Një pjesë e qytetit të Tetovës ka mbetur pa furnizim me ujë të pijshëm, si pasojë e një defekti në rrjetin ujësjellës.

Nga NPK “Sharri” bëjnë të ditur se ndërprerja ka ndodhur për shkak të një problemi teknik në rrugën “Ivo Lola Ribar”, duke shkaktuar ndërprerje të përkohshme të furnizimit në zonat përreth.

Sipas njoftimit zyrtar, ekipet e ndërmarrjes janë angazhuar në terren dhe po punojnë me kapacitet maksimal për sanimin e defektit dhe rikthimin sa më të shpejtë të furnizimit me ujë.

Sekretari i përgjithshëm i Këshillit për Bashkëpunim Rajonal, Amer Kapetanoviq, deklaroi në Shkup se vetëm posedimi i një diplome universitare nuk garanton më sukses në karrierë, duke theksuar rëndësinë e aftësive, kompetencave dhe mësimit gjatë gjithë jetës.

Në hapjen e konferencës rajonale “Ura drejt së ardhmes”, ai vuri në dukje se universitetet duhet të bëhen më ndërkombëtare, më fleksibile dhe më të lidhura me ekonominë reale, në mënyrë që të përmbushin kërkesat e tregut të punës.

“Premtimi i vjetër që njohim ishte i thjeshtë: studio shumë, merr një diplomë, siguro një punë të mirë dhe ngjitu në karrierë. Sot, ky premtim i vjetër nuk vlen as në ekonomitë e përparuara. Kjo është shumë e rëndësishëm, por nuk garanton suksesin, përveç nëse përputhet me kërkesat e rrepta të tregut të punës. Me fjalë të tjera, teknologjia formëson qasjen tonë ndaj informacionit, ndërsa sistemi arsimor duhet të sigurojë që njohuritë të kenë ruajtur vlerën e tyre. Dhe unë besoj se ky duhet të jetë premtimi ynë i ri. Dhe në kuadër të këtij premtimi, sfida nuk është vetëm të zgjerohet arsimi i lartë, por edhe të ripozicionohet. Janë të nevojshme universitete që janë më ndërkombëtarë, më relevante, më fleksibile dhe më të lidhura me ekonomitë real”, tha Kapetanoviq.

Kapetanoviq theksoi se internacionalizimi nuk ka të bëjë vetëm me prestigjin apo dërgimin e studentëve jashtë, por me cilësinë, mobilitetin dhe zhvillimin e kapaciteteve kërkimore.

Ai nënvizoi gjithashtu nevojën për lidhje më të forta mes universiteteve, industrisë dhe rrjeteve ndërkombëtare, si dhe për krijimin e kushteve që talentet të qarkullojnë dhe jo të largohen nga rajoni.

Advertisement

Konferenca në Shkup, e mbështetur nga Ministria e Arsimit dhe e organizuar nga Këshilli për Bashkëpunim Rajonal dhe Banka Botërore, mbledh përfaqësues të institucioneve, akademisë dhe industrisë për të diskutuar të ardhmen e arsimit të lartë në rajon

I dënuari në rastin e njohur si “Rasti Alfa”, Agim Islami, ka reaguar sërish përmes një postimi publik, duke rikujtuar se edhe kjo pranverë e gjen pas hekurave, në pritje të drejtësisë.

“Pranvera sjell shpresë dhe kënaqësi… shpresoj që këta përfaqësuesit tanë shqiptarë nuk do të lejojnë që edhe kjo verë të kalojë pa asnjë rezultat për çështjen e Rastit Alfa. Është pranvera e 18-të në burg, me besimin se drejtësia do të triumfojë një ditë”, ka shkruar Islami, përcjell INA.

Rasti “Alfa” lidhet me vrasjen e një pjesëtari të njësisë speciale policore “Alfa” në Shkup në vitin 2008, një ngjarje që shkaktoi reagime të shumta dhe tensione ndëretnike në atë kohë. Për këtë rast u arrestuan dhe më pas u dënuan disa shqiptarë, përfshirë edhe Agim Islamin.

Procesi gjyqësor u shoqërua me polemika të shumta, pasi avokatët me provat e tyre të reja theksojnë se rasti ishte i montuar dhe i bazuar në prova të pamjaftueshme. Avokatët mbrojtës kanë ngritur vazhdimisht shqetësime për mënyrën e hetimit, duke theksuar mungesë të provave materiale bindëse dhe kundërthënie në dëshmitë e paraqitura.

Pavarësisht kërkesave për rishqyrtim dhe reagimeve të vazhdueshme nga organizata dhe aktivistë, dënimet kanë mbetur në fuqi, ndërsa rasti vazhdon të konsiderohet nga shumëkush si një nga proceset më të kontestuara gjyqësore në vend. Pikërisht për këtë rast në të njejtën mënyrë sikurse Agim Islami ishte dënuar edhe Rexhail Qerimi nga Opaja e Kumanovës, që vite më parë ndërroi jetë ne burg.

Advertisement

Pas 18 vitesh në burg, Agim Islami vazhdon të insistojë në pafajësinë e tij, duke kërkuar lirimin, rihapjen e rastit dhe një proces të drejtë gjyqësor.(INA)