Sport
Dardanët nisin përgatitjet, Beka e Korenica optimistë për dy miqësoret e qershorit
Kombëtarja e Kosovës i ka nisur sot përgatitjet në Kampin Nacional në Hajvali për dy ndeshjet miqësore të muajit qershor.
Dardanët do të përballen me Armeninë, më 6 qershor, në stadiumin “Fadil Vokrri”, ndërsa tri ditë më vonë, në të njëjtin stadium, kundër Komoreve.
Përzgjedhësi Franco Foda ka pasur në dispozicion pothuajse të gjithë ekipin, me përjashtim të Ismet Lushakut, Lumbardh Dellovës, Florent Hadërgjonajt dhe Leart Paqaradës, të cilët kanë punuar në mënyrë individuale në hotel për arsye rikuperimi.
Mbrojtësi i Luzernit, Ismajl Beka, pas stërvitjes u shpreh i motivuar për miqësoret e radhës:
“Jam shumë i lumtur për ftesën dhe seanca e parë stërvitore ka qenë shumë e mirë. Jemi stërvitur mirë dhe atmosfera është shumë pozitive me të gjithë bashkëlojtarët. Shpresoj që kjo atmosferë të vazhdojë edhe në ditët në vijim. Jemi shumë të motivuar sepse e dimë çfarë cilësie kemi –e kemi dëshmuar edhe kundër Islandës dhe me promovimin në Ligën B. Shpresoj që do t’i fitojmë të dyja miqësoret dhe të arrijmë rezultate pozitive”, tha Beka.
Ndërkaq, mesfushori rahovecas i skuadrës rumune Cluj, Meriton Korenica, u shpreh i gëzuar për rikthimin në ekipin kombëtar:
“Jam shumë i lumtur që jam sërish pjesë e Kombëtares. Shpresoj që në këto dy ndeshje të japim maksimumin dhe unë do të jem gjithmonë i gatshëm për fanellën dardane. Dua që në ekipin kombëtar të vazhdoj kontinuitetin që e kam pasur me klubin. Këto dy miqësore janë shumë të rëndësishme për të na motivuar edhe më shumë, sepse në kualifikimet e shtatorit duhet të japim maksimumin. Shpresoj që secili nga ne të japë gjithçka nga vetja, sepse ia kemi borxh shtetit tonë”, tha ai.
Kosova synon që me këto miqësore të përgatitet sa më mirë për ciklin kualifikues të Botërorit, që do të fillojë në muajin shtator.
Kujtojmë që Dardanët janë pjesë e Grupit B dhe do të zhvillojë ndeshje në sistemin vajtje-ardhje kundër Suedisë, Zvicrës dhe Sllovenisë.
Në gjysmëfinale të turneut të tenisit Roland Garros që mbahet në Paris do të përballen Janik Sinner – Novak Djokoviq dhe Lorenzo Musetti me Carlos Alcaraz
Me përfundimin e fazës së çerekfinaleve në grand slamin e Roland Garros në Paris, tanimë janë mësuar edhe dyshet gjysmë finaliste të këtij turneu prestigjioz i tenisit botërorë. Në gjysmëfinalen e parë do të përballen numri një në renditjen ATP, Jannik Sinner me tenistin serb Novak Djokoviq.
Në çerekfinale tenisti italian Janik Sinner mundi Aleksandër Bublik me rezultatin 3-0 në sete 6-1, 7-5 dhe 6-0, ndërsa Djokoviqi mundi gjermanin Aleksandar 3-1 në sete 4-6, 6-3, 6-2 dhe 6-4. Një gjysmëfinalen tjetër përballen Lorenzo Musetti me Carlos Alcaraz
Në çerekfinale Lorenzo Musetti mundi tenistin amerikan Tommy Paul me rezultatin maksimal 3-0 në sete, ndërsa Carlos Alcaraz në çerekfinale mundi Frances Tiafoe me rezultatin 3-1. Duelet gjysmë finale luhen të premten. Në kategorinë e femrave në gjysmëfinale janë kualifikuar tenistja franceze Lois Boisson dhe ajo amerikane Coco Gauff, dyshja tjet;r gjysmëfinaliste janë ukrainasja Aryna Sabalenka dhe tenistja polake Iga Swiatek
Reprezentacioni i Portugalisë me fitoren e mbrëmshme kundër Gjermanisë është finalisti i parë i Ligës së Kombeve, në finalen që do të zhvillohet të dielën do të përballet me fituesin nga dueli Spanja – Franca që luhet sonte.
