Sport
LIGA E PARË: SHKËNDIJA ZYRTARISHT KAMPION I SEZONIT 2024/25
Katër ndeshjet e zhvilluara në javën e 31-të të sezonit 2024/2025 në Ligën e Parë të futbollit solli tre fitore për ekipet vendase dhe vetëm një barazim duke u regjistruar 11 gola. Shkëndija e Tetovës pas fitores kundër Rabotniçkit zyrtarisht siguroi titullin kampion i Maqedonisë së Veriut në futboll.
Shkëndija e Tetovës dy xhiro para përfundimit të kampionatit zyrtarisht siguroi titullin kampion për sezonin 2024/2025 në Ligën e Parë të futbollit vendor. Kuqezinjtë dje regjistruan fitoren e 19-të sezonale ku kanë regjistruar edhe 10 barazime e 2 humbje me golaverazh 55:27 duke grumbulluar 67 pikë që janë të mjaftueshme që matematikisht të shpallen kampion për të pestën herë në historinë e këtij klubi ndërsa titulli i katër me menaxhimin e Kompanisë Ecolog. Autor të golave për ekipin kuqezi ishin Latifi dhe Tamba, ndërsa për miqtë shënoi Delay nga pika e bardhë. Me përfundimit e kësaj ndeshje nisi festa ku para stadiumit kishin ardhur një grup i madh i ‘Ballistëve’ të cilët edhe më tepër e madhëruan këtë festë për titullin e pestë Kampion i Maqedonisë së Veriut. Timonieri i skuadrës jeton Beqiri tha se përkundër shumë vështirësive dhe presioneve ia arritëm qëllimit.
‘’Ishte një kampionat i rëndë ishte një kampionat që nuk ishte i lehtë, ishte kampionat me shumë peripeci si me probleme me momente të presionit psikologjik por e rëndësishme është në fund kur del i pari ia vlejnë të gjitha gjërat’’
Padyshim se më meritor për këtë titull janë futbollistët të cilët gjatë gjithë kampionatit u munduan të japin më të mirën e tyre
‘ Ndihem shumë i lumtur. E dimë se gjatë këtij viti çfarë sakrifice , çfarë mundi kemi pasur të gjithë së bashku. I faleminderojë të gjithë ato që na kanë përkrahë edhe urime titullin, ishalla shtohen titujt ende më shumë ‘ tha Besart Ibraimi
‘Gjithë ishin kundër nesh por përsëri Shkëndija në fund doli kampion vetëm kundër gjithëve’ tha futbollisti Klisman Cake
Drejtori sportiv Ardian Cuculi ishte mjaft i emocionuar pasi si futbollist e ka pasur shumë më lehtë se sa tani si drejtor sportiv në këtë moment festiv
‘Kanë qenë emocione dhe momente gjatë gjithë vitit si të mira ashtu edhe të vështira. Kemi kaluar peripeci të mëdhaja. Ka qenë më lehtë si lojtar kurse si drejtues e kam përjetuar më shumë. Kështu që më vjen mirë që pas disa vitesh Shkëndija e rikthen titullin aty kua i takon. Urime gjithë tifozëve Ballistë, gjithë Tetovës dhe urime gjithë stafit futbollistëve dhe gjithë shqiptarëve anë e mbanë ‘ deklaroi Ardian Cuculi drejtor sportiv në KF Shkëndija
Një ndeshje me kthesa të shumta në fund doli që të vendosin dy golat e realizuar në minutat shtesë të ndeshjes ku AP Brera mundi Shkupin 4-3. Aktualisht nuk ka asnjë reagim nga organet kompetente ashtu siç ndodhi në ndeshjen e Ligës së dytë Kozhufi – Bashkimi ku kuamovarët dolën fitues me golin në sekondat e fundit të ndeshjes që nxori shumë dyshime dhe dilema. Në Kavadar, Tikveshi me rezultatin minimal 1-0 mundi Besën e Dobërdollit. Të martën Vardari dhe Struga Trim Lum barazuan pa gola 0-0
Pas javës së 31-të tabelën e kryeson Shkëndija me 67 pikë e ndjekur nga Sileksi me 63 , Rabotniçki me 56 pikë dhe Struga Trim Lum me 49 pikë.
