Connect with us

Lajme nga vendi

VLEN: BDI-ja e pranoi fajin e saj për regjistrimin, padrejtësinë më të madhe ndaj shqiptarëve

Published

on

VLEN reagon ashpër në një postim në Facebook, ndaj pranimit skandaloz të djeshëm nga Bashkimi Demokratik për Integrim (BDI), që përbën një pranim të qartë të fajësisë për njërin nga aktet më të rënda dhe më jokushtetuese ndaj shqiptarëve në Maqedoninë e Veriut: fshirjen e diasporës shqiptare nga regjistrimi i popullsisë i vitit 2021, thuhet në reagimin e VLEN, të cilën MIA e transmeton në mënyrë intergrale.

Para opinionit publik dhe mediave, drejtuesit e BDI-së pranuan se kishin negociuar metodologjinë e regjistrimit, me të cilën qytetarët u ndanë artificialisht në “rezidentë” dhe “jo-rezidentë”. Si rezultat, dhjetëra mijëra shqiptarë u fshinë nga të dhënat zyrtare.

Ali Ahmeti e pranoi personalisht se kishte negociuar, ndërsa Bujar Osmani ishte pjesë e ekipit negociues. Ky është një dëshmi e qartë se kush mban përgjegjësi për këtë padrejtësi kombëtare.

BDI ka heshtur për vite të tëra, por tani është koha të japë përgjigje:
Pse e fshitë diasporën shqiptare nga regjistrimi?
Cili ishte marrëveshja politike e fshehtë që e bëtë dhe me kë?
Pse e përjashtuat diasporën nga vendimmarrja, megjithëse ajo ka kontribuar për dekada në këtë shtet?

Diaspora shqiptare nuk është një numër që mund të manipulohet apo të shërbejë për pazare politike. Ajo është pjesë e identitetit tonë kolektiv, kapacitetit institucional dhe potencialit kombëtar të shqiptarëve në Maqedoninë e Veriut. Fshirja e këtyre qytetarëve është jo vetëm një padrejtësi emocionale, por edhe një eliminim juridik i ekzistencës së tyre.

Advertisement

BDI duhet të përgjigjet:
A janë marrëveshjet e reja për koalicion dhe listat e përbashkëta për zgjedhjet lokale një përpjekje tjetër për të amnistuar këtë akt të turpshëm?
A po heshtin partnerët e rinj të BDI-së për të harruar këtë katastrofë kombëtare?

Le të kujtojmë: shumë prej atyre që u fshinë nga regjistrimi e kanë lënë vendin pikërisht për shkak të korrupsionit, varfërisë dhe nepotizmit të prodhuar nga BDI për më shumë se dy dekada.

Ne, VLEN, nuk do të heshtim.
Do të kërkojmë përgjegjësi – për politikanët, drejtorët dhe institucionet që e kanë nënshkruar këtë padrejtësi.

Drejtësia po vjen, thanë nga VLEN.

Advertisement

Lajme nga vendi

Izet Mexhiti: 11 milionë euro investime për Çairin, 68 projekte në më pak se një vit

Published

on

Zëvendëskryeministri i parë dhe ministri i Mjedisit Jetësor dhe Planifikimit Hapësinor, Izet Mexhiti, ka bërë të ditur se Komuna e Çairit ka përjetuar një transformim të dukshëm falë realizimit të mbi 68 projekteve infrastrukturore dhe investimeve që kapin vlerën mbi 11 milionë euro, përcjell Zhurnal.mk.

“Sot ishim në Dizhon për të mbikëqyrur punimet që po ecin me ritme të shpejta dhe të sigurta. Çdo projekt është në vijë, çdo investim po kthehet në realitet për qytetarët e Çairit,” theksoi Mexhiti.

Ai shtoi se ndryshimi tashmë ndihet në çdo lagje, rrugë dhe shtëpi, duke nënvizuar se ky është transformimi i premtuar për Çairin, i cili po bëhet i prekshëm çdo ditë.

Continue Reading

Lajme nga vendi

Fetai: Taravari thoshte se Ahmeti ia dha 6 komuna, doli se mori pak më pak

Published

on

Arben Fetai nga VLEN ka komentuar shpalljen e kandidaturave për zgjedhjet lokale të ASH-Taravarit. Fetai thotë se kandidatët në fjalë janë kandidatë të BDI-së, pasi do të garojnë së bashku, me lista të përbashkëta.

“Ai vazhdimisht ka thënë se Ali Ahmeti ia jep gjashtë komuna, doli se i dha pak më pak. Ia dha katër. Emrat kanë qenë të ditur, i kemi ditur qysh në dhjetor-mars, që këta emra do të dalin, me përkrahje të BDI-së. Pra këta janë kandidatë të BDI-së, do të ketë lista të përbashkëta me BDI dhe shkrirje të Arben Taravarit në BDI. I urojmë fat Arben Taravarit, por e shohim se fundi i tij do të jetë i njëjtë me atë të z. Sela një vit para tij. Është për keqardhje që dy kryetarë të ASH-së përfundojnë në prehrin e kundërshtarit tonë kryesor për dy dekada me radhë”, tha mes tjerash Fetai, duke shtuar se liderët e VLEN-it do të mblidhen sot, për të finalizuar emrat e kandidatëve nga VLEN për zgjedhjet lokale.

Continue Reading

Lajme nga vendi

BDI: Qeveria të anulojë vendimin, me të cilin ulet numri i këshilltarëve në komuna me shumicë shqiptare

Published

on

Nga Bashkimi Demokratik për Integrim kërkojnë që Qeveria të anulojë vendimin, me të cilin sipas tij ulet numri i këshilltarëve në disa komuna me shumicë shqiptare. Shtojnë se edhe pse Gjykata Kushtetuese ka konstatuar shkelje në ndarjen e qytetarëve në rezidentë dhe jo rezident, qeveria nuk ka ndërmarrë hapa për të korrigjuar vendimin.

“Kanë kaluar ditë me radhë që kur u denoncua publikisht zvogëlimi i numrit të këshilltarëve në më shumë se 20 komuna ku praktikisht shlyhet mërgata, dhe Qeveria nuk ka dhënë asnjë sqarim, asnjë ndjesë, asnjë sinjal për përmirësim. Heshtja e tyre është dëshmi e qartë se diskriminimi institucional po ndodh me vetëdije dhe me bekimin e Qeverisë. Sot, opinioni publik e di se ky vendim është ndërmarrë në shtator të vitit 2024, ku me një veprim të njëanshëm, është përjashtuar padrejtësisht diaspora, pra është goditur kryesisht mërgata shqiptare, duke ulur artificialisht përqindjen e shqiptarëve nga 29.5% në 24.3%. Gjykata Kushtetuese tashmë ka konstatuar se ky vendim bie ndesh me Kushtetutën. Megjithatë, Qeveria vazhdon të heshtë, ndërsa përfaqësuesit shqiptarë në qeveri, të cilët gjoja janë aty për të përfaqësuar interesat tona, heshtin me zell, me qetësi dhe me nënshtrim”, thonë nga BDI.

Continue Reading

Më të lexuarat