Qendra Kombëtare për Menaxhimi Kufitare ka bërë të ditur se është hapur qarkullimi në pikën kufitare Hani i Elezit – Bllacë.

Në njoftimin thuhet se ende është i mbyllur Terminali Doganor.

“Ju informojmë se është hapur kufiri për qarkullim në hyrje- dalje për të gjitha automjetet, ndërsa në Terminalin Doganor ende është i mbyllur qarkullimi për automjete për bartjen e mallrave”.

“Për çdo informatë shtesë do t’u njoftojmë me kohë”, thuhet në njoftim.

Kompania për menaxhimin e mbeturinave Saubermacher Tetovë njofton banorët e fshatrave Brodec, Veshallë, Bozovcë, Lisec, Rasadishte, Gjermë, Shipkovicë, Sellcë, Vejcë, Llacë, ka bërë të ditur se vazhdon të kryejë grumbullimi i rregullt i mbeturinave komunale në zonat rurake në përputhje me orarin e paracaktuar dhe planin operativ të dakorduar me komunën e Tetovës. Sipas orarit të publikuar, ditën e hënë, ditën e martë dhe mërkurë, do të bëhet gurmbullimi I mbeturinave në fshatin Shipkovicë dhe Sellcë, ditën e enjte Gajre –Sellcë- Llacë. ditën e premte Rasadisht-Lisec- Llacë, ditën e shtunë Brodec Veshallë Bozovcë. Kompania për menaxhimin e mbeturinave Saubermacher Tetovë njofton se duke pasur parasysh sfidat që paraqet terreni malor dhe kushtet atmosferike, mund të ketë raste të vonesave të pashmangshme në mbledhjen e mbeturinave dhe në raste të tilla, qytetarët të njoftojnë sa më shpejtë që të jetë e mundur, në mënyrë që të reagohet  me efikasitet.“Ju inkurajojmë që të kërkoni faturat për shërbimin e grumbullimit të mbeturinave nëse nuk i keni pranuar nga posta. Në raste të tilla, është e mundur që të mos jeni të regjistruar në sistem. Për të përfituar shërbimet rregullisht, është e domosdoshme të jeni të regjistruar dhe të kryeni pagesat në mënyrë të rregullt” njoftuan nga Kompania për menaxhimin e mbeturinave Saubermacher Tetovë.

Rreth mesditës, disa vatra zjarri kanë shpërthyer në territorin e Komunës së Kumanovës dhe përhapja e tyre vazhdon me intensitet. Deri më tani janë regjistruar të paktën dhjetë zjarre në zona të ndryshme, përfshirë fshatrat Çetircë, Tabanoc, Rramanli,Kojnare e Epërme, vendin e njohur si “Palestinë”, lagjen “Pero Çiço”, rrugën “Gjuro Pucar Stari”, fshatin Mllado Nagoriçan, afër Etno Fshatit dhe në disa vende të tjera .

Komandanti i zjarrfikësve të Kumanovës, Dean Ilievski, theksoi se ekipet janë të shpërndara në terren dhe po përpiqen maksimalisht për të kontrolluar zjarrin, ndërsa situata përkeqësohet për shkak të shpërthimeve të reja. Në Mllado Nagoriçan, zjarri është afruar pranë shtëpive, ndaj janë dërguar menjëherë dy automjete ndërhyrjeje.

Për shkak të situatës serioze, zjarrfikësit kanë kërkuar ndihmë edhe nga kolegët jashtë orarit të punës, ndërsa u bëjnë thirrje banorëve lokalë të ndihmojnë në përballimin e kësaj stihie. Era e fortë po përhap me shpejtësi flakët, duke e bërë ndërhyrjen edhe më të vështirë.

Aktualisht, qyteti është i zhytur në tym si pasojë e zjarreve.(INA)