Shaban Sinani – Tv Koha
Në testin e fundit para ndeshjes kualifikuese kundër Uellsit më 18 nëntor, përfaqësuesja e Maqedonisë së Veriut mbrëmë barazoi me Letoninë 0-0, në duelin miqësor që u zhvillua në arenën ‘’Todor Proeski’’ në Shkup
Ndeshja miqësore në futboll midis përfaqësueses së Maqedonisë së Veriut dhe Letonisë, e zhvilluar mbrëmë në arenën “Todor Proeski” në Shkup, përfundoi me barazim pa gola. Gjatë 90 minutave lojë të dy ekipet krijuan disa raste për të shënuar, me një dominim të lehtë të ekipit të Letonisë të cilët më tepër e posedonin topin, por pa konkretizime në gola.
Kjo ndeshje miqësore shërbeu si përgatitje për Maqedoninë e Veriut në prag të sfidave të mëdha.
Seleksionuesi Blagoja Milevski pas ndeshjes në press konferencën zyrtare u shpreh i kënaqur me paraqitjen e futbollistëve në aspektin taktik
“Gjithçka që vendosëm si qëllim për këtë ndeshje, përveç fitores, u përmbush. Doja të shihja se si do të dukej skuadra në një formacion të ri, me detyra të reja taktike dhe në situata që nuk i kemi punuar më parë. Nga kjo perspektivë, jam vërtet i kënaqur. Më vjen keq që kushtet e lojës nuk ishin më të mira. Shpresoj që së shpejti do të bëhen përpjekje për të luajtur në një fushë më cilësore, në mënyrë që të jemi më efikasë në finalizim. Në ato momente të fundit, në fazën e tretë të sulmit, kur kundërshtari është i vendosur në një bllok të dendur, nevojitet një pasim i saktë finalizues, dhe sot kundër Letonisë nuk e patëm atë. Pavarësisht kësaj, krijuam disa raste, por nuk arritëm t’i realizonim. Urime të dyja ekipeve, si Maqedonisë ashtu edhe Letonisë. Jam i kënaqur, të gjithë lojtarët, pavarësisht nëse janë lojtarë standardë apo vijnë nga stoli, e justifikuan besimin. Kjo më jep besim se mund të mbështetem te secili prej tyre“, tha trajneri Blagoja Milevski.
Më 18 nëntor, përfaqësuesja e Maqedonisë së Veriut në transfertë do të përballet me Uellsin në ndeshjen e fundit të grupit J, në kuadër të kualifikimeve për Kupën e Botës 2026. Aktualisht Maqedonia e Veriut renditet në vendin e dytë të Grupit J me 13 pikë, pas Belgjikës me 14 pikë. Në vendin e tretë është Uellsi me 10 pikë, i ndjekur nga Kazakistani me 7 pikë dhe në fund Lihtenshtajni me asnjë pikë.
Shqipëria me një gol të Asllanit ka shënuar fitore minimale 1-0 në Andorra, duke siguruar kualifikimin në play off të Botërorit 2026, kjo falë dhe fitores 2-0 të Anglisë përballë Serbisë.
Mbrëmja e 13 nëntorit do të shkruhet me shkronja të arta në historinë e futbollit shqiptar. Kombëtarja shqiptare ka shkruar historinë. Për herë të parë, kuqezinjtë kanë siguruar kualifikimin për në “play off”-in e Botërorit.. Shqipëria triumfoi minimalisht ndaj Andorrës në transfertë dhe falë humbjes së Serbisë me Anglinë, ka siguruar vendin e dytë në grup. Golin e vetëm dhe të fitores, e shënoi Kristjan Asllani në minutën e 67-të. Mesfushori u tregua i saktë në zonë, pas një asisti të marrë nga Uzuni. Me këtë sukses, Shqipëria blindon vendin e dytë me 14 pikë, 4 më shumë se Serbia e vendit të tretë. Ndeshja e fundit në grupin K, do të jetë të dielën e 16 nëntorit ndaj Anglisë në Tiranë.
