave të sigurisë së fëmijëve dhe privatësisë
S’dihet kur do të lirohen 128 milionë euro nga Ipard 3! Tripunovski: Monitorojmë çmimet e plehrave artificiale
Mjeku nga një fshat i Tetovës arrestohet për vrasjen e 76-vjeçarit në Ohër
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni3 days agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota3 days ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen