Sport
LIGA E PARË: SHKËNDIJA ZYRTARISHT KAMPION I SEZONIT 2024/25
Katër ndeshjet e zhvilluara në javën e 31-të të sezonit 2024/2025 në Ligën e Parë të futbollit solli tre fitore për ekipet vendase dhe vetëm një barazim duke u regjistruar 11 gola. Shkëndija e Tetovës pas fitores kundër Rabotniçkit zyrtarisht siguroi titullin kampion i Maqedonisë së Veriut në futboll.
Shkëndija e Tetovës dy xhiro para përfundimit të kampionatit zyrtarisht siguroi titullin kampion për sezonin 2024/2025 në Ligën e Parë të futbollit vendor. Kuqezinjtë dje regjistruan fitoren e 19-të sezonale ku kanë regjistruar edhe 10 barazime e 2 humbje me golaverazh 55:27 duke grumbulluar 67 pikë që janë të mjaftueshme që matematikisht të shpallen kampion për të pestën herë në historinë e këtij klubi ndërsa titulli i katër me menaxhimin e Kompanisë Ecolog. Autor të golave për ekipin kuqezi ishin Latifi dhe Tamba, ndërsa për miqtë shënoi Delay nga pika e bardhë. Me përfundimit e kësaj ndeshje nisi festa ku para stadiumit kishin ardhur një grup i madh i ‘Ballistëve’ të cilët edhe më tepër e madhëruan këtë festë për titullin e pestë Kampion i Maqedonisë së Veriut. Timonieri i skuadrës jeton Beqiri tha se përkundër shumë vështirësive dhe presioneve ia arritëm qëllimit.
‘’Ishte një kampionat i rëndë ishte një kampionat që nuk ishte i lehtë, ishte kampionat me shumë peripeci si me probleme me momente të presionit psikologjik por e rëndësishme është në fund kur del i pari ia vlejnë të gjitha gjërat’’
Padyshim se më meritor për këtë titull janë futbollistët të cilët gjatë gjithë kampionatit u munduan të japin më të mirën e tyre
‘ Ndihem shumë i lumtur. E dimë se gjatë këtij viti çfarë sakrifice , çfarë mundi kemi pasur të gjithë së bashku. I faleminderojë të gjithë ato që na kanë përkrahë edhe urime titullin, ishalla shtohen titujt ende më shumë ‘ tha Besart Ibraimi
‘Gjithë ishin kundër nesh por përsëri Shkëndija në fund doli kampion vetëm kundër gjithëve’ tha futbollisti Klisman Cake
Drejtori sportiv Ardian Cuculi ishte mjaft i emocionuar pasi si futbollist e ka pasur shumë më lehtë se sa tani si drejtor sportiv në këtë moment festiv
‘Kanë qenë emocione dhe momente gjatë gjithë vitit si të mira ashtu edhe të vështira. Kemi kaluar peripeci të mëdhaja. Ka qenë më lehtë si lojtar kurse si drejtues e kam përjetuar më shumë. Kështu që më vjen mirë që pas disa vitesh Shkëndija e rikthen titullin aty kua i takon. Urime gjithë tifozëve Ballistë, gjithë Tetovës dhe urime gjithë stafit futbollistëve dhe gjithë shqiptarëve anë e mbanë ‘ deklaroi Ardian Cuculi drejtor sportiv në KF Shkëndija
Një ndeshje me kthesa të shumta në fund doli që të vendosin dy golat e realizuar në minutat shtesë të ndeshjes ku AP Brera mundi Shkupin 4-3. Aktualisht nuk ka asnjë reagim nga organet kompetente ashtu siç ndodhi në ndeshjen e Ligës së dytë Kozhufi – Bashkimi ku kuamovarët dolën fitues me golin në sekondat e fundit të ndeshjes që nxori shumë dyshime dhe dilema. Në Kavadar, Tikveshi me rezultatin minimal 1-0 mundi Besën e Dobërdollit. Të martën Vardari dhe Struga Trim Lum barazuan pa gola 0-0
Pas javës së 31-të tabelën e kryeson Shkëndija me 67 pikë e ndjekur nga Sileksi me 63 , Rabotniçki me 56 pikë dhe Struga Trim Lum me 49 pikë.