Trajneri i përfaqësueses kuqezi, Silvinjo ka komentuar fitoren 1-0 të arritur përballë Andorrës që siguroi biletën për në play off të Botërorit 2026.
“Nuk ishte e lehtë. E dinim që ishte një kundërshtar i vështirë. Anglia ka fituar 1-0, Letonia barazoi, Serbia ishte 1-1 në pjesën e parë. Ne po rritemi, po bëjmë mirë, por nuk jemi Gjermania që të fitojmë 6-0”.“Ishte e vështirë, por mbaroi dhe tani po festojmë. Për herë të parë po shkojmë në play off, ishte një mbrëmje e mrekullueshme. Mungesë loje? Mendoj se duhet të festojmë të gjithë, ndodh për herë të parë një arritje e tillë. Tifozët meritojnë gjithçka, është hera e parë, është shumë bukur. Kemi humbur vetëm kundër Anglisë, nuk është pak”.
Në ndeshjen tjetër të grupit J. Anglia mundi Serbinë 2-0. Pas ndeshjeve të mbrëmshme grupin J e kryeson Anglia me 21 pikë, para Shqipërisë që ka 14, Serbisë me 10 , Letonia 5 dhe Andorra 1 pikë
Shaban Sinani – TV Koha
Kombëtarja e Kosovës udhëton sot drejt Lubjanës për sfidën vendimtare të së shtunës kundër Sllovenisë, ndërsa përgatitjet për këtë duel të rëndësishëm të kualifikimeve për Botërorin 2026 po zhvillohen me intensitet maksimal.
Në seancat e deritanishme stërvitore, përzgjedhësi Franco Foda ka vazhduar të theksojë punën taktike, me fokus të veçantë te tranzicionet dhe organizimi mes reparteve. Gjithë grupi i futbollistëve është në gjendje të shkëlqyer fizike, duke i dhënë trajnerit një komfort të plotë para ndeshjes që mund të përcaktojë fatin e Dardanëve në këto kualifikime.
Atmosfera në kampin kosovar mbetet shumë pozitive dhe e mbushur me besim. Të gjithë janë të vetëdijshëm për rëndësinë e sfidës në “Stožice”, e cila mund t’i sigurojë Kosovës vendin në ‘play-off’ dhe ta mbajë në garë për kualifikim direkt.
Pas stërvitjes, optimizmi u reflektua edhe nga mbrojtësit Mërgim Vojvoda dhe Dion Gallapeni. Të dy vlerësuan cilësinë e Sllovenisë, por njëzëri theksuan se në Lubjanë do të hyjnë vetëm për fitore. “Grupi është duke punuar shumë mirë dhe jemi gati për lojë. E dimë rëndësinë e ndeshjes dhe po e presim me padurim. Është një finale për ne. Një pikë nuk është e keqe, por ne hyjmë për të fituar dhe do të shkojmë për tri pikë”, tha Vojvoda.
Ndërsa Gallapeni shtoi: “Atmosfera është shumë pozitive dhe përgatitjet po shkojnë perfekt. Këto dy ndeshje janë jetike për ne, një mundësi historike. Sllovenia është ekip kompakt, edhe atyre u duhen tri pikët, ndaj pres një ndeshje të hapur. Ne do të luftojmë për fitore.”
Kosova do të mbajë një seancë të fundit të lehtë stërvitore para dite, para nisjes për në kryeqytetin slloven, ku të shtunën do të kërkojë fitoren që do ta afronte me ëndrrën e Botërorit.
PËRSËRITJA E ZGJEDHJEVE NË KATËR KOMUNA MË 11 JANAR
Komuna e Tearcës së shpejti bëhet me nënstacion të zjarrfikësve
Dimitrieska-Koçoska: Propozim-buxheti për vitin 2026 është një mesazh ekonomik për stabilitet, besim dhe zhvillim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi1 week agoUniversiteti i Tetovës shpreh ngushëllime për vdekjen e studentes Daorsa Spahija