Lajme nga vendi
Ligji për punësim sezonal do të përfshijë 20,000 persona
Rreth 20 mijë persona do të mbulohen nga ligji i ri për punësim sezonal. Deputeti i VMRO-së Bojan Stojanovski thotë se ligji pritet të zgjidh një pjesë të madhe të ekonomisë gri. Stojanovski thotë se ligji do t’u sjellë dobi si punëtorëve dhe punëdhënësve, ashtu edhe shtetit përmes arkëtimit të kontributeve dhe taksave.
“Përllogaritjet dhe supozimet tona janë se afërsisht 20 mijë persona do të bien nën atë sistem rregullimi dhe me këtë do të përfitonte si punëdhënësit, ashtu edhe punëtorët dhe shteti përmes arkëtimit të taksave. Kjo është e rëndësishme sepse me ndihmën e këtyre njerëzve që janë me ne sot, po zgjidhim problem që ka qenë i pranishëm në shoqërinë maqedonase për 34 vjet dhe thjesht do të vazhdojmë të punojmë ngushtë me ta për të zgjidhur probleme të tjera thelbësore që janë të rëndësishme për qytetarët”, tha Bojan Stojanovski – deputet VMRO – DPMNE.
David Oberhuber i Shoqatës Gjermane për Bashkëpunim Ndërkombëtar, e cila dhuron fonde për të zhvilluar sistemin e regjistrimit të punëtorëve sezonalë, thotë se ky ligj mund ta zvogëlojë ndjeshëm punën joformale dhe t’i rrisë të ardhurat shtetërore.
“Kjo reformë u shërben të gjithëve. Punëtorët fitojnë të drejta dhe mbrojtje, punëdhënësit përfitojnë nga një mënyrë më e lehtë dhe ligjore për të përmbushur kërkesat e punës dhe shteti sheh rritje të të ardhurave publike. E gjitha kjo përmes një procesi më të thjeshtë dhe më transparent”, u shpreh David Oberhuber – Shoqëria Gjermane për Bashkëpunim Ndërkombëtar.
Marija Risteska nga Qendra për Kërkime dhe Krijim Politikash thotë se me këtë ligj, punëdhënësit do të jenë në gjendje të regjistrojnë punëtorët kudo me aplikacion të lehtë për t’u përdorur.
“Do të kemi aplikacion online të lehtë për t’u përdorur për regjistrim dhe ç’regjistrim nga fusha, nga shtëpia juaj, nga vendi juaj i punës, kafene në plazh, shkollë skijimi e kështu me radhë, në mënyrë që shpresojmë të ofrojmë fleksibilitetin e nevojshëm për regjistrimin dhe ç’regjistrimin nga puna e përkohshme dhe sezonale”, theksoi Marija Risteska – Qendra për Kërkime dhe Krijim Politikash.
Ligji do të hyjë në fuqi më 1 janar të vitit 2026 dhe do t’u lejojë të gjithë personave të punësuar ose të papunë, studentëve dhe pensionistëve të punojnë punë sezonale pa humbur të ardhurat e tyre. / Alsat.mk
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13