Shaban Sinani – Tv Koha
Kampionati amerikan i basketbollit NBA, ka zhvilluar ndeshjet e fundit për këtë vit. Në 11-të ndeshje të zhvilluara vendasit ishin më të mirë në pesë duele, ndërsa ato mysafire në gjashtë tjerat. Konferencat përkatëse i kryesojnë Oklahoma në Perëndim, ndërsa Detroit në Lindje
Pesë fitore të vendasve dhe gjashtë atyre mysafire është epilogu i 11-të ndeshjeve të zhvilluara sot në kampionatin amerikan të basketbollit NB. Një ndeshje dramatike është zhvilluara mes kampionit Oklahomas dhe Atlantas e cila ka përfunduar me fitoren e skuadrës vendase me rezultatin 140 -129. Te skuadra vendase ka shkëlqyer si gjithmonë Aleksandër Shai me 39 pikë 5 kërcime e 6 asiste. Bruklin para tifozëve vendas ka pësuar humbje nga Golden State me rezultat bindës 107-120. Më efikas ne ekipin fitues ishin Stephen Curry dhe Michael Porter me nga 27 pikë të shënuara.
Pas një loje spektakolare, skuadra e Miamit mundi ekipin e Denver me rezultatin e thellë 147 – 123. Me efikas ishte panel me 25 pikë. Zhgënjen ekipi i Çikagos pasi pësoi disfatë të thellë në cilësinë e vendasit nga Minnesota me rezultatin 101 – 136. Naz Reid me 33 pikë 7 kërcime e asiste ishte më i miri në këtë ndeshje asiste. Clevland shënoi fitore në përballjen me San Antoni në transfertë me rezultatin 113-101. Alen ishte më efikas me 27 pikë, Portland mundi Dallasin me rezultatin 125-122 . Pas ndeshjeve të sotme Konferencën e Perëndimit e kryeson Oklahoma me 28 fitore e 5 disfata, ndërsa në Lindje kryeson Detroit me 24 fitore e 8 disfata
Rezultatet
Charlotte – Milwaukee 113-123
Washington – Phoenix 101- 115
Brooklyn – Golden State Warriors 107-120
Miami – Denver 147-123
Toronto – Orlando 107 – 106
Chicago – Minnesota 101 – 136
Houston – Indiana 126 – 119
Nju Orleans – Nju York 125- 130
Oklahoma – Atlanta 140- 129
San Antonio – Cleveland 101-113
Portland – Dallas 125-122
SHABAN SINANI – TV KOHA
Kriza te FC Shkupi ka arritur kulmin pas largimit të disa emrave kyç, përfshirë trajnerin Minas Osmani dhe kapitenin Suhel Muharemi, të cilët kanë bërë të ditur se nuk kanë marrë paga për afro gjashtë muaj. Situata është përkeqësuar më tej me reagimin e grupit të tifozëve “Shvercerat”.
Përmes faqes zyrtare të klubit në Facebook, tashmë nën kontrollin e tifozëve, “Shvercerat” i janë drejtuar pronarit Jasin Konjali, duke e cilësuar situatën si të papranueshme dhe të paqëndrueshme. Sipas tyre, klubi nuk mund të funksionojë më në kushtet e pasigurisë dhe mungesës së përgjegjësisë, duke theksuar se FC Shkupi është një vlerë e përbashkët e komunitetit sportiv dhe jo pronë personale.
Tifozët kërkojnë dorëzimin e menjëhershëm të klubit, duke respektuar të gjitha procedurat ligjore dhe administrative. Ata falënderojnë stafin teknik dhe lojtarët vendas, të cilët kanë vazhduar punën pa paga dhe pa siguri gjatë muajve të fundit.