Sonte zhvillohet gjysmëfinalja e dytë në Ligën e Kombeve , kur do të përballen kombëtarja e Spanjës dhe ajo e Francës. Që luhet në stadiumin “MHPArena” në Shtutgart me fillim në orën 21:00
Ndërsa mbrëmë Portugalia e ka mposhtur Gjermaninë me rezultatin 2-1 me çka ka siguruar finalen e Ligës së Kombeve ku për kundërshtarë do ta ketë fituesin nga ndeshja e sotme mes Spanjës dhe Francës
Kombëtarja e Gjermanisë takimin e zhvilluar në ‘Allianz Arena’ të Munihut kundër Portugalisë pësoi disfatë me përmbysje 1-2 Gjermanët kaluan në epërsi në minutën e 48 me golin e Florian Wirtz. Portugalia barazoi në minutën e 63-të me golin e Francisco Conceicao, ndërsa golin e fitores në minutën e 68 e shënoi 40-vjeçari Cristiano Ronaldo për 1:2. Për yllin e futbollit portugez ishte ky goli i 137 në fanellën e reprezentacionit në ndeshjen e tij të 220 ,
Nesër me fillim në ora 20 e 45 , në program janë gjashtë ndeshje të raundit të tretë në Grupet I, J dhe L për Kualifikimi në Kampionatin Botërorë të futbollit që në vitin 2026 , mbahet në SHBA, Kanada dhe Meksikë. Maqedonia e Veriut përballet me Belgjikën
Ndeshjet kualifikuese për Kupën e Botës 2026, që mbahet në SHBA, Kanada dhe Meksikë vazhdojnë gjatë ditës së nesërme me raundin e tretë në grupet I, J dhe L .
Në Grupin J ku bëjnë pjesë Maqedonia e Veriut, Uellsi, Bellgjika, Kazakistani dhe Lihtenshtajni, Nesër me fillim në ora 20 e 45 do të përballen Maqedoni – Belgjikë dhe Uellsi – Lihtenshtajni. Pas dy xhirove të zhvilluara në grupin J, kryeson Maqedonia me 4 pikë aq sa ka edhe Uellsi, Kazakistani ka 3 pikë, ndërsa Belgjika e cila nuk ka zhvilluar asnjë ndeshje dhe Lihtenshtajni nuk kanë asnjë pikë. Ndeshja kundër Belgjikës që zhvillohet në arenën ‘Todor Proeski’ në Shkup ku pritet që tribunat të jenë të mbushura me tifozë, fitorja eventuale për Maqedoninë mund të jetë një hapë pranë kualifikimit në Kupën e Botës 2026.
Dy ndeshje të raundit të tretë zhvillohen edhe në Grupin I dhe atë Norvegjia – Italia dhe Estonia Izraeli, ndërsa në grupin L, takohen Gjibralltari – Kroacia dhe Çekia – Mali Zi.
Të gjitha takimet e randit të tretë në grupet I, J dhe L fillojnë nga ora 20 e 45.
Tragjedi në Austri: 35-vjeçari kosovar humb jetën në vendin e punës pas kontaktit me rrymën elektrike
Javën a ardhshme do të kryhet dezinsektim në qytetin e Tetovës
Miratohet aktakuza për rastin “Onkologjia”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
Me iniciativë të kryeshefit Rijat Ali, shërbimet për dokumentacione edhe në stacionet lokale
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve