Univeristiieti i Tetovës  me  dy aktivitet  sportive Tur me biçikleta dhe  Volejboll në rërë  shënon  249 vjetorin e Pavarësisë së SHBA-së.

 Me rastin 249 vjetorit  të Pavarësisë së Shteteve të Bashkuara  të Amerikës – 4 Korrikut, Fakulteti i Kulturës Fizike  i Universitetit të Tetovës  ka  organizuar  aktivitet  sportive  si  Volejbolli në  rërë  dhe  Tur me  biçikleta   që për  synim  kanë  të nderojnë vlerat e lirisë , miqësisë  dhe bashkëpunimit ndërmjet  popujve  si dhe  promovimin  e jetesës  aktive  dhe  shëndetit përmes sportit. Në aktivitetin e sotëm Tur me biçikleta ku starti  ishte  nga  sheshi i Universitetit  derri në sheshin Iliria   dhe anasjelltas  pjesëmarrës  ishin stafi  drejtues i UT-së, profesor  dhe  student

 ‘’Universiteti i Tetovës  në kuadër të ushtrimit të veprimtarisë së tij si kurse  arsimore, shkencore siç e shihni tani edhe kreative ka  mjaftë partner . Sigurisht  një partneritet mjaft  të rëndësishëm edhe me komunitetin ndërkombëtar me theks të veçantë Shteteve të Bashkuara të Amerikës, sikurse  është ambasada e SHBA-ve  këtu në Shkup, Këndi amerikan. Por  ne kemi bashkëpunim jashtë zakonisht të mirë me shumë universitet  nga Shtetet e Bashkuara të Amerikës dhe për të çmuar, për të respektuar partneritetin tonë , miqtë tanë natyrisht këto  ditë    kemi disa  aktivitete sportive, kreative  me të  cilat shënojmë edhe ditën e pavarësisë të SHBA-ve për të qenë përkrahë miqëve tanë për ta shfaqur  atë solidaritetin  dhe për të qenë në kuadër të afirmimit të vlerave të cilat kanë të bëjnë sikurse me  sferën e arsimit po ashtu edhe me respektimin e të drejtave të qytetarëve  në nivel botërorë, me  sundimin e ligjit, zhvillimin e demokracisë. Pra të jemi përkrahë botës së civilizuar dhe  ti çmojmë  miqtë tanë‘’ deklaroi rektori i  UT-së  prof.Dr. Jusuf Zejneli

 Aktivitetet e   sportive   që  organizohen me rastin  4 Korrikut ditës së Pavarësisë  së  SHBA-ve  përfundojnë  me  ndeshjet  finale të Volejbollit  në rërë  ditën e  nesërme  me fillim në ora   18:30

Advertisement

Fjalët “identitet maqedonas” dhe “gjuhë maqedonase” duhet të hiqen nga draft-raporti i progresit për Maqedoninë e Veriut. Një marrëveshje e tillë u arrit nga tre forcat më të mëdha politike në Parlamentin Evropian, njofton media bullgare “BGNES”.

Shumica në seancën plenare në Strasburg pritet të mbështesë ndryshimet në raport javën e ardhshme.

Komiteti i Punëve të Jashtme i PE-së miratoi raportin për Maqedoninë, i cili përmend drejtpërdrejt “identitetin dhe gjuhën maqedonase” në katër vende, një temë që ka shkaktuar reagime të ashpra nga Sofja zyrtare në të kaluarën. Në Nenin 2 të Raportit, një pikë thotë:

“(Parlamenti Europian…) i bën thirrje Këshillit Europian t’i japë mbështetje publike dhe të qartë Maqedonisë së Veriut se synon të marrë shpejt dhe pa kushte një vendim pozitiv për të hyrë në fazën tjetër të negociatave të pranimit pas përmbushjes së kushteve të Përfundimeve të saj të 18 korrikut 2022, në respekt të plotë të gjuhës dhe identitetit maqedonas”.