“Shvercerat” kanë vendosur një ultimatum: pronari duhet të paraqitet personalisht, të transferojë klubin në emër të tifozëve dhe të largohet përfundimisht nga çdo rol në FC Shkupin. Sipas grupit, ky hap është i nevojshëm për rikthimin e stabilitetit dhe besimit në klub.
Kujtojmë se FC Shkupi në pjesën vjeshtore të kampionatit nga 16 të zhvilluar ka regjistruar 15 disfata dhe vetëm një barazim me 12 gola të shënuar e 48të pranuar dhe me vetëm 1 pikë të fituar.
Klubi i futbollit Arsimi më 3 janar 2026 ka caktuar grumbullimin e parë dhe fillimin e përgatitjeve për pjesën pranverore të kampionatit që fillon më 15 shkurt. Pritet lëvizje me afrime dhe largime. Faza kryesore zhvillohet në Kroaci
Debutuesi në ligën e parë të futbollit klubi I futbollit Arsimi nga Çegrani në pjesën pranverore të kampionatit 2025/2026 ishte befasia e kampionatit duke u renditur në pozitën e pestë me 6 fitore , 4 barazime e 6 disfata me 22 pikë të grumbulluara. Këto suksese të skuadrës çegranase obligojnë drejtuesit e klubit që të mendojnë që edhe në pjesë pranverore të kampionatit të dëshmohen me organizimi dhe punë serioze . Kështu që pas pauzës katër javore më 3 janar 2026 ka caktuar grumbullimin e parë ku i gjithë stafi do të njoftohen me plan programin e punës në fazat përgatitore që startojnë në terrenet vendase ndërsa e nga data 6 apo 7 janar, do të udhëtojnë në Kroaci. Këtë ekskluzivisht për TV Koha e deklaroi trajneri Vildan Saliu
“Po sigurisht futbollistët kanë qenë pushim., ndërsa ne stafi dhe kryesia kemi qenë në kontinuitet në bashkëbisedim që të mund të bëjmë një analize të sezonit që e lame pas Gabimet eventuale që mund ti kemi bërë, përforcimin e ekipit, fillimin e fazës përgatitore , Kështu që kemi vendos që me date 3 janar të startojmë me fazën përgatitore ku do të qëndrojmë 2-3 ditë këtu në vend, pastaj do të zhvendosemi në një qytet në shtetin e Kroacisë, ku do të 10 ditë për të pasur ekipin sa më afër, sa më në kontroll që sa më dinjitozë ta përgatisim ekipin për sezonin pranveror. Kështu që jemi në bisedime edhe me disa lojtarë të cilët duhet të na ofrohen si përforcime të mundshme. Po sigurisht se kemi edhe lojtar të cilët janë larguar apo ndoshta ndërkohë dikush dëshiron të largohet. Sigurisht se ky është një proces që në futboll është proces që duhet të jemi të gatshëm me e përballua secilën situate. Por kjo është data më 3 janar, para kësaj lojtarët kanë pasur edhe një plan –program një javor të cilën do të duhet me e zbaruar veçmas pastaj kur të kthehen në klub ne do të bëjmë testimet tona mund ta shohim edhe formën sportive të tyre dhe sipas formës sportive të të hartojmë planin e fazës përgatitore“ deklaroi trajneri Vildan Saliu.
Klubi i futbollit Arsimi gjatë fazë përgatitore dhe gjatë afatit kalimtar të dimrit do të sjell freskimi me lojtar cilësor sipas nevojës n% çdo repart, por gjithsesi se do të ketë edhe largime. Pjesa pranverore e kampionatit fillon më 15 shkurt me ndeshjet e xhiros së 17-të, ndërsa Arsimi është nikoqire e AP Brera në Gostivar.
Miratohet buxheti i Tetovës, mbi 17 milionë euro për projekte kapitale
Adnan Azizi: Puna, ndryshimi dhe transformimi i Tetovës kanë emër – Bilall Kasami
Zjarr në Prizren, humb jetën një fëmijë njëvjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
