Sport
LIGA E PARË: NDODHI TË ÇUDITSHME NË FUTBOLLIN VENDOR ?!
Dy fitore të vendasve, dy barazime dhe një ndërprerje të ndeshjes me gjithësejt 14 gola të shënuar është epilogu i pesë ndeshjeve të javës së 28 të kampionatit 2024/2025 në Ligën e pare të futbollit vendor. Tabelën vazhdon të kryeson Shkëndija me 63 pikë, e ndjekur nga Sileksi që ka 59 pikë.
Derbi i xhiros së 29-të në futbollin vendor që u zhvillua në stadiumin e qytetit në Tetovë pa praninë e publikut mes Shkëndijës dhe Shkupit ishte një ndeshje e çmendur me tre autogola, emocione të pafundme dhe gola të bukur p;rfundoi me barazim 3:3. Miqtë nga Shkupi kaluan në epërsi 3:1 në pjesën e parë, ndërsa kuqezinjtë pas një rikthimi të madh arritën të sigurojnë një pikë me golin e Adenis Shalës në minutat e fundit.. Fatmirësishtë pika e fitura me Shkupin dhe barazimi i Sileksit me Struga Trim Lum vazhdon diferenca të mbetet 4 pikë. Trajneri Beqiri tha se ky barazim është një gabim i patolerueshëm
‘’Është gjysma e të keqes janë katër pikë diferencë. Ne duhet të jemi sy çelë ka edhe shumë ndeshje ka edhe katër ndeshje, katër pikë nuk janë ndonjë garantë e madhe . Unë do dua ta them se dua të jem korrekt me veten dhe me gjithçka që është rreth klubit me tifozët se ishte një gabim i pa tolerueshëm i joni’’
Ndërkohë që ndeshja në Kratovë mes Sileksit dhe Struga Trim Lum gjithashtu ka përfunduar me barazim por pa gola 0-0. Pelisteri mundi Tikveshin 1-0, të shtunën Vardari mundi ekipin Besa të Dobërdollit 3-1, ndërsa pas largimit nga garat Voska Sporti, AP Brera është e lire
Ndërsa në stadiumin ‘’Boris Trajkovski’’ në Maxhari, Gostivari është larguar nga terreni në minutën e 85-të në rezultatin 1-2 për Rabotniçkin. Lidhur me veprimin e Gostivarit ka reaguar Federata e futbollit të Maqedonisë ku pos tjerash thuhet: ” Në vend që të luftonin në mënyrë sportive deri në fishkëllimën e fundit, KF Gostivari vendosi t’i shmangej realitetit dhe t’ia hidhte fajin arbitrave për veprimet e tyre të dëshpëruara.
E vërteta është e dokumentuar në procesverbali n zyrtar ku thuhet se një përfaqësues i KF Gostivarit paraprakisht i ka njoftuar arbitruat se ekipi do të tërhiqet nëse rezultati nuk do të jetë në favorin e tyre’’.
Ndërkaq në reagimin e klubit të futbollit Gostivari thuhet:’’ “Incidenti që ndodhi sot nuk kishte asgjë kundër rivalit tonë Rabotniçki. Reagimi ynë ishte ndaj gjyqtarit Igor Stojçevski. Ky gjyqtar njihet për arbitrimin e tij skandaloz, asnjë ekip nuk e pëlqen atë. Sa i përket deklaratës së FFM-së, ne do t’i përgjigjemi çdo fjalie, një nga një”, thuhet në reagimin e Gostivarit.
Cili do të jetë veprimi i mëtutjeshëm i ekipit të Gostivarit do të mësohet ditëve në vijim varësisht edhe nga veprimet e organeve të FFM-së
Skiatori shqiptar, Denni Xhepa, zhvilloi sot garën e parë në Lojërat Olimpike Dimërore Milano-Cortina 2026, që transmetohen në RTSH. Kjo garë shënon edhe debutimin e skuadrës shqiptare në Olimpiadën Dimërore, ku përfaqësohemi me 4 sportistë.
Ai regjistroi kohën 1:31,72, duke u pozicionuar në vend të 34-t në Super G. Xhepa zbriti në pistë i 37-i dhe kjo garë ishte për të një test për Slalomin Gjigant, që do të zhvillohet pas tri ditësh.
Kjo është hera e parë që Shqipëria merr pjesë në një garë shpejtësie në ski.
Përveç Xhepës, në Lojërat Olimpike Dimërore marrin pjesë në disiplina të ndryshme Lara Colturi, Lisa Brunga dhe Semire Dauti. Xhepa garon gjithashtu në Slalom Gjigant më 14 shkurt dhe Slalom më 16 shkurt.
Më 15 shkurt zbresin në pistë Lara Colturi dhe Semire Dauti, të cilat marrin pjesë në disiplinën e Slalomit Gjigant. Më 18 shkurt Lara Colturi, Lisa Brunga dhe Semire Dauti garojnë në disiplinën Slalomit.
Lucas Ignacio Pires, ish-futbollist i Almirante Broën, u vra me një shishe qelqi të thyer gjatë një përleshje në La Matanza të Buenos Aires
Lucas Pires pasoi një plagë të thellë në parakrah që shkaktoi gjakderdhje fatale.
Pampa Mónaco’ publikon pamjet e regjistruara nga një kamerë sigurie në momentin kur, në kontekstin e një grindjeje, një burrë përdor buzën e një shisheje të thyer për t’i shkaktuar një plagë të thellë kundërshtarit të tij.
Sipas burimeve gjyqësore dhe policore, Lucas Pires pësoi një plagë të thellë në parakrahun e djathtë që dëmtoi një arterie, duke shkaktuar një hemorragji fatale .
Lucas Pires u dërgua me urgjencë në Spitalin Nestor Kirchner, por i riu vdiq për shkak të plagës së rëndë, pasi besohet se tehu i xhamit ka arritur në një arterie.
Çështja po trajtohet nga Zyra e Prokurorit të Vrasjeve në La Matanza, e cila po heton si një krim të mundshëm brenda familjes, raporton Marca.
Dy skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24
Skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24. Rihapet debati për substancat e përdorura te materialet sportive.
Skualifikohen për një pomadë të ngjashme me pastën e dhëmbëve. Kjo substancë ka shkaktuar largimin menjëherë nga Olimpiada dimërore të dy skiatoreve nga Koreja e Jugut, Han Dasom dhe Lee Eui-jin. Është fluori i ndaluar në protokoll që nga sezoni 2023/24.
Bën përshtypje fakti se fronti i ri i CIO-s është dopingu te materialet, sepse fluori nuk është gjetur në trupat e sportisteve, por në pajisjet e sportit që ato ushtrojnë, te skitë. Konkretisht, është gjetur në dyllin që teknikët kishin përgatitur për garat në Lago di Tesero. Kështu ka ardhur menjëherë përjashtimi i dy garueseve që gjithsesi nuk do të luftonin për medalje.
Lajmi ka rindezur debatin mbi rëndësinë e substancave që përdoren për skitë për t’i bërë ato më të shpejta gjatë garës. Ekipi italian, për shembull, ka një kamion me më shumë se 500 lloje pomadash, që seleksionohen për diskutimit me sportistët garë pas gare.
ROKAS NË BOGOVINË, TAKON KËSHILLTARËT DHE KRYETARIN E KOMUNËS
SHUMË FJALË, PAK VEPRA – MAQEDONIA SA AFËR AQ LARG BE-së
TRENDAFILOV: PO NDIQEM – KEQPËRDOREN FËMIJTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
