Mbrëmë në  studimin Kombëtar në Tiranë  kombëtarja  Shqiptare  mundi Letoninë 1-0 në kuadër të xhiros së pestë të grupit K për kualifikim në Botërorin 2026.  Angila  në Beograd  demoloi Serbinë 5-0.

 Kombëtarja shqiptare fitoi 1-0 ndaj Letonisë në “Air Albania”, në ndeshjen e xhiros së pestë në grupin K, të vlefshme për kualifikueset e Kupës së Botës 2026. Kuqezinjtë dominuan takimin dhe siguruan tri pikë të rëndësishme falë golit të Kristjan Asllanit.

Kombëtarja shqiptare ia e nisi vrullshëm takimin dhe që në minutat e para kërkoi golin. Në minutën e 9-të Hysaj krosoi nga e djathta, por tentativa me kokë e Laçit përfundoi jashtë. Në të 19-ën provoi Broja me një top të rrezikshëm në zonë.

Në minutën e 23-të, pas një aksioni të bukur mes Bajramit dhe Laçit, Shqipëria fitoi një penallti. Asllani u tregua i saktë nga pika e bardhë dhe kaloi kuqezinjtë në avantazh.

Kuqezinjtë vijuan të rrezikonin dhe në të 30-ën Manaj ishte pranë golit të dytë, por goditja e tij kaloi ngjitur me shtyllën. Pjesa e parë u mbyll 1-0.

Advertisement

Në fillim të fraksionit të dytë, Laçi provoi pas një harkimi të mirë të Hysajt, por gjuajtja e tij përfundoi mbi traversë.

Një rast i artë u regjistrua në minutën e 56-të, kur kapiteni Gjimshiti nuk arriti të shënonte përballë portierit. Në të 67-ën ishte Bajrami që rrezikoi me një goditje të fortë, por u ndal nga portieri i Letonisë.

Në fund, Shqipëria arriti të mbante avantazhin dhe e mbylli ndeshjen me fitoren 1-0. Kuqezinjtë ngjiten në vendin e dytë të Grupit K me 8 pikë. Ndeshja e radhës kualifikuese do të luhet ndaj Serbisë më 11 tetor.

Kështu Shqipëria ngjitet në vendin e dytë të Grupit K, falë edhe fitores 0-5 të Anglisë ndaj Serbisë, me kuqezinjtë që i mbyllin ndeshjet e shtatorit në zonën “Play Off”. Tabelën e  grupit K  e kryeson  Anglia  me 15 pikë maksimale e ndjekur  nga  Shqipëria  që ka  8  dhe  Serbia me  7  pikë.

SHABAN SINANI – TV KOHA

Advertisement

Në ndeshjen e raundit të dytë të grupit B, për kualifikim në Botërorin 2026, Kosova në stadiumin ‘’Fadil Vokrri’’ në Prishtinë në një atmosferë spektakolare mundi Suedinë 2-0

Përfaqësuesja e Kosovës  në futboll ka arritur një fitore të rëndësishme 2:0 ndaj Suedisë në ndeshjen e grupit B ,e vlefshme për kualifikim në Botërorin 2026 që njëherit është fitorja më madhe e në histori të Përfaqësueses së Kosovës.

Golat për Kosovën u shënuan në pjesën e parë nga Elvis Rexhbeçaj dhe Vedat Muriqi, duke rikthyer moralin pas humbjes së thellë nga Zvicra.

Nën drejtimin e trajnerit Franco Foda, Kosova tregoi organizim të mirë dhe efektivitet në finalizim ku përpos golave u krijuan edhe disa raste tjera ideale, ndërsa Suedia e trajnerit Tomasson edhe pse e pati posedimin nuk arriti të reagojë duke u gjunjëzuar në “Fadil Vokrri”.

UEFA ka shkruar për fitoren e madhe të Kosovës ndaj Suedisë me rezultat 2:0 të hënën mbrëma në “Fadil Vokrri”. “Kosova shënoi fitore mbresëlënëse ndaj Suedisë”, shkruan ndër të tjera në raportin e UEFA-s. Në ndeshjen tjetër të grupit  B, Zvicra  mundi Slloveninë 3-0.

Advertisement

Kjo fitore i jep Kosovës një impuls të madh për ndeshjet e ardhshme dhe e bën grupin B më të hapur se kurrë. Pas dy ndeshjeve në grupin B, renditja është kjo: Zvicra kryeson me 6 pikë, Kosova ka 3 pikë, ndërsa Suedia dhe Sllovenia kanë nga 1 pikë secila.

Klubi i  futbollit Shkëndija nesër në stadiumin e vjetër me fillim në ora 15:30 do të  zhvillon ndeshjen e fazës së parë të vlefshme për  Kupën e  Maqedonisë  sezoni  2025/2026. Kundërshtar i ekipi  tetovar është  skuadra Yeni Maale  nga Manastiri

Pas pauzës ndërkombëtare, kuqezinjtë rikthehen në Tetovë me dy ndeshje të rëndësishme në një hark kohor prej vetëm tre ditësh.

Te mërkurën, në stadiumin e vjetër të qytetit në Tetovë, presim Yeni Maalen në duelin e Kupës së Maqedonisë. Ndeshja e rrethit të parë të Kupës u shty për shkak të angazhimeve të Shkëndijës në Evropë. Duke pasur parasysh orarin e ngjeshur, skuadra nga Manastiri pranoi ofertën për ta zhvilluar takimin në Tetovë, duke kursyer kuqezinjtë nga lodhja shtesë pas udhëtimeve dhe angazhimeve ndërkombëtare.

Ndërkaq  të premten po në Tetovë me  fillim në ora  15:30, zhvillohet ndeshja hapëse e  javës së pestë të sezonit vjeshtor mes  Shkëndijës dhe  bashkimit të  Kumanovës . Ekipi i  Bashkimit  pas plot 17  viteve  si anëtare e Ligës së parë do të përballet me  ekipin kuqezi