I njëjti artikull, me amendamentin e miratuar të martën, më 24 qershor, thotë si më poshtë:

Advertisement

“Riafirmon rëndësinë e njohjes dhe respektit të qartë për gjuhën dhe identitetin maqedonas si pjesë integrale e trashëgimisë së kombit, rendit kushtetues, por edhe të vlerave evropiane; vëren se institucionet evropiane, në raportet e tyre për vendin dhe dokumentet zyrtare, vazhdimisht i referohen gjuhës maqedonase në përputhje me njohjen dhe zbatimin ndërkombëtar të Marrëveshjes së Prespës; konfirmon se respekti për identitetin gjuhësor, kulturor dhe kombëtar është një komponent themelor i procesit të anëtarësimit në BE dhe një gur themeli i shoqërive demokratike, gjë që do të konfirmohet më tej me anëtarësimin në familjen e kombeve evropiane”.

Aleanca për Shqiptarët, shpreh indinjatë të thellë dhe kundërshtim të vendosur ndaj mënyrës joprofesionale, tendencioze dhe diskriminuese me të cilën është përpiluar programi i ri mësimor për lëndën e historisë në arsimin fillor dhe të mesëm në Republikën e Maqedonisë së Veriut.

Edhe pse në parim e mbështesim nevojën për një reformë të kurrikulave, nuk mund të heshtim përballë një deformimi kaq flagrant të së vërtetës historike, përjashtimit të ekspertëve shqiptarë nga procesi i hartimit të programeve dhe përpjekjeve të qarta për të zbehur, relativizuar apo përçudnuar identitetin historik të shqiptarëve në këto troje.

A ka përfshirje të historianëve shqiptarë? Në një shtet që quhet multietnik, përjashtimi i historianëve shqiptarë nga grupet punuese për hartimin e kurrikulave është një skandal institucional dhe një ofendim i drejtpërdrejtë ndaj të gjithë qytetarëve shqiptarë. Mungesa e tyre ka prodhuar përmbajtje jo vetëm të pasakta, por edhe thellësisht të rrezikshme për formimin historik të nxënësve.

Shembuj flagrantë të falsifikimit dhe amatorizmit: Titulli “Ilirët dhe dardanët” është absurd dhe joshkencor, pasi dardanët janë pjesë e pandashme e trungut ilir.

Në mesjetë, shqiptarët njiheshin si “arbër” dhe vendi i tyre si “Arbëri”. Ky fakt elementar historik nuk mund të fshihet apo deformohet me arrogancë burokratike!

Advertisement

Zbehje sistematike e historisë shqiptare: Krahasuar me programet e mëparshme, përmbajtjet që trajtojnë historinë e popullit shqiptar janë përgjysmuar apo zhdukur krejtësisht, duke i dhënë përparësi historisë së popujve të tjerë në rajon. Kjo përbën një zvogëlim të qëllimshëm të kontributit të shqiptarëve në historinë ballkanike dhe evropiane, si dhe një përpjekje për të relativizuar ekzistencën e tyre në këto troje.

Kaos kronologjik dhe strukturor: Programet vuajnë nga mungesa e rendit logjik dhe kronologjik, ndërkohë që ngjarjet dhe proceset historike shqiptare janë trajtuar në mënyrë fragmentare, të cunguara dhe shpesh të paqarta, gjë që rrezikon të deformojë njohuritë historike të brezave të rinj.

Fyerje ndaj karakterit multietnik të shtetit: Një qasje që nuk reflekton realitetin multietnik të vendit dhe anashkalon historinë e njërit prej popujve themelues të RMV-së, është e papranueshme dhe shkon përtej një neglizhencë të thjeshtë – është diskriminim institucional!

KOHA PËR VEPRIM!

Aleanca për Shqiptarët kërkon me urgjencë që Ministria e Arsimit të ndalojë miratimin e teksteve mësimore që bazohen në këto programe problematike. Ka ende kohë për të reflektuar dhe për të përfshirë historianët shqiptarë në mënyrë të barabartë dhe profesionale, ashtu që programet të reflektojnë realitetin historik dhe kulturor të të gjithë qytetarëve të vendit.

Advertisement

Ky nuk është një apel i zakonshëm, por një thirrje e fuqishme për drejtësi, barazi dhe dinjitet në trajtimin e të kaluarës sonë të përbashkët.

Nëse historia shkruhet gabim sot – e ardhmja do të ndërtohet mbi gënjeshtra nesër.

Aleanca për Shqiptarët