Lajme nga vendi
Mexhiti: Më pak ndotje, më shumë liri – Shërbimi Car Sharing mbërriti në vendin tonë
Zëvendëskryeministri i parë dhe ministri i Mjedisit dhe Planifikimit Hapësinor, Izet Mexhiti, së bashku me ministren e Energjisë, Minierave dhe Burimeve Minerale, Sanja Bozhinovska, sot para Qeverisë promovuan konceptin e ri të ndarjes së automjeteve – Car Sharing. Ky shërbim përfaqëson një hap të rëndësishëm drejt transportit urban të qëndrueshëm dhe uljes së ndotjes në vendin tonë.
Ministri Mexhiti theksoi se Avant2Go është sistemi i parë plotësisht elektrik për ndarjen e automjeteve në Maqedoni, i cili bazohet në një infrastrukturë teknike të zhvilluar dhe sjell përfitime të shumta ekologjike, sociale dhe ekonomike për shoqërinë.
“Përdorimi i automjeteve elektrike nënkupton zero emisione të gazrave të dëmshëm, duke kontribuar drejtpërdrejt në uljen e ndotjes së ajrit, veçanërisht në zonat urbane. Për më tepër, automjetet elektrike janë shumë më të qeta se ato tradicionale, duke mundësuar një ambient më të qetë dhe më të shëndetshëm në qendrat e qyteteve. Sipas standardeve ndërkombëtare, një automjet car-sharing zëvendëson 10 deri në 15 automjete private,” tha Mejditi.
Projekti është plotësisht në përputhje me Agjendën e Gjelbër për Ballkanin Perëndimor dhe kontribuon në përmbushjen e angazhimeve për tranzicionin klimatik, një aspekt kyç në procesin e integrimit evropian, shtoi zëvendëskryeministri i parë.
“Shërbimi Car Sharing sjell përfitime ekonomike për qytetarët, duke ulur nevojën për blerjen e një automjeti të dytë apo të tretë në familje. Avant2Go nuk është vetëm një inovacion teknologjik, por një investim strategjik në të ardhmen ekologjike, të transportit dhe ekonomike të vendit. Ky projekt është një shembull i qartë se si inovacioni dhe qëndrueshmëria mund të bashkohen për një të ardhme më të mirë për të gjithë qytetarët,” deklaroi Mexhiti.
Ministria e Mjedisit dhe Planifikimit Hapësinor do të vazhdojë të mbështesë iniciativa të tilla si pjesë e përkushtimit të saj për krijimin e kushteve sistematike për tranzicionin e gjelbër në transport, energji dhe jetën e përditshme të qytetarëve